Kombësia mongole, me 5 milionë banorë është një kombësi me histori të lashtë, e cila ka jetuar dhe jeton që nga lashtësia në stepën e pafund të Kinës veriore, ndërsa sot jeton kryesisht në Rajonin Autonom të Mongolisë së Brendshme. Dikur banorët e kombësisë mongole kalonin një jetë shtegtare dhe stepa është vendlindja e tyre e dashur. Melodia që po ndiqni titullohet "Dashuria për stepën", dhe shpreh dashurinë e madhe të popullit mongol për vendlindjen.

Matouqini është vegla muzikore tradicionale që e parapëlqen shumë kombësia mongole. Në matouqin mund të interpretohen shumë melodi të bukura dhe të stileve të ndryshme. Meloditë e interpretuara me matouqin në lindje të Mongolisë së Brendshme janë lirike dhe janë krijuar në bazë të këngëve popullore të lashta, ndërsa ato në perëndim të Mongolisë së Brendshme kanë karakteristika të stepës, shumica e tyre u këndon panoramave natyrore dhe kuajve. Tani le të shijojmë së bashku melodinë "Të 4 stinët", e përhapur gjerësisht në perëndim të Mongolisë së Brendshme. Kjo melodi përshkruan ndryshimin e peizazheve në të 4 stinët e vitit dhe dashurinë e blegtorëve për vendlindjen.

Vitet e fundit, vegla e lashtë muzikore matouqin po tërheq vëmendjen dhe po pëlqehet nga gjithnjë e më shumë njerëz të vendeve të tjera. Në Kinë janë krijuar Shoqata e Veglës Muzikore Matouqin të Rajonit Autonom të Mongolisë së Brendshme dhe Shoqata Kineze e Veglës Muzikore Matouqin. Para disa vjetëve u krijua Shoqata Ndërkombëtare e Veglës Muzikore Matouqin në Japoni. Në gusht të vitit 2001, interpretuesit e ardhur nga Rusia, Mongolia, Japonia dhe vende të tjera morën pjesë së bashku me interpretuesit kinezë të veglës muzikore matouqin në "Festivalin kulturor Zhaojun në Huhehaot" në Mongolinë e Brendshme. Mbi 1 mijë interpretues ekzekutuan së bashku melodiinë e njohur në matouqin "Vrapojnë qindra e mijëra kuaj". Ky interpretim mori certifikatën e rekordit botëror Guines nga dega e tij në Shangai. Tani le të dëgjojmë këtë melodi:

Në fund të programit të sotëm do të shijojmë së bashku melodinë "Dy kuajt e Chengjis Khanit". Chengjis Khani ishte një udhëheqës i shquar i dinastisë Yuan të Kinës. Kjo melodi përshkruan dy kuajt binjakë për të inkurajuar popullin mogol të ndihmojnë dhe të respektojnë njëri tjetrin. (Pina)