Xiao Ke ka lindur në një familje muzikantësh. Nën ndikimin e prindërve, ai shfaqi talentin e tij artistik që kur ishte i vogël. Në moshën 10-vjeçare, Xiao Ke mësoi t'i bjerë pianos, dhe në shkollën e mesme mësoi kitarën. Gradualisht Xiao Ke nisi të kishte interes për muzikën popullore. Në vitin 1990, në moshën 19 vjeçare, Xiao Ke krijoi vetë një grup muzikor dhe filloi të kompozojë melodi. Në atë vit, ai fitoi çmimin e 4-t në konkursin e nxënësve këngëtarë me titull "Kupa paqësore". Prandaj ai u pranua nga dega e muzikës e universitetit pedagogjik të Pekinit.

Pas diplomimit në universitet, Xiao Ke u bë një mësues i shkollës së mesme. Përveç punës, ai këndonte edhe në bare e restorante. Gjatë kësaj periudhe, ai formoi gradualisht stilin e vet muzikor, duke përzier elemente të ndryshme, si xhaz, bluz, klasik dhe pop etj.

Në vitin 1994, kur puna e Xiao Ke-s po ecte mirë, ai njohu talentin muzikor, të ashtuquajturin "Krijues i muzikës kombëtare shkollore", Gao Xiaosong. Kështu ata filluan bashkëpunim. Në vitin 1995 Xiao Ke hoqi dorë nga puna e mësuesit dhe u fut në kompaninë e disqeve "Ylli i Kuq" në ndihmën e Gao Xiaosongut. Në fund të atij viti, ai nxori albumin e parë "Kujtimet për kohën". Melodia e bukur e Xiao Ke-së ka ndjenja të dëshpëruara. Zëri kumbues dhe tërheqës i tij ka prekur adhurues të panumërt. Po dëgjoni këngën me titull "Të të shoqëroj të largohemi".  dëgjoni

Në vitin 1998, Xiao Ke nxori albumin e dytë me titull "Do të ngryset", i cili na paraqet aftësinë e tij për të përzier muzikën klasike dhe popullore. Tani le të dëgjojmë këngën me titull "Gjërat e kaluara"  dëgjoni

Nga viti 1999 deri në vitin 2002, ishte periudha e artë e punës muzikore të Xiao Kesë. Në vitin 2000, ai nxori albumin "Koha", që ka këngë të disa dramave televizive si "Jeta e lumtur e Zhang Daminit", "Dashuria do të vazhdojë", "Ëndrra mijëvjeçare e vendit" etj. Ai ka forcuar funksionin e rrëfimit dhe fuqinë e paraqitjes të muzikës.

Në fund të vitit 2002, Xiao Ke nxori albumin me titull "Xiao Ke 2002", në të cilin ai ka provuar stile të reja të krijimit, duke përzier elemente të muzikës elektronike. Kështu që këngët e tij kanë karakteristika magjike, fantastike dhe moderne. Tani le të dëgjojmë këngën e stilit bosa nova me titull "Balet".  dëgjoni

Në vitin 2003 Xiao Ke pësoi një aksident shumë serioz me makinë. Organet e brendshme të tij u dëmtuan krejt. Por me besim dhe guxim të vendosur, ai e mori veten. Prandaj Xiao Ke ishte i mendimit se jeta është gjëra më e rëndësishme në botë. Kështu që krijimi i muzikës së tij ishte më i hapur.

Po dëgjoni tani këngën me titull "Jeta nuk është e thjeshtë për mua", të nxjerrë nga albumi i vitit 2006 "Ti e meriton". Me melodi të thjeshtë, Xiao Ke na paraqet zërin e qytetarëve "Koha e dëshpëruar. Jam shumë i lodhur. Jeta nuk është e thjeshtë për mua".  dëgjoni

Deri më sot Xiao Ke ka nxjerrë një album çdo tre ose katër vjet. Ai ka krijuar kompaninë "Tai You" për të paraqitur artistë si Na Ying, Chen Ming, Man Jiang, Sandi Lam, Karen Mok dhe Elva etj.

Po dëgjoni tani këngën e krijuar për këngëtaren e Kinës kontinentale Chen Ming me titull "Të pres të më duash". dëgjoni