Dëgjoni

Valsi është jo vetëm një formë elegante e artit koreografik, por edhe një degë e rendësishme e vallëzimit fizkulturor. Kohët e fundit, ky lloj vallëzimi u bë një temë e nxehtë e muhabetit në Kinë, sepse Ministria e Arsimit e Kinës mori një vendim të ri për përfshirjen e Valsit ndër lëndët mësimore të detyrueshme në shkollat e mesme kineze. Ju ftojmë të dëgjoni më hollësisht korrespondencën tonë.

Ministria e Arsimit e Kinës krijoi "Vallen e parë në grup për shkollat fillore dhe të mesme të Kinës" dhe mori një vendim që më 1 shtator, kur do të filloj semestri i ri, ky vallëzim të përhapet në mënyrë të gjithanshme në shkollat fillore dhe të mesme. Valsi që kërcejnë djemtë dhe vajzat dorë për dore do të bëhet vallëzimi i caktuar për nxënësit e shkollave të mesme të ciklit të lartë. Drejtori i degës së higjienës fizkulturore dhe edukatës artistike të Ministrisë së Arsimit, zoti Yang Guiren u shpreh se marrja e kësaj mase ka për qëllim që nxënësit të dalin nga klasa dhe të shkojnë në fusha sportive për të marrë pjesë në aktivitete artistike dhe fizkulturore.

Tani, cilësia trupore e nxënësve tërheq vëmendje të gjerë. Sipas të dhënave statistikore, gjatë 20 vjetëve të fundit, vëllimi i frymëmarrjes i mushkërive, shpejtësia, forca dhe treguesit e tjerë të cilësive trupore të nxënësve janë ulur vazhdimisht. Përqindja e nxënësve me mbipeshë është dyfishuar se 5 vjet më parë. Dalja e këtyre problemeve ka lidhje jo vetëm me strukturën e paekuilibruar të ushqimeve, por edhe me faktorë të tjerë, siç janë detyrat tepër të rënda mësimore në shkollat e mesme e fillore dhe mungesa e kohës së stërvitjes fizkulturore. Valsi dhe vallet e tjera në grup për shkolla mund të ndikojnë pozitivisht në edukatën e nxënësve dhe në kalitjen e tyre fizike. Prandaj, kjo masë e re e Ministrisë së Arsimit u vlerësua lart.

Profesori Tian Yilin i Institutit të Arsimit të Universitetit të Fizkulturës të Pekinit është i mendimit se me zhvillimin e pandërprerë shoqëror, sidomos me shtimin e lidhjeve të Kinës me botën, nxënësve kinezë të shkollës së mesme u duhet një mënyrë më moderne për forcimin e shëndetit dhe dolja e Valsit është taman në kohë. Valsi është një vallëzim popullor botëror për njohjen shoqërore. Përvetësimi i kësaj mënyre mund të ndihmojë rritjen e aftësisë së nxënësve për njohjen shoqërore në të ardhme, formimin e trupit shëndetësor. Ai tha:

"Me ngritjen e nivelit së jetës materiale dhe kulturore, duhet të ndryshojmë edhe mënyrën mësimore në shkollë. Përhapja e Valsit në gjithë vendin, veçanërisht në shkollën e mesme, është një gjë me rëndësi të madhe aktuale dhe historike."

Profesori Tian është i mendimit se në procesin e përhapjes së Valsit dhe vallëzimeve të tjera duhet të kemi parasysh kushtet konkrete të vendit tonë dhe të zhvillojmë hap pas hapi.

"Por përhapja e këtij vallëzimi kërkon një mënyrë të përshtatshme, sepse vendi ynë është një vend me territor shumë të gjerë dhe me kombësi të shumta. Duhet të marrim në konsideratë edhe rajonet e pazhvilluara. E dimë se masat e gjera të fshatarëve ushqejnë një ndjenjë shumë të thellë për kulturat rajonale dhe fshatare. Duhet një proces i gjatë që fëmijët në fshat të pranojnë Valsin. Prandaj jam i mendimit se kjo është një ide e mirë, por për përhapjen e tij në të gjithë vendin duhet një proces gradual.

Nxënësit e shkollës së mesme numër 101 e Pekinit, që është një shkollë me nivel të lartë, do të fillojnë mësimin e Valsit që nga 1 shtatori i këtij viti. Mësuesi kujdestar i klasës së 5-të të vitit të parë të kësaj shkolle, zoti Jiang Jiaqian u shpreh se në të kaluarën nxënësit nuk e merrnin seriozisht as gjimnastikën e mëngjesit. Kjo gjendje mund të përmirësohet me kërcimin e Valsit,

"Si fillim, nxënësit do të ndiejnë se Valsi është një gjë e re dhe do të përqafojnë më pozitivisht."

Mësuesi Jiang është i mendimit se nxënësit kinez janë shumë të zënë me detyrat tepër të rënda mësimore dhe nuk kanë shumë kohë për stërvitje. Meqë Valsi dhe vallëzimet në grup janë bërë tani lënda e detyrueshme mësimore, nxënësit mund të shfrytëzojnë më shumë kohë për stërvitjen fizkulturore.

(Shy Guan)