Dëgjoni

Krahas aplikimit të mjeteve të teknologjisë së re, ndikimi i Radios së Jashtme të Kinës i ka kaluar shumë transmetimet thjesht në radio me valë të shkurtra. Siç mësohet, në emisionet e Radios së Jashtme të Kinës në internet, numri i vizitorëve ka arritur 500 deri 600 mijë në ditë.

Drejtori i Radios së Jashtme të Kinës Wang Gengnian tha se Radio e Jashtme e Kinës do të ndjekë hap pas hapi zhvillimin e teknologjisë, do të zgjerojë pandërprerë burimet e mediave të reja dhe pavarësisht ç'lloj media do të përdorë, përmbajtja do të vihet në qendër. Ai tha : "Media e re, d.m.th interneti, është i pakufishëm dhe përdoruesit mund të zgjedhin lirisht. Cila faqe ka përmbajtje tërheqëse, do të vizitohet nga më shumë vizitorë. Një grup me përvojë të pasur në organizimin e emisioneve, me ide të reja dhe me teknologji të re, është grup me potencial më të madh. Radio e Jashtme e Kinës ka epërsi në këtë drejtim. Ne kemi një kolektiv prej rreth 2 mijë vetash, talente të 43 gjuhëve, të cilët mund të transmetojnë të gjitha përmbajtjet e mediave të ndryshme."

Drejtori i Radios së Jashtme të Kinës Wang Gennian theksoi njëkohësisht se në epokën e mediave të reja, pasurimi i përmbajtjeve ka nevojë për bashkëpunimin shumëpalësh. Ai tha: "Epoka e internetit është një epokë që ka kërkesa për përmbajtje shumë të pasura. Ky platformë jona duhet të ketë ide të hapura dhe me bashkëpunimin e të gjithëve. Pasi të kemi këtë platformë, ne do të zhvillojmë bashkëpunimin e gjerë me mediat simotra dhe njëkohësisht do të mbledhim krijuesit e ndryshëm të shoqërisë, që me anën e platformës sonë, t'u shërbejmë të gjithëve, në mënyrë që forca krijuese e çdo personi të zhvillohet dhe rezultatet e punës së çdo punonjësi të tregohen në këtë platformë."

Me idenë e drejtorit Wang për zhvillimin e mediave të reja dhe për krijimin e përmbajtjeve të sakta dhe tërheqëse janë në një mendje të gjithë anëtarët të kësaj radioje. Zv.shefja e redaksisë së Qendrës së emisioneve të mediave të reja të kësaj radioje, drejtorja e përgjithshme e sektorit të transmetimeve televizive në internet, zonja Liu Shen, tha : "Unë jam e mendimit se forca e përballimit të sfidës vjen nga teknologjia e përparuar dhe ideja administruese, me shumë edhe nga përmbajtjet e transmetuara në këtë platformë. Ato duhen të jenë kristali i kulturave të ndryshme të shquara. Kjo është forcë burimore për zhvillimin e mediave të reja."

Gjatë shumë vjetëve, Radio e Jashtme e Kinës ka qenë gjithmonë e ngarkuar me funksionin e rëndësishëm të shkëmbimeve të Kinës me botën e jashtme, ajo ka qenë një urë e rëndësishme e njohjes së popujve të botës me Kinën dhe një dritare e popullit kinez për të parë botën e jashtme. Drejtori Wang Gengnian shprehu mendimin se strategjia kulturore e zhvillimit të mediave të reja të Radios së Jashtme të Kinës do të nxitë përhapjen e kulturës kineze në botë dhe shtimin e njohjes së botës me Kinën.

"Kultura kineze ka vitalitetin e saj dhe është një kulturë shumë e çmuar e njerëzimit. Për arsye të kufizimeve të mënyrës së transmetimeve, kjo kulturë nuk ka ndikimin e duhur në botë. Tani, me zhvillimin e mjeteve moderne të transmetimeve, kultura kineze do të njihet nga më shumë njerëz dhe kjo kulturë do të nxitë me siguri bashkëjetesën e harmonishme të gjithë njerëzimit". ( Zhai)