Pao Huiqiao është një pianiste shumë e njohur kineze. Qysh kur ishte pioniere, popullore, kompozoi mazurkën me më shumë "shpirt polak", kurse interpretimi i pianistes Pao Huiqiao është plot entuziazëm, gjallëri dhe me atmosferë të theksuar fshatare polak ajo shfaqi talentin e saj muzikor. Në fillim të viteve '50 të shekullit të kaluar, kur ishte l3-vjeçare, Pao Huiqiao u pranua në shkollën e mesme pranë Konservatorit Qendror të Kinës. Pas 4 vjetësh, ajo fitoi titullin e "Maturantes së shquar" dhe u pranua drejtpërdrejt në Fakultetin e Pianos të këtij konservatori. Gjatë studimeve në konservator, ajo fitoi çmimin e parë në një konkurs kombëtar të veprave pianistike. Pjesa që po dëgjoni, është një tjetër vepër muzikore e Shopenit, e titulluar "Etyd në F maxhor", interpretuar nga Pao Huiqiao.....

Etydet e Shopenit janë të ndryshme nga etydet e tjera. Interpretimi i kësaj muzike shërben jo vetëm për studimin e mjeshtërisë në interpretim, por është edhe shkrirje e mjeshtërisë me muzikën, duke u shprehur mirë edhe figurat, mendimet dhe ndjenjat. Prandaj njerëzit e quajnë muzikën e Shopenit si një "revolucion" në historinë e muzikës pianistike. Etydi në F maxhor, që u kompozua në vitin l836, është i gjithi plot gjallëri. Interpretimi i Pao Huiqiaos është shumë i rrjedhshëm, duke u dhënë dëgjuesve përshtypjen sikur tingujt janë rrëke që rrjedhin...

Interpretimet e pianistes Pao Huiqiao janë shumë të bukura dhe me një forcë të madhe tërheqëse. Ajo ka fituar shumë herë çmime në konkurse pianistike të Kinës dhe ka marrë edhe çmimin e dytë në konkursin ndërkombëtar "George Enescko" të organizuar në Rumani.

Dëgjues të dashur, pjesa që po dëgjoni është "Tarantela", e kompozitorit dhe pianistit të njohur hungarez Franc List.