Sipas të dhënave më të reja statistikore të publikuara nga Ministria e Informacionit e Kinës, deri në fund të prillit të këtij viti, numri i përdoruesve të internetit të brezit të gjerë në Kinë arriti në 57 milionë e 260 mijë, dhe zë vendin e dytë në botë. Ditët e fundit, në një Forum të organizuar në Pekin, zv/ministri i Informacionit i Kinës Jiang Yaoping tha se Kina do të vazhdojë të nxitë përhapjen e internetit të brezit të gjerë, njëkohësisht do të forcojë bashkëpunimin ndërkombëtar, për të nxitur zhvillimin global të çështjeve të telekomunikacionit të brezit të gjerë.

Ditët e fundit u zhvillua në Pekin konferenca aziatike e Forumit botëror të brezit të gjerë për vitin 2007.

Sipas të dhënave statistikore, në 140 milionë përdoruesit e internetit në Kinë, përqindja e përdoruesve të internetit të brezit të gjerë kanë zënë 67% prej tyre. Njëkohësisht puna studimore lidhur me teknologjinë e brezit të gjerë ka arritur rezultate pozitive. Në konferencën aziatike e Forumit botëror të brezit të gjerë për vitin 2007, zv/ministri i Informacionit i Kinës Jiang Yaoping tha se përhapja e internetit të brezit të gjerë është kërkesa urgjente për nxitjen e procesit të informatizimit të ekonomisë kombëtare dhe të shoqërisë kineze dhe kërkesa reale për nxitjen e zhvillimit ekonomik e shoqëror të Kinës dhe pasurimin e jetës kulturore të masave popullore. Në të ardhmen, qeveria kineze do të vazhdojë të punojë me nxitjen e zhvillimit të teknologjisë së telekomunikacionit të brezit të gjerë dhe të përhapjes së internetit të brezit të gjerë.

"Ministria e Informacionit e Kinës do të shtojë përkrahjen në anën politike dhe do të nxitë aktivisht shfrytëzimin e aplikimin e teknologjisë së brezit të gjerë në forcimin e ndërtimit të infrastrukturës, për të nxitur përfitimet e përbashkëta dhe zhvillimin e përbashkët."

Zoti Jiang Yaoping vuri në dukje se Kina do të vazhdojë të forcojë bashkëpunimin dhe shkëmbimet ndërkombëtare për të nxitur bashkërisht zhvillimin e telekomunikacionit të brezit të gjerë, duke u nisur nga hapja e jashtme.

"Telekomunikacioni i brezit të gjerë është është një fushë e rëndësishme për zhvillimin e sektorëve informacionit dhe telekomunikacionit dhe përmbajtje e rëndësishme e bashkëpunimit ndërkombëtar në fushën e telekominikacionit. Në të ardhmen, ne dëshirojmë të forcojmë më tej bashkëpunimin me vendet e ndryshme dhe me organizata ndërkombëtare përkatëse për të arritur leverdinë reciproke dhe përfitimet e përbashkëta. Ne mirepresim investuesit e huaj të vijnë në Kinë për të marrë pjesënë zhvillimin e sektorit të telekomunikacionit të Kinës. Ne do të mbrojmë të drejtat e ligjshme dhe interesat e biznesmenëve të huaj. Njëkohësisht ne do të përkrahim dhe do të inkurajojmë ndërmarrjet r fuqishme kineze të shkojnë jashtë vendit të japin kontributin e tyre për zhvillimin global të telekomunikacionit".

Zv/sekretari i përgjithshëm i Lidhjes Ndërkombëtare të Telekomunikacionit Zhao Houlin ka ardhur posaçërisht nga Gjeneva në Kinë për të marrë pjesë në "konferencën aziatike të Forumit botëror të brezit të gjerë për vitin 2007. Ai tha se industria e telekomunikacionit të brezit të gjerë ka luajtur një rol të pazëvendësueshëm për nxitjen e ndërtimit të informatizimit të Kinës, zhvillimin ekonomik dhe ngritjen e popullit kinez. Ai shpresoi se përvoja e Kinës do të popullarizohet në vendet e ndrshme të botës, sidomos në vendet në zhvillim.

"Lidhja Ndërkombëtare e Telekomunikacionit shpreson se përvoja e suksesshme e Kinës do të merret dhe do të aplikohet nga kolegët e vendeve të ndryshme për të ndihmuar familjen e madhe botërore me zvogëlimin e diferencës në këtë fushë. Njëkohësisht Kina do të japë kontributin e duhur për zhvillimin e ardhshëm të teknologjisë së telekomunikacionit të botës."

Kryetari i Federatës Ndërkombëtare të Inxhinierisë John Janoviak u tha korrespondentëve të Radios sonë se do të zhvillohen në vitin e ardhshëm në Pekin Lojërat e 29-ta Olimpike Verore, Gjithë bota do t'i kushtojë rëndësi Pekinit. Kjo do të jetë një rast shumë të mirë për të shfaqur kulturën, historinë dhe rezultatet e krijimit të Pekinit. Unë jam i bindur se Lojërat Olimpike të Pekinit do të jenë shumë të suksesshme.

(Sihai)