Dëgjoni

Sporti "triatlon" lindi në vitet 70 të shekullit të kaluar. Një ditë në vitin 1973, një grup zyrtarësh të sportit u mblodhën në një bar të ishujve Havaj dhe hapën debatin se cili sport në botë mund të konsiderohet si sporti më stimulues dhe më provokues dhe si prova më e rreptë për vullnetin dhe energjinë trupore të njeriut. Të pranishmit dhanë lloj-lloj përgjigjesh. Dikush tha se një sport i tillë mund të jetë regbia, kurse të tjerët zunë në gojë sporte të tjera, si kalimi me not i një ngushtice deti, futbolli, ciklizmi me distancë të gjatë, maratona me alpinizëm etj. Secili shfaqi pikëpamjen e vet, por debati nuk përfundonte dot. Më në fund, një gjeneral i forcave detare amerikane tha se nëse dikush është në gjendje që, brenda një dite, të notojë 2 milje(afërsisht si 3.8 kilometra) në mes të dallgëve të detit, më tej të ecë 180 kilometra me biçikletë dhe më në fund të vrapojë maratonën 42 kilometrash pa u ndalur asnjë herë, ai do të jetë njeri i hekurt i vërtetë. Propozimi i tij u miratua nga të tjerët dhe që të nesërmen u organizua një garë e tillë me pjesëmarrjen e 15 vetave, ndër të cilët ishte edhe një vajzë. 14 veta prej tyre përfunduan tërë garën. Në këtë mënyrë lindi një sport i ri për t'i bërë sfidë natyrës dhe për të mposhtur vetveten e lojtarit. Kjo lojë komplekse e notit, ciklizmit dhe vrapimit të distancës së gjatë, që u bën sfidë energjisë trupore, shpejtësisë dhe teknikës së sportistëve, u quajt "triatlon", që do të thotë "tregarëshi për njerëz të hekurt".

Në vitin 2008, bashkë me sportet e tjera të lojërave olimpike, ky sport që i bën sfidë kufirit maksimal të mundësisë, do të zhvillohet në liqenin artificial Shisan-ling të Pekinit, që gjendet në një zonë me peizazh të bukur si piktura. Ky liqen artificial, që është në fakt një rezervuar i madh me një vëllim uji të rezervuar prej 60 milionë metrash kube, u ndërtua në vitin 1958. Në kuadrin e 50 vjetorit të tij, gjatë Lojërave Olimpike të Pekinit të vitit 2008, një numër "njerëzish të hekurt" nga vende dhe rajone të ndryshme të botës do të bëjnë gjithë garën e notit 1.5 kilometra, të ciklizmit 40 kilometra dhe të vrapimit 10 kilometra. Dy blloqe pistash të parafabrikuara, të kaltra dhe me përmasën sa dy fusha futbolli, duken të bukura nën qiellin e kaltër. Është hera e parë në Kinë që u shtruan pista të parafabrikuara në sipërfaqe të madhe. Disa sportistë kinezë dhe të huaj, që bënë garën e nxehjes së trupit, u shpehën të kënaqur për mjedisin natyror të terrenit të garave.

Disa sportistë përmendën veçanërisht shtrimin e pistave të parafabrikuara në Shisan-ling. Ata thanë se kur morën pjesë në garat e organizuara në disa vende të tjera, ata vrapuan në pista të shtruara drejtpërdrejt në sipërfaqen prej çimentoje, prandaj ata rrëshqitnin shpesh herë, kurse në mjedisin e triatlonit të Lojërve Olimpike të Pekinit nuk do të dalë problem i tillë. Pistat e parafabrikuara kanë edhe të mira të tjera. Ato mund të instalohen shpejt dhe të hiqen shpejt, prandaj mund të përdoren në mënyrë të përsëritur dhe kjo gjë na ofron lehtësira për mirëmbajtjen e tyre deri në kohën e Lojërave Olimpike të Pekinit të vitit 2008.

Më 15 dhe 16 shtator të këtij viti, do të fillojnë garat e triatlonit për kupën botërore me temë "Pekini fatmirë". Ato do të jenë një provë e garave të triatlonit të Lojërave Olimpike të Pekinit. Në kohën e zhvillimit të këtyre garave, organizatorët e Lojërave Olimpike të Pekinit do të shtojnë vendet e shkallëve të spektatorëve sportdashës në të dy anët e fushës së garave, me qëllim që numri i spektatorëve të shtohhet në 6000 nga 1000 që është tani. Vija e garave të notit përpara pendës së madhe do të zgjatet edhe 500 metra të tjera, me qëllim që gjatësia e kësaj vije të plotësojë kërkesën e garave të triatlonit të lojërave olimpike. Me qëllim që spektatorët sportdashës të shohin garat më qartë, ndërtuesit kanë shtruar edhe një rrugë të re 700 metra të gjatë në pendën e liqenit artificial Shisan-ling. Kjo rrugë siguron që, gjatë çdo gare, lojtarët mund të kalojnë 6 herë përpara shkallëve të spektatorëve sportdashës, gjë që do të plotësojë maksimum kërkesën e tyre për të admiruar sa më mirë bukurinë e triatlonit të lojërve olimpike. (Zheng)