Në vitin 2008 do të zhvillohen në Pekin Lojërat e 29-ta Olimpike. Për të treguar idenë e "Lojërave humanitare Olimpike" duke filluar nga maji i këtij viti, në Pekin u nisën aktivitete të pasura kulturore në përgatitjet e Lojërave Olimpike të Pekinit.

Si një nga aktivitetet e rëndësishme kultutore të "Lojërave humanitare Olimpike", në Pekin u hap për herë të parë " Ekspozita artistike e piktorëve kinezë mbi familjen e madhe të OKB-së ? E njëjta botë". Në ceremoninë e hapjes, funksionari i zyrës së shtypit të Këshillit të Shtetit të Kinës, një nga palët organizatore të kësaj ekspozite, z. Li Bing tha: " Kjo është një ekspozitë e jashtëzakonshme e krijimeve. Për organizimin e kësaj ekspozite, ne kemi ftuar 200 piktorë të shquar kinezë duke përfshirë edhe piktorë nga Honkongu dhe Tajvani, të cilët me pikturimin artistik të pikturës kineze pasqyrojnë figurat përfaqësuese të l92 vendeve anëtare të OKB-së dhe të institutioneve të OKB-së. Kjo është një nga krijimtarit më të mëdha të piktorëve të njohur për vepra me të njejtën temë dhe një dhuratë e çmuar me karakteristika të kulturës kineze për popujt e vendeve të ndryshme të botës".

200 piktorë të shquar kinezë me moshë të ndryshme duke përfshirë edhe piktorë honkongas dhe tajvanez, shfaqën krijimtarin e tyre në formën e pikturës kinezë duke patur simbolet kulturore të 192 vendeve anëtare të OKB-së, si kalaja Lhore Fort e Pakistanit, Teatri i Operës Sydney i Austrisë, skulptura Little Mermaid e Danimarkës, Festivali i trëndafileve i Bullgarisë, Tango e Argjentinës etj. Kuriozitetet e kulturës simbolike të vendeve të ndryshme, ndërtimet arkitekturale, zakonet e doket vendore, lulet dhe zogjtë simbolik janë përfshirë në këto piktura.

Në ceremoninë e hapjes, z, Huang Yongyu tha : " Si një piktor 84 vjeçar, jam shumë i kënaqur që pata mundësi të marrë pjesë në këtë aktivitet artistik me rëndësi historike. "

Siç mësohet, pas ekspozimit në Pekin, ekspozita " E njejta botë" do të shkojë në një turne në krahina të ndryshme të vendit dhe në selinë e përgjithshme të OKB-së në Nju Jork dhe në degën e OKB-së në Gjenevë si dhe në kryeqytetet e më se l0 vendeve të kontinenteve të ndryshme. Pikturat e kësaj ekspozite do të futen në një album madhështor me shumë gjuhë si dhuratë për persona të njohur të vendeve dhe fushave të ndryshme të botës dhe do të jetë një dhuratë shumë të çmuar për delegacionet e vendeve të ndryshme pjesëmarrëse të Lojërave Olimpike të Pekinit të vitit 2008.

Zv-drejtori i Drejtorisë së Objekteve arkeologjike të qytetit të Pekinit Shu Xiaofen tha se sipas planit, nga maji i këtij viti deri në kohën e zhvillimit të Lojërave Olimpike të vitit 2008, Bashkia e qytetit të Pekinit do të organizojë 400 ekspozita karakteristike kineze dhe të huaja.

Ai tha : "Që nga tani deri në kohën e zhvillimit të Lojërave Olimpike, ne do të organizojmë 200 ekspozita karakteristike dhe 200 ekspozita të përkohëshme. Nga gjashtëmujori i dytë i këtij viti deri në fund të vitit të ardhshëm, qytetarët e Pekinit dhe turistët e krahinave të tjera që kanë ardhur në Pekin si dhe miqtë kinezë dhe të huaj që kanë ardhur për të parë Lojërat Olimpike të Pekinit do të kënaqen me këto ekspozita të larmishme dhe të bukura."

Gjatë majit të këtij viti u organizua edhe festivali ndërkombëtar artistik " Takimet në Pekin". Nga viti 2000 deri tani janë organizuar 6 edicione të këtij festivali. Në edicionin e këtij viti, më se 40 trupa artistike të ardhura nga më se 20 vende e rajonet e 5 kontinenteve dhanë shfaqje në teatre, morën pjesë në takimet nëpër sheshet e qytetit dhe në ekspozita të ndryshme artistike.

Si një aktivitet i rëndësishëm i "Lojërave Humanitare" në verë të vitit 2008 do të organizohet njëkohësisht me Lojërat Olimpike edhe ekspozita ndërkombëtare e arteve figurative. Kjo është një ekspozitë e organizuar bashkarisht nga shoqata e qarqeve të letërsisë dhe të artit të Kinës, Bashkia e qytetit të Pekinit dhe shoqata e artistëve të Kinës. Zv-kryetyari i shoqatës së artistëve të Kinës Liu Davei tha :"Sipas propozimit të Komitetit Organizativ të Lojërave Olimpike të Pekinit, ceremonia e hapjes së kësaj ekspozite do të organizohet në dhjetëditëshin e parë të korrikut të vitit 2008 dhe ekspozita do të jetë e hapur gjatë gjithë kohës së zhvillimit të Lojërave Olimpike të Pekinit dhe do të përfundojë në fund të gushtit të vitit të ardhshëm, në mënyrë që të shtohet atmosfera artistike gjatë kohës së zhvillimit të Lojërave Olimpike. Në këtë ekspozitë do të marrin pjesë më se 800 objekte të më se 70 vendeve të botës, që janë vepra të shquara të artistëve të vendeve të ndryshme të 5 kontinenteve. Këto vepra do të pasqyrojnë nga ana artistike frymën olimpike dhe do të jetë një pamje e veçantë humanitare e krijuar gjatë kohë së zhvillimit të Lojërave Olimpike të Pekinit.

Gjatë më se një viti nga koha e organizimit të Lojërave Olimpike të vitit 2008, në Pekin do të organizohen shumë aktivitete të larmishme kultutore për të pritur këto lojëra Olimpike. ( Zhai)