dëgjoni

Duke folur për verën, njerëzit e dinë se Portoja e Francës është fshati i njohur i prodhimit të verës. Në ishullin Jiaodong të Kinës Veriore ka një qytet të quajtur Penglai. Edhe ai është një "qytet i njohur i prodhimit të verës në Kinë". Kinezët e quajnë këtë qytet "Parajsë tokësore". Këtu ka kushte shumë të mira natyrore për mbjelljen e rushit. Prandaj Penglai është bërë një nga zonat kryesore të prodhimit të verës në Kinë.

Penglai ndodhet në paralelin verior 37.5 gradë dhe në një paralel të njëllojtë me Portonë e Francës dhe me zonat e tjera të prodhimit të verërave të njohura. Ai ka kushte shumë të mira për zhvillimin e industrisë së verës. Nënkryetari i bashkisë së këtij qyteti, z. Mu Qinghë tha se tani sipërfaqja e mbjelljes së vreshtave për prodhimin e verës arrin në 47 mijë hektarë, sasia vjetore e prodhimit të verës arrin mbi 80 mijë tonë. Tani industria e verës ka përbërë një rrjet relativisht të përmirësuar të prodhimit në Penglai.

"Vitet e fundit, Penglai ka ndërtuar bazën e mbjelljes së vreshtave me një sipërfaqe prej 8 mijë hektarësh për të prodhuar verën".

Në vreshtat ekzistues, një pjesë dërrmuese e tyre janë mbjellë në vitet 80 të shekullit të kaluar. Deri tani mosha e këtyre vreshtave është 20-vjeçare. Vitet e fundit, Penglai importoi shumë lloje të mira të farave të vreshtave nga jashtë.

Zoti Yang Fengguang është një agronom i lartë që ka marrë pjesë në mbjelljen mbi 40-vjeçare të vreshtave. Ai tha se vreshtat e mirë janë kushti bazë për prodhimin e verës së mirë. Duke u mbështetur te kushtet e mira gjeografike dhe teknika e përparuar e mbjelljes, Penglai ka prodhuar verën e saj me cilësi të veçantë.

"Karakteristikat më kryesore të verës janë: ajo ka shije origjinale të rushit dhe vlera të pasura ushqyese. Cilësia e mirë apo e keqe e verës varet plotësisht nga shija origjinale e rushit. Prandaj specialistët janë të mendimit se lënda e parë e prodhimit të verës është më e rëndësishme, ndërsa teknologjia e prodhimit të verës është dorës së dytë. Prandaj që të prodhohet verë e mirë, me siguri duhet të zgjidhet vreshti me cilësi të mirë mirë."

Për të zhvilluar drejt modernizimit industrinë e verës të Penglait, Penglai ka krijuar zonën eksperimentale të nivelit kombëtar të mbjelljes së vreshtave. Në vitin 2002, sektorët përkatës të qytetit Penglai kanë hartuar edhe disa standarde për mbjelljen e vreshtave dhe për prodhimin e verës.

Në një vresht, gazetari pa nga afër se një burrë po kultivon vreshta. Ai quhet Fu Xianbin, dhe përgjigjet për administrimin e një vreshti me një sipërfaqe prej një hektar. Të ardhurat vjetore të mbjelljes së vreshtave arritën në 12 mijë juanë, duke u shtuar në mbi 2 herë. Ai tha, gjithashtu, se vendasit i kushtojnë rëndësi shumë të madhe cilësisë së mbjelljes së vreshtave jo sasisë së mbjelljes, në mënyrë për të ngritur cilësinë e prodhimit të verës.

"Në të kaluarën, mbjellja e vreshtave u mbështet te metoda e vjetër dhe vetëm te sasia e prodhimit. Por tani mbjellja e vreshtave i kushton rëndësi cilësisë së mbjelljes së vreshtave".

Në fillim të viteve 90 të shekullit të kaluar, çmimi i rushit u ngrit shumë shpejt. Fshatarët e Penglait kanë mbjellë në mënyrë të verbër vreshtat dhe sasia e prodhimit të rushit u shtua shumë. Por cilësia e rushit nuk arrin kërkesën për prodhimin e verës së mirë. Fshatarët kanë humbur shumë para.

Tani shumë ndërmarrje të njohura kineze dhe të huaja të prodhimit të verës kanë ardhur në Penglai, duke krijuar bazat e tyre të mbjelljes së vreshtave dhe të prodhimit të verës. Këto ndërmarrje nënshkruan kontratat me fshatarët vendorë dhe u shpjeguan atyre teknikën e mbjelljes. Kështu që fshatarët patën përfitime të mëdha.

Tani Penglai ka krijuar edhe institucionin e parë studimor për prodhimin e verës në Kinë. Parashikohet se deri në vitin 2010, sipërfaqja e mbjelljes së vreshtave për prodhimin e verës me cilësi të mirë do të arrijë në 170 mijë hektarë dhe sasia e prodhimit të verës do të arrijë në 250 mijë tonë.

Vera është një pije e klasit të lartë. Shfrytëzimi i turizmit lidhur me verën është një objektiv i rëndësishëm i shumë zonave të prodhimit të verës në botë. Penglai ka krijuar edhe qendrën e ekspozitës së verës për të eksportuar produktet e tij.

(Sihai)