Dëgjoni

Vitet e fundit Radio e Jashtme e Kinës po ndryshon figurën e saj të medias tradicionale, duke nisur biznesin e mediave të reja dhe duke forcuar pandërprerë ndikimin e saj në opinionin ndërkombëtar. Para disa kohësh, drejtori i Radios së Jashtme të Kinës Wang Gëngnian dha një intervistë për "CRI online" dhe "Faqen e internetit popullor", ku ai foli për strategjinë kulturore të mediave të reja që po zhvillon me të gjitha forcat Radio e Jashtme e Kinës.

Dëgjues të dashur, Radio e Jashtme e Kinës, me një histori 65- vjeçare, transmeton çdo ditë emisione në 38 gjuhë dhe 5 dialekte për më se 200 vende e rajone të botës, dhe është një radio ndërkombëtare me prestigj në botë. Vitet e fundit, me zhvillimin tekniko-shkencor, përveç transmetimeve me valë të shkurtra si media tradicionale, Radio e Jashtme e Kinës ka zgjeruar aktivisht biznesin e mediave te reja.

Drejtori i kësaj radioje Wang Gengnian tha se, megjithëse lindja e mediave të reja ka ushtruar një presion të madh mbi median tradicionale, media tradicionale ka mundësi të zhvillohet duke shfrytëzuar median e re.

Ai tha : "Ne kemi ndier thellë se me të zotëruar teknologjinë e re, mediat tradicionale do të kenë një vitalitet më të madh. Si Radio e Jashtme e Kinës, ne kemi punuar 65 vjet në këtë media tradicionale. Kjo radio u radhit se bashku me 'Zërin e Amerikës' dhe BBC-në ndër tre radiot më të mëdha ndërkombëtare, kurse ndikimi i Radios sonë nuk është i madh. Por, pas aplikimit të mediave të reja, zhvillimi i 'CRI online' ka marrë një shpejtësi të madhe. Gjatë më se 2 vjetëve, ne u radhitëm në vendin e parë të qendrave të radiove në internet, duke e kaluar BBC-në dhe 'Zërin e Amerikës'. Ky është një ndryshim i sjellë nga teknologjia e re".

Në krahasim me radion, televizionin dhe shtypin tradicional, qarqet e mediave janë të mendimit se të ashtuquajturat media të reja, në fakt janë media të aplikuara me një sërë teknologjish të reja, si teknologjia e internetit, digjitale, teknologjia e transmetimeve radiofonike etj. Mediat e reja përfshijnë mediat e shumëllojshme si interneti, IPTV, radioja në celular, televizioni në celular etj. Me zhvillimin teknologjik, do të dalin më shumë forma të mediave.

Radio e Jashtme e Kinës krijoi në vitin 1998 "CRI online", duke hapur zyrtarisht faqet e internetit në gjuhën kineze, angleze, franceze, gjermane dhe spanjolle. Zv.kryeredaktori i përgjithshëm i Radios, drejtori i Qendrës së emisioneve të mediave të reja, z. Ma Weigong, tha : "Me zhvillimin tekniko-shkencor, veçanërisht me shfaqjen e internetit dhe dukurive të mediave të re, ne kemi kuptuar se, në qoftë se nuk do t'i përdorim në kohë këto media, do të lindin probleme në zhvillimin dhe ekzistencën e Radios. Deri tani, përveç zhvillimit të internetit, duke përfshirë radion në internet, ne kemi filluar provat edhe për transmetimet e emisioneve të radios dhe televizionit në celular dhe kemi arritur rezultate fillestare.

Zhvillimi i mediave të reja të Radios së Jashtme të Kinës ka marrë një shpejtësi të madhe. Deri në vitin 2002, "CRI online" ka realizuar faqet e internetit në 43 gjuhë me zë. Deri në fund të vitit 2003, u vunë në internet faqet e Radios së Jashtme të Kinës në 38 gjuhë me shkrime. Pas më pak se një viti, Radio e Jashtme e Kinës filloi publikimin e faqeve në 39 gjuhë të huaja me teknologjinë CDN, duke ngritur shumë shpejtësinë e vizitës në internet dhe përdoruesit e internetit mund të vizitojnë lehtë dhe me kënaqësi këto faqe. Në vitin 2005, Radio e Jashtme e Kinës filloi transmetimet e radiove të shumë gjuhëve në internet dhe në vitin 2006, filluan transmetimin e emisioneve me figura dhe me zë në shumë gjuhë. Po në mars të këtij viti, televizioni i Radios së Jashtme të Kinës filloi të transmetojë emisionet në internet dhe në prill të këtij viti, edhe emisionet televizive të kësaj radioje filluan të transmetohen në celular.

Krahas aplikimit të mjeteve të teknologjisë së re, ndikimi i Radios së Jashtme të Kinës i ka kaluar shumë transmetimet thjesht në radio me valë të shkurtra. Siç mësohet, në emisionet e Radios së Jashtme të Kinës në internet, numri i vizitorëve ka arritur 500 deri 600 mijë në ditë.

Drejtori i Radios së Jashtme të Kinës Wang Gengnian tha se Radio e Jashtme e Kinës do të ndjekë hap pas hapi zhvillimin e teknologjisë, do të zgjerojë pandërprerë burimet e mediave të reja dhe pavarësisht ç'lloj media do të përdorë, përmbajtja do të vihet në qendër. Ai tha : "Media e re, d.m.th interneti, është i pakufishëm dhe përdoruesit mund të zgjedhin lirisht. Cila faqe ka përmbajtje tërheqëse, do të vizitohet nga më shumë vizitorë. Një grup me përvojë të pasur në organizimin e emisioneve, me ide të reja dhe me teknologji të re, është grup me potencial më të madh. Radio e Jashtme e Kinës ka epërsi në këtë drejtim. Ne kemi një kolektiv prej rreth 2 mijë vetash, talente të 43 gjuhëve, të cilët mund të transmetojnë të gjitha përmbajtjet e mediave të ndryshme. "

Drejtori i Radios së Jashtme të Kinës Wang Gennian theksoi njëkohësisht se në epokën e mediave të reja, pasurimi i përmbajtjeve ka nevojë për bashkëpunimin shumëpalësh. Ai tha: ."Epoka e internetit është një epokë që ka kërkesa për përmbajtje shumë të pasura. Ky platformë jona duhet të ketë ide të hapura dhe me bashkëpunimin e të gjithëve. Pasi të kemi këtë platformë, ne do të zhvillojmë bashkëpunimin e gjerë me mediat simotra dhe njëkohësisht do të mbledhim krijuesit e ndryshëm të shoqërisë, që me anën e platformës sonë, t'u shërbejmë të gjithëve, në mënyrë që forca krijuese e çdo personi të zhvillohet dhe rezultatet e punës së çdo punonjësi të tregohen në këtë platformë. "