Dëgjoni

Hong-kongu i Kinës është qendra e njohur financiare, tregtare dhe e lundrimit në botë. Në teknologji, fonde etj,. ajo ka epërsi relativisht të forta konkurruese, dhe në zhvillimin ekonomik ka nevojë reciproke me krahinat e brendshme të Kinës. Baza e bashkëpunimit është shumë e mirë. Gjatë 10 vjetëve pas kthimit në atdhe, është forcuar pandëprerë bashkëpunimi ekonomiko-tregtar midis Hong-kongut dhe krahinave të brendshme.

Pak kohë më parë, përfaqësuesit e provincave Jiansi, Hubei dhe Guizhou të Kinës organizuan bisedime tregtare, duke u parashtruar sipërmarrësve të Hong-kongut disa objekte. Drejtori i Drejtorisë për tërheqjen e investimeve të qytetit Anshun të provincës Guizhou, z. Zhou Wucang i tha gazetarit se në aktivitetet për tërheqjen e investimeve të zhvilluara në Hong-kong, ndërmarrjet e qytetit Anshun dhe të Hong-kongut nënshkruan 18 marrëveshje të bashkëpunimit. në të cilat përfshihen turizmi, shfrytëzimi, shërbimet, komunikacioni, nxjerrja e mineraleve. Vëllimi i përgjithshëm i investimeve arriti në 2 miliardë e 700 milionë juanë.

"Kjo është hera e parë që vijnë në Hong-kong dhe do të vijmë përsëri në të ardhmen. Krahinat e brendshme kanë epërsi në burime dhe në energjinë elektrike, ndërsa Hong-kong ka epërsi në fonde, dhe teknologji, prandaj bashkëpunimi ekonomiko-tregtar midis Hong-kongut dhe krahinave të brendshme ka nevojë reciproke."

Drejtori Zhou tha gjithashtu, se tregu i gjerë, krahët e punës dhe burime do t'i krijojnë zhvillimit ekonomik të Hong-kongut një hapësirë më të gjerë. Qarqet e ndërmarrjeve të Hong-kongut do të fitojnë një zhvillim më të shpejtë nëpërmjet investime në krahinat e brendshme. Zoti Ye Jiequan që punon në Shoqatën e Industrisë të Hong-kongut, tha: "Ardhja e ndërmarrjeve të krahinave të brendshme në Hong-kong për tërheqjen e investimeve u dha sipërmarrësve të Hong-kongut një rast të zhvillimit dhe fondeve të sipërmarrësve të Hong-kongut një rrugëdalje".

Nga një anë tjetër del se me zhvillimin ekonomik të njohurive, potenciali i fortë i studimeve shkencore i krahinave të brendshme i ka dhënë zhvillimit të vazhdueshëm të ekonomisë së Hong-kongut sigurimin. Shumë personalitete të Hong-kongut janë të mendimit se forcimi i bashkëpunimit tekniko-shkencor midis Hong-kongut dhe krahinave të brendshme është i duhur. Drejtori i degës financiare i Hong-kongut Tang Yingnian tha: "Ne do të vazhdojmë të nxitim aktivisht shkëmbimet në fushën akademike dhe bashkëpunimin tekniko-shkencor me krahinat e brendshme dhe të inkurajojmë institucionet e studimeve shkencore dhe ndërmarrjet të forcojnë bashkëpunimin për të krijuar gjendjen e përfitimeve të përbashkëta dhe të leverdisë reciproke."

Zoti Tang është i mendimit se në krahasim me krahinat e brendshme, Hong-kongu ka kushtet e veta të favorshme, duke përfshirë sistemin e mirë të mbrojtjes së të drejtave të pronësisë intelektuale, mjedisin e mirë të grumbullimit të fondeve etj. Ndërmarrjet e shumta i njohin këto epërsi të Hong-kongut dhe e konsiderojnë Hong-kongun si një platformë të ecjes së tyre në tregun ndërkombëtar.

Shoqëria me përgjegjësi të kufizuar e aksioneve pranë Grupit TCL është një ndërmarrje e njohur në krahinat e brendshme të Kinës. Kryetari i kësaj shoqërie, z. Li Dongsheng vlerësoi lart Hong-kongun si një platformë e mirë.

"Me zhvillimin shumëvjeçar, dy shoqëri tona aksionare në Hong-kong kanë hyrë në treg. Tani Hong-kongu është bërë platforma e qarkullimit të kapitaleve kryesore të shoqërive tona. Kjo platformë ka luajtur një rol pozitiv në grumbullimin e fondeve."

Grupi i pajisjeve eletro-shtëpiake Guomei që ka hyrë në treg në Hong-kong, është ndërmarrja më e madhe filiale e shitjes me pakicë të pajisjeve elektro-shtëpiake. Drejtorja ekzekutive e këtij grupi, zj. Du Juan i tha gazetarit se nëpërmjet bashkëpunimit me institucionet e ndryshme financiare ndërkombëtare, Grupi Guomei ka importuar me sukses investuesit financiarë, duke shfrytëzuar epërsitë e Hong-kongut si një qendër ndërkombëtare financiare, tregtare dhe turistike, dhe i ka krijuar zhvillimit të shpejtë të ndërmarrjeve përkrahjen e fondeve të mjaftueshme. Ajo tha: "Në hong-kong, Grupi Guomei ka zhvilluar pandërprerë më shumë kontakte me përvojën e re të administrimit ndërkombëtar. Potenciali konkurrues i tij është ngritur shumë shpejt nëpërmjet konkurencës me ndërmarrjet e Hong-kongut. Tani Grupi Guomei ka hyrë në tregjet e 220 qyteteve të mëdha dhe të mesme të Kinës."

Në fillim të këtij muaji, në një konferencë shtypi, drejtori i Promovimit të Investimeve të Rajonit të Posaçëm Administrativ të Hong-kongut, z. Mike Rowse tha se ne duhet të inkurajojmë ndërmarrjet e krahinave të brendshme të Kinës të shkojnë në Hong-kong për zhvillim. Ai tha: "Ne jemi të mendimit se duhet të inkurajojmë ndërmarrjet e krahinave të brendshme të Kinës të shkojnë në Hong-kong për zhvillim, sepse ky është bashkim ekonomik midis krahinave të brendshme dhe Hong-kongut." (Sihai)