Parimi tre-pikësh i Lojërave Olimpike të Pekinit, parimi i "frymës humanitare, shkencës e teknikës dhe ngjyrës së blertë", që tashmë është rrënjosur në zemrat e popullit, përfaqëson njohjen dhe synimin e kinezëve për frymën olimpike. Por nuk është një punë e lehtë vënia në jetë e këtij parimi tre-pikësh, sidomos vënia në jetë e pikës së "ngjyrës së blertë" është një punë plot me sfidë për Pekinin.

Me qëllim që Lojërat Olimpike të Pekinit të organizohen në një mjedis të shëndoshë, të pastër dhe të pëlqyeshëm dhe që të përmirësohet mjedisi i qytetit duke përfituar nga rasti i organizimit të Lojërave Olimpike, Pekini vuri në punë një sasi të madhe force punëtorësh, materialesh dhe financash qysh në fillimin e lutjes për organizimin e Lojërave Olimpike. Në një konferencë shtypi për problemin e mbrojtjes së mjedisit të lojërave olimpike, që u organizua para disa kohësh, bëri sqarim drejtori i Drejtorisë së Mbrejtjes së Mjedisit të Pekinit, Shi Hanmin sqaroi..

"E nisëm rregullimin e mjedisit qysh në vitin 1998. Vitet e fundit kemi shtuar investimet në këtë çështje dhe shuma e invesitmeve arrin mesatarisht 10 miliardë juanë në vit. Në dy vjetët e fundit shpejtuam punimet dhe shtuam instalimet përkatëse, prandaj shuma e investimeve vitin e kaluar arriti në 25 miliardë juanë dhe sivjet do të shtohen më tej."

Funksionarët e sektorëve të mbrojtjes së mjedisit të Pekinit thonë se ende kanë detyrë të rëndë për të përballuar sfidën për mbrojtjen e mjedisit të Lojërave Olimpike. Sfida më e madhe është fakti se numri i automjeteve të Pekinit rritet çdo vit dhe më 26 maj të këtij viti ky numër arriti në 3 milionë. Nënkryetari i bashkisë i Pekinit, zoti Gji Lin, thotë se shtimi i automjeteve të Pekinit u ngjalli ndjenja të ndërlikuara organizatorëve të Lojërave Olimpike të Pekinit.

"Nga njëra anë, shtimi i numrit të automjeteve pasqyron lulëzimin e ekonomisë dhe ngritjen e nivelit të jetës së popullit, por nga ana tjetër, shkakton keqësimin e trafikut dhe ndotjen e mjedisit, sidomos ndotjen e ajrit. Për të zgjidhur këtë problem, kemi ngritur standardin e shkarkimit të gazit të përdorur të automjeteve. Por standardi i ri zbatohet vetëm për automjetet e reja dhe jo për ato të vjetra, me të cilat nuk dimë se çfarë të bëjmë. Problem të rëndë sjellin edhe automjetet e krahinave të tjera që vijnë me shërbim në Pekin dhe ato që kalojnë në rrugët e Pekinit duke transportuar mallra në një krahinë tjetër, sidomos kamionet e mëdha që shkarkojnë sasi të madhe gazi të përdorur. Kemi marrë masa për të kufizuar ato, por ende nuk kemi gjetuar zgjidhjen përfundimtare."

Për të përmirësuar cilësinë e ajrit, Pekini ka hartuar edhe planin e ngritjes së cilësisë së benzinave dhe të reformimit të 1000 stacioneve të furnizimit me benzinë. Në kohën e Lojërave Olimpike të Pekinit, do të mbyllen ato që nuk përputhen me standardin edhe pas reformimit.

Ndotja e ajrit në një rajon është një çështje që ka lidhje të drejtpërdrejtë edhe me krahinat përreth, sepse ajri është i lëvizshëm. Prandaj parandalimi dhe likuidimi i ndotjes së ajrit është edhe punë për rajonet fqinjë dhe një rajon nuk mund të zgjidhë të gjitha problemet në këtë drejtim. Tani Pekini së bashku me Drejtorinë e Përgjithshme Shtetërore të Mbrojtjes së Mjedisit të Kinës, po bëjnë bashkëpunum me rajonet fqinjë, qytetin Tiencin, provincat Hëbei e Shansi dhe rajonin autonom të Mongolisë së Brendshme, për të hartuar bashkarisht një program racional të likuidimit të ndotjes së ajrit.

Nënkryetari i bashkisë së qytetit Pekin, zoti Gji Lin thotë se gjatë kohës së Lojërave Olimpike Pekini do të forcojë kontrollin e cilësisë së ajrit dhe njoftimin për cilësinë e ajrit.

"Administrata e Pekinit është plotësisht e ndërgjegjshme për detyrën e vet të garantimit të cilësisë së ajrit të Lojërave Olimpike. Të gjithë le të besojnë se do të marrim të gjitha masat për të garantuar cilësinë e ajrit dhe për të dhënë në kohë informacione mbi cilësinë e ajrit gjatë Lojërave Olimpike."

Organizatorët e Lojërave Olimpike të Pekinit e kanë të qartë sfidën përpara tyre, por ata janë shprehur me veprimin konkret se do të bëjnë të gjitha përpjekjet për të vënë në jetë parimin e Lojërave Olimpike të blerta të Pekinit, duke mbajtur premtimet e veta. (Zheng)