Ai është atlet legjendar i Afrikës dhe quahet "babai i vrapimit në distancë të gjatë i Kenias". Ai ushqen një ndjenjë shumë të thellë dashurrie për Kinën dhe për sportet olimpike kineze.

"Kam qenë një atlet edhe më parë. Në lojërat olimpike, kam fituar dy medalje ari dhe dy argjendi. Në Lojërat e Komonuelthit Britanik, korra 4 medalje ari dhe një bronzi. Në Lojërat Panafrikane, kam fituar 3 medalje ari dhe një argjendi. Kam thyer 2 rekorde botërore."

Ai është kryetari i Komitetit Olimpik të Kenias dhe anëtari i vetëm kenian i Komitetit Organizativ Olimpik.

"Tani po përgatitem për Lojërat Panafrikane, që do të organizohen në korrik të këtij viti në Algjeri dhe do të jenë pjesë e punëve përgatitore për Lojërat Olimpike të Pekinit."

Ai e do punën publike, u ofroi raste për arsimim 500 jetimëve. Ai ka krijuar qendrën e trajnimit të atletikës, e cila përgatit talente sportive për atdheun e tij.

"U ofrova jetimëve raste të barbarta, të cilat mund t'u sigurojnë të njëjtën jetë si fëmijëve të tjerë. Ne kemi një qendër trajnimi, ku janë rekrutuar trajnerë kenianë dhe të vendeve të ndryshme të botës."

Ai ka përkrahur gjithmonë me vendosmëri aplikimin e Kinës për organizimin e Lojërave Olimpike të vitit 2000 dhe të vitit 2008.

"Kur Kina nuk arriti të fitojë të drejtën për organizimin e Lojërave Olimpike të Vitit 2000, pashë që kinezët qanë. Nga lotët e kinezëve, kuptova dëshirën e tyre për organizimin e lojërave olimpike."

Ai është një figurë legjendare në fushat botërore të atletikës, Kipchoge Keino.

Si anëtar i Komitetit Olimpik Ndërkombëtar dhe anëtar i Komitetit Bashkërendues të Lojërave Olimpike të Pekinit të vitit 2008, Keino e ka vizituar shumë herë Kinën. Vitet e fundit, ai e ka vizituar Pekinin dy herë në vit, me qëllim inspektimin e ndërtimit, të buxhetit, të transportimit, të zhvillimit tregtar të fushave dhe stadiumeve olimpike etj. Në nëntorin e vitit të kaluar, Keino erdhi në Kinë përsëri për inspektimin e përgatitjes së Lojërave Olimpike të Pekinit. Në krahasim me vizitën e para disa muajve, Keino tha se ai ka parë shumë ndryshime.

"Kemi parë shumë ndryshime: breza të gjelbër, fusha sportive në universitet. Kemi mësuar që pas lojërave olimpike, këto fusha sportive do të përdoren nga studentët e universitetit. Kemi parë ndërtimin e rrugëve, zhvillimin e metrosë dhe përmirësimin e mjedisit. Prandaj, Pekini do të bëhet një vend shumë i shkëlqyer i organizimit të lojërave olimpike."

Pas inspektimit të përgatitjes së lojërave olimpike të Pekinit, Keino ka besim të madh për suksesin e këtyre lojërave.

"Unë besoj që Lojërat Olimpike të Pekinit do të bëhen nga lojërat olimpike më të suksesshme. Siç mësova, për organizimin e lojërave olimpike të vitit të ardhshëm, Komiteti Organizativ Olimpik i Pekinit po punon ditë e natë. Në Kinë, qeveria dhe populli po përpiqen së bashku. Prandaj, jam i sigurt se vitin e ardhshëm Kina do të na paraqitë një edicion të lojërave olimpike të pazakonshëm."

Keino ka përkrahur gjithmonë me vendosmëri organizimin e lojërave olimpike nga Kina dhe ka nxitur pozitivisht anëtarët e tjerë afrikanë të Komitetit Olimpik të përkrahin organizimin e lojërave olimpike nga Kina. Suksesi i Pekinit për të drejtën e organizimit të lojërave olimpike vjen edhe nga kontributi i Keinos. Në vitin kur Pekinit iu dha kjo e drejtë, në qytetin bregdetar të Kenias Mombasa, ai organizoi me shpenzimet e veta një mbledhje, ku morën pjesë anëtarët afrikanë të Komitetit Olimpik.

"Organizuam një mbledhje në Mombasa. Unë diskutova së bashku me anëtarët e tjerë afrikanë të Komitetit Olimpik. thashë: Zotërinj, ne kemi organizuar lojërat olimpike në shumë vende të botës, por ndër to nuk përshihet Kina. Prandaj, ne duhet të shkojmë në Kinë, të shikojmë si do të organizohen lojërat olimpike nga kinezët."

Në zemrën e Keinos, ka një ndjenjë shumë të thellë për Kinën.

"Kinezët janë shumë punëtorë dhe miqësorë. Shpresojmë që më shumë kinezë, të rinj kinezë, të marrin pjesë në lojërat e ndryshme. E di që Kina ka atletët, pingpongistët dhe qitësit më të shkëlqyer. Dimë që populli kinez është miku ynë i mirë. Dëshirojmë që kjo miqësi të vazhdojë edhe në të ardhmen." (Shy Guan)