Dëgjoni 

Agjencia kineze e lajmeve Hsinhua njoftoi se ditët e fundit, u hap uebsajti i Konfucit i Kinës i administruar nga Fondacioni i Konfucit i Kinës.

Sekretari i përgjithshëm i Fondacionit të Konfucit Liang Guodian u shpreh se ky fondacion do të përdorë karakteristikat e përhapjes së shpejtë, të kapacitetit të madh etj. të internetit dhe do të zhvillojë gjerësisht shkëmbimet kulturore me vendet e huaja nëpërmjet uebsajtit të Konfucit.

Konfuci është ideolog e arsimtar i madh kinez i lashtësisë. Teoria e konfucizmit e krijuar nga ai është shtylla e mendimeve dhe e kulturës tradicionale kineze. Kjo teori jo vetëm ka pasur ndikime të thella në zhvillimin shoqëror e historik të Kinës, por edhe ka luajtur rol aktiv për progresin e qytetërimeve botërore.

Nisi hetimi i 3-të i relikteve të mbarë vendit i Kinës

Korrespondenti i Radios së Jashtme të Kinës njoftoi se ditët e fundit, nisi hetimi i 3-të i relikteve të mbarë vendit i Kinës. Gjendja e relikteve në krahinat e largëta dhe të pakicave kombëtare do të jetë një nga pikat kryesore në këtë hetim.

Sipas planit, ky hetim do të ndahet në 3 etapa dhe do të përfundojë në dhjetor të vitit 2011.

Në vitin 1956 dhe në vitin 1981, Kina zhvilloi dy herë hetimin e relikteve të mbarë vendit.

Pjesa e brendshme dhe Hong-Kongu do të nxjerrin së bashku në qarkullim një pullë me rastin e 10-vjetorit të kthimit të Hong-Kongut në atdhe 

Agjencia kineze e lajmeve Hsinhua njoftoi se ditët e fundit, Posta e Hong-Kongut u shpreh se me rastin e 10-vjetorit të kthimit të Hong-Kongut në gjirin e atdheut, më 1 korrik, institucionet e postës të pjesës së brendshme dhe të Hong-Kongut do të nxjerrin së bashku në qarkullim një pullë përkujtimore me rastin e 10-vjetorit të kthimit të Hong-Kongut.

Kjo do të jetë hera e parë që pjesa e brendshme dhe Hong-Kongu nxjerrin së bashku në qarkullim një pullë.

Edhe Posta e Hong-Kongut do të nxjerrë në qarkullim 6 pulla për të shfaqur rezultatet e zhvillimit të Hong-Kongut gjatë 10 vjetëve pas kthimit në atdhe.

Provinca Yunnan i kushton shumë rëndësi mbrojtjes së trashëgimive kulturore gojore

Agjencia kineze e lajmeve Hsinhua njoftoi se provinca Yunnan e Kinës i kushton shumë rëndësi mbrojtjes së trashëgimive kulturore gojore të pakicave kombëtare. Deri në fund të vitit të kaluar, provinca Yunnan shpëtoi afro 250 mijë lloje të trashëgimive kulturore gojore.

Në provincën Yunnan ka 26 pakica kombëtare me mbi 5000 banorë. Çdo kombësi ka trashëgimitë e veta kulturore gojore. (Fani)