Dëgjoni

Ditët e fundit u organizua në Pekin edicioni i 7-të i Festivalit ndërkombëtar artistik "Takimet në Pekin", ku morën pjesë më se 40 trupa artistike të ardhura nga më se 20 vende e rajone të botës. "Aroma kineze" është një pjesë e rëndësishme përbërëse e këtij festivali, ku u përfshinë programe të pasura folklorike me këngë e valle të pakicave kombëtare të Kinës....

Pjesa që po dëgjoni është nga drama muzikore "Magjia në stepë", me karakteristika të theksuara të kombësisë mongole të Mongolisë së Brendshme të Kinës, ku shtjellohen lindja, jeta dhe zhvillimi i kësaj kombësie të stepës.

Kombi kinez ka një histori të lashtë qytetërimi 5-mijëvjeçar dhe kinezët kanë krijuar qysh në lashtësi forma karakteristike me këngë e valle. Koreografia e distriktit Han para 2000 vjetëve e ngriti koreografinë klasike të lashtësisë në një nivel të ri, duke hedhur një bazë të fortë për zhvillimin e koreografisë kineze të brezit të mëvonshëm. Vallja "Kënga e furtunave" e interpretuar gjatë këtij festivali është përpunuar pikërisht në bazë të koreografisë së dinastisë Han të Kinës së lashtë, ku në formën e këngëve dhe valleve pasqyrohen fatet e personazheve dhe ndryshimet historike të kësaj dinastie.

Vallja "Kënga e furtunave" me anën e këngëve dhe valleve trajton një subjekt historik: banketin madhështor me rastin e bashkimit të vendit të shtruar nga perandori themelues i dinastisë Han Liu Bang. Në këtë pjesë koreografike me valle me mëngë të gjata dhe me melodi të ndryshme, të hidhërueshme dhe madhështore, përshkruhen figurat e personazheve dhe gjendja e tyre psikologjike. Në muzikën e kësaj pjese koreografike të interpretuar më veglat muzikore karakteristike kineze pipa, zheng e lashtë, xiao dhe erhu, ndihet një atmosferë solemne madhështore e historisë së Kinës dhe e gjendjes së brendshme shpirtërore të kombit kinez. Edhe gjithë skena dhe projektimet skenike pasqyron bukurinë e lashtë të kombit kinez.

Krijuesi i kësaj pjesë koreografike, z. Xhy Rui, shpjegoi: "Ne dëshirojmë të pasqyrojmë këtë kulturë të jashtëzakonshme koreografike të Kinës. Pjesët koreografike të dinastisë Han janë përmirësuar dhe përsosur nga koreografët e disa brezave. Kjo është një punë e madhe në pasqyrimin e karakterit të theksuar kombëtar të Kinës, duke u dhënë shikuesve një forcë tërheqëse të kulturës tradicionale" .

Pjesa që po dëgjoni, është nga koncerti i pianistes së re kineze Li Yang. Vitet e fundit shumë pianistë të rinj kinezë kanë tërhequr vëmendjen në arenën ndërkombëtare.

Një prej tyre është edhe pianistja Li Yang, e cila ka arritur rezultate të shkëlqyera në konkurset ndërkombëtare pianistike. Li Yang është jashtëzakonisht e kënaqur që pati rastin të organizonte një koncert për piano gjatë festivalit "Takimet në Pekin". Në këtë koncert, Li Yang, me piano, këtë vegël muzikore evropiane, interpretoi dy pjesë muzikore të përpunuara në bazë të dy këngëve popullore të Kinës "Kënga e dashurisë" dhe "Lumi Liuyang"....

"Unë kam dy pjesë muzikore karakteristike kineze për t'i falënderuar shikuesit. Këto dy pjesë muzikore i kam zgjedhur vetë dhe janë përpunuar mbi bazën e këngëve popullore kineze. Unë do të interpretoj edhe në vende të tjera disa pjesë muzikore karakteristike kineze. I kam interpretuar këto dy pjesë muzikore kineze edhe në një koncert të organizuar në fund të prillit në SHBA , dhe ato u pritën shumë mirë nga shikuesit amerikanë".

Gjatë zhvillimit të festivalit "Takimet në Pekin", edhe disa pjesë me karakteristika të theksuara krahinore të Kinës u pritën shumë mirë nga shikuesit. Këngëtarja e kombësisë kazake Mayila, që ka lindur në qytetin Yili të Rajonit Autonom të Sinkiang-Ujgurit ka nënshkruar kontratë me disa teatro opere evropiane dhe ka interpretuar shumë opera të njohura botërore. Ajo ka luajtur edhe role kryesore në operën "Vajza me kamilje". Në koncertin solo të organizuar kësaj here në Pekin, ajo interpretoi posaçërisht këngën popullore të kombësisë kazake me të njëjtin emër si të sajin Mayila.

Ajo tha: "Në këngë thuhet: 'Mua më quajnë Mayila, poetja Mayila, admirohem dhe këndoj përditë, këndoj me kënaqësi dhe ç'të dua'. Të gjithë e dëgjojnë këngën e saj dhe e duan atë. Unë e këndoj sikur jam duke adhuruar vetveten. Kompozitorja quhet Mayila, interpretuesja quhet Mayila. Unë e këndoj shpesh këtë këngë. Edhe mamaja ime është aktore e kategorisë së parë e rajonit autonom të Sinkiangut. Ajo e këndon shpesh këtë këngë në koncerte, unë jam rritur me këtë këngë, prandaj më pëlqen ta interpretoj atë". ( Zhai)