Në nënrubrikën e sotme "Shkëmbime kulturore" do t'ju njohim me kompleksin "Mius" të trupës artistike "Hongshanshu" dhe me disa këngë të huaja të interpretuara prej tij.

Së pari ju ftojmë të dëgjoni këngën angleze "Bilbili". Kjo është një këngë korale e përpunuar nga dirigjenti i njohur kinez Yang Hongnian në bazë të këngës angleze "Bilbili". Në këngë thuhet: "Bilbili këndon gjithë natën në mes të pyjeve të qetë. O bilbil, në mes të luleve me aromë të këndshme, këngët e tua të bukura e zgjuan tokën e madhe"....

Trupa artistike "Hongshanshu" u krijua në vitin l985 nga dekani i Fakultetit Vokal të Universitetit Pedagogjik Xuzhou të Kinës Liu Shanzhen. Kjo trupë ka tani 200 anëtarë të ardhur nga ky fakultet dhe nga shkolla të ndryshme të mesme, fillore, si dhe kopshte të qytetit Xuzhou. Mosha e anëtarëve të kësaj trupe është nga 5 deri 22 vjeç dhe kori i kësaj trupe mund të interpretojë këngë korale të tipave të ndryshëm kineze dhe të huaja. Kjo trupë ka fituar shumë çmime në konkurse korale të vendit dhe ndërkombëtare...

Kënga që po dëgjoni është kënga angleze "Shtëpia e dashur", e interpretuar nga kompleksi "Mius". Kompleksi "Mius" është një kompleks i përbërë nga 6 vajza të reja, që janë studente të Fakultetit Vokal të Universitetit Pedagogjik Xhuzhou. Dashuria e tyre për muzikën dhe synimet e tyre të përbashkëta i mblodhën ato në kompleksin "Mius". ..

Kënga që po dëgjoni, është përpunuar në bazë të muzikës së kompozitorit austriak Johan Shtraus "Biseda e lirë Polka". Në këtë këngë humoristike pasqyrohen në mënyrë të gjallë bisedat e lira dhe të gëzueshme të grave. ( Zhai)