Sipërfaqja e sallës së ekspozitës të muzeut arrin në mbi 1.6 mijë metra katrorë dhe në të janë vendosur më se 2100 piktura e relikte lidhur me dramën kineze.

Përgjegjësi i muzeut u shpreh se ky muze do të bëjë përpjekje më të mëdha për të koleksionuar e mbrojtur të dhënat e reliktet e dramës dhe do të organizojë kursin e dramës, ekspozitën e posaçme dhe shkëmbimet artistike.

Në vitin 1907, studentë kinezë në Japoni shfaqën në Tokio dramën "Traviata". Kjo shfaqje shënoi lindjen e dramës kineze.

Kina bën aktivisht përgatitje për të paraqitur kërkesën për përcaktimin e Rrugës së Mëndafshit si trashëgimi kulturore botërore

Agjencia kineze e lajmeve Hsinhua njoftoi se ditët e fundit, funksionarët e specialistët përkatës të Drejtorisë Shtetërore të Relikteve të Kinës, të Akademisë së Shkencave Shoqërore të Kinës etj. zhvilluan në qytetin Urumqi mbledhjen e punës së paraqitjes së kërkesës për përcaktimin e Rrugës së Mëndafshit si trashëgimi kulturore botërore.

Në gusht të vitit të kaluar, Kina, Kazakistani, Kirgiztani, Taxhikistani e Uzbekistani vendet përgjatë Rrugës së Mëndafshit vendosën të paraqitin së bashku kërkesën për përcaktimin e Rrugës së Mëndafshit si trashëgimi kulturore botërore e OKB-së.

Do të zhvillohet java ndërkombëtare e filmit sportiv e Pekinit 

Agjencia kineze e lajmeve Hsinhua njoftoi se në muajin e ardhshëm, do të zhvillohet java ndërkombëtare e filmit sportiv e Pekinit për vitin 2007. Më se 40 filma sportivë të ardhur nga 13 vende e rajone do të shfaqen gjatë kësaj veprimtarie.

Java ndërkombëtare e filmit sportiv e Pekinit është një nga aktivitetet e rëndësishme të "Festivalit të artit olimpik të Pekinit". Gjatë aktivitetit, organizatorët do të dërgojnë mbi 300 grupe në mbi 1500 lagje për të shfaqur film, e kështu që shumë qytetarë të Pekinit do të ndiejnë magjinë e filmit sportiv në lagje.

Qeveria kineze forcon mbrojtjen e trashëgimive kulturore tibetiane 

Agjencia kineze e lajmeve Hsinhua njoftoi se qeveria kineze e Rajoni Autonom i Tibetit po forcojnë mbrojtjen e trashëgimive kulturore.

Siç bëhet e ditur, në 20 vjetët e kaluar, qeveria kineze e Rajoni Autonom i Tibetit investuan gjithsej mbi 300 milionë juanë për të mbrojtur vendndodhje historike, relikte, tempuj etj. Tani në Tibet ka 35 pika të rëndësishme të mbrojtjes së relikteve në rang kombëtar. (Fani)