Dëgjoni

Në mars të vitit 1997, duke u nisur nga kërkesa e ndërtimit të veprës hidraulike Sansia në lumin Jance, dhe për të zgjidhur mirë problemin e shpërnguljes së banorëve që jetonin në zonën e rezervuarit Sansia, problemin e mbrojtjes së mjedisit ekologjik etj, qyteti Chongqing, me një popullsi prej 30 milionë banorësh dhe me një sipërfaqe prej mbi 8 mijë kilometrash katrorë, u bë qytet i varur drejtpërdrejt nga qendra. Qeveria kineze ka investuar shumë për të përkrahur zhvillimin e tij.

Kryetari i Komisionit të zhvillimit dhe të reformës të qytetit Chongqing, Yang Qingyu foli për gjendjen e zhvillimit 10-vjeçar të qytetit të varur drejtpërdrejt nga qendra Chongqing.

"10 vjetët e krijimit të këtij qyteti të varurnga qendra janë 10 vjetët me zhvillimin më të shpejtë në historinë e ndërtimit të Chongqing-it".

Shifrat mund të tregojnë më mirë sukseset e shkëlqyera të arritura gjatë 10 vjetëve të krijimit të qytetit të varur nga qendra Chongqing. Vëllimi i prodhimit të përgjithshëm të këtij qyteti u rrit mesatarisht 10.2% në vit. Vëllimi i prodhimit të përgjithshëm të vitit 2006 për frymë i kaloi të 1500 dollarët amerikanë, shifër kjo që është 3 herë më e lartë se në vitin 1996. Të ardhurat mesatare për frymë të banorëve të këtij qyteti u shtuan në mbi 11 mijë juanë nga 5 mijë më parë. Edhe të ardhurat për frymë të fshatarëve u shtuan dy herë. Zoti Zhou Yuan që jeton në Chongqing, është një dëshmitar i zhvillimit të shpejtë ekonomik 10-vjeçar të këtij qyteti.

" Në të kaluarën, të ardhurat mesatare mujore për frymë ishin vetëm 2-3 mijë juanë, por tani të ardhurat mujore prej 7-9 mijë juanësh janë të zakonshme. Tani njerëzit bisedojnë shpesh lidhur me blerjen e veturës dhe shtëpisë."

Një karakteristika e zhvillimit ekonomik e shoqëror të këtij qyteti të varur nga qendra është përmirësimi i infrastrukturës. Duke folur për ndryshimin 10-vjeçar të Chongqing-it, zoti Wu Daofan tha: "Gjatë 10 vjetëve të krijimit të këtij qyteti të varur, ndodhën ndryshime shumë të mëdha. Në të kaluarën, infrastruktura ka qenë shumë e prapambetur. Tani çdo vit investohen 300 miliardë juanë në ndërtimin e infrastrukturës."

Zhvillimi i zonës Dadukou është sinkronik me zhvillimin e Chongqing-it. Shumë ndërtesa të këtij qyteti janë ndërtuar afër maleve. Rrjeti i komunikacionit është shumë i mirë. Duke folur për këtë, qytetari Zhou Yuan vlerësoi lart ndërtimin e komunikacionit të këtij qyteti.

"Pas krijimit në vitin 1997 të qytetit të varur drejtpërdrejt nga qendra, investimet qeveritare u shtuan shumë në zhvillimin e komunikacionit, duke ndërtuar shumë ura, hekurudha, autostrada etj. Kushtet e komunikacionit janë shumë të mira".

Në qoftë se ndërtimi i veprës Sansia është një rast për zhvillimin e Chongqing-it, krijimi i qytetit të varur drejtpërdrejt nga qendra ka krijuar një platformë të gjerë të zhvillimit për Chongqing-in. Politika për zhvillimin e krahinave perëndimore ka nxitur shpejtimin e zhvillimit ekonomik të Chongqing-it. Qysh nga viti 2000, Kina ka ndërmarrë një sërë politikash të favorshme për nxitjen e zhvillimit të krahinave perëndimore me ekonomi relativisht të prapambetuar, dhe qyteti i varur drejtpërdrejt nga qendra Chongqing ka gëzuar këto politika të favorshme për zhvillimin e krahinave perëndimore. Gjatë 6 vjetëve të fundit, GDP-ja e këtij qyteti u shtua 10.6%.

Si një qytet i madh me një sipërfaqe prej 80 mijë kilometrash katrorë, Chongqing-i ka synuar më shumë zhvillimin e distrikteve të tij.

Zona Jiangbei ka luajtur epërsitë e saj në transportin ajror e ujor, duke krijuar disa baza industriale.

Në mars të këtij viti, kryetari i shtetit i Kinës Hu Jintao vuri në dukje se "duhet ta shndërrojmë Chongqing-in në një qendër ekonomike në krahinat perëndimore për të realizuar në radhë të parë objektivin e shoqërisë së plotë komode në Kinë.

Për këtë, qyteti Chongqing vendosi që të shpejtojë zhvillimin ekonomik të distrikteve të ndryshme të tij, për të realizuar zhvillimin e përbashkët. (Sihai)