Dëgjoni

Pak kohë më parë, u zhvillua Festivali i 7-të Artistik "Takimi në Pekin". Në këtë festival, artistët e ardhur nga afro 20 vende e rajone të botës dhanë shfaqje të mrekullueshme për shikuesit e Pekinit. Ndër të cilat, koncerti i këngëtares kineze Mayila u la shikuesve një përshtypje të thellë. Ajo këndoi jo vetëm këngë popullore kineze, por edhe këngë të operave të famshme botërore në disa gjuhë të huaja.

Mayila është këngëtarja e kombësisë Kazak dhe lindi në një familje të muzikantëve në Rajonin Autonom të Xinjiang Ujgurit të Kinës. Mayila është edhe emri i një kënge popullore të Xinjiangut. Ajo tha:

"Prindërit e mi merren me muzikë. Babai është kompozitor dhe nëna është këngëtare. Kur isha e vogël, qaja me zë të lartë dhe prindërit thanë se jam një këngëtare e vogël. Mayila është një këngë e famshme popullore e Xinjiangut, prindërit më quajnë me këtë emër me qëllim që unë të bëhem një këngëtare e përshëndetur nga dëgjuesit." 

Me përgatitjen e prindërve, Mayilas filloi t'i pëlqente muzika qysh në moshë të re. Kur ishte në moshën 8-vjeçare, ajo filloi të mësojë piano nga babai. Në vitin 1982, Mayila hyri në shkollën artistike të Yili-s të Xinjiangut për të mësuar piano. Në vitin 1984, ajo u pranua nga fakulteti i muzikës i Universitetit Qendror të Kombësive të Kinës për të studiuar mjeshtërinë vokale. Në vitin 1987, Mayila mori pjesë për herë të parë në konkursin e mjeshtërisë vokale të kombësive të mbarë vendit dhe fitoi çmimin e dytë. Në vitin 1988, Mayila u diplomua nga Universiteti Qendror i Kombësive me rezultate të shkëlqyeshme dhe u bë pedagoge e universitetit. Në vitin 2002, me ftesën e Teatrit të Francës, Mayila nënshkroi një kontratë 3 vjeçare me të. Mayila tha se roli kryesor i luajtur nga ajo në operën "Elikziri i dashurisë" i ka lënë përshtypje më të thellë, regjisori provoi të shfaqë një operë klasike në mënyrat moderne:

"Roli kryesor i luajtur nga unë quhej Adina. Shikuesve u pëlqen shumë ky rol interesant. Me këtë rol, fitova famë në qarqet perëndimore të operës."

Mayila është një këngëtare kineze kështu që për të shfaqur operën në skenën perëndimore, ajo ka bërë përpjekje të palodhshme. Së pari, asaj i duhet të mësojë gjuhë të huaja. Në atë kohë kur jepte shfaqje në vende të huaja, çdo ditë paradite, Mayila mësonte së pari gjuhë të huaja pastaj shkonte në teatër për ushtrime. Mayila është e mendimit se nuk është një gjë e lehtë që të ruhet gjendja e mirë shpirtërore e fizike për shfaqje:

"Atë kohë çdo ditë duhet të ruaj gjendjen e mirë shpirtërore e fizike. Për të siguruar shfaqjen e suksesshme, unë duhet të bëjë përpjekje më të mëdha se aktorët e huaj, sepse ata nuk kanë pengesa të gjuhës. Ato ditë nuk pushoja fare, përveç shfaqjes, bëja ushtrime herë pas here. Nëse pushoja një ditë atëherë shikuesit do të zbulonin gabime në shfaqje."

Krahas shfaqjes së operës, Mayila mori pjesë edhe në shumë shfaqje vullnetare. Ajo kontribuoi të gjitha të ardhurat nga këto shfaqje për njerëz me të meta fizike, jetimë etj. Mayila u shpreh se aktori i operës është i përkëdheluri i Zotit dhe duhet t'i shërbejë shoqërisë me forcën e vet:

"Jam e mendimit se çdo këngëtar e çdo njeri duhet të bëjë mirëqenie brenda mundësive që ka për t'i ndihmuar njerëzit me vështirësi. Gjatë jetës sime artistike, shumë njerëz më kanë dhënë ndihma të çmuara për kapërcimin e vështirësive. Jam shumë e lumtur që t'i sjell shoqërisë gëzime nëpërmjet këngëve të mia."