Dëgjoni

Tani, ndërmarrjet private të Kinës janë zhvilluar shumë shpejt, duke u bërë burimi kryesor për krijimin e rasteve të punësimit. Nga viti 2001 deri në vitin 2006, ndërmarrjet private kanë hapur çdo vit 6 milionë vende të reja pune, shifër kjo që ka zënë tre të katërtat e vendeve të reja të punës në qytetet dhe qytezat e Kinës.

Të gjitha ndërmarrjet joshtetërore quhen ndërmarrje private. Sipas të dhënave statistikore, deri në fund të vitit 2006, numri i përgjithshëm i ndërmarrjeve private të Kinës i kaloi të 30 milionët. Të ardhurat e taksave vjetore të marra prej tyre i kaluan 550 miliardë juanët. Zhvillimi i ndërmarrjeve private i ka hapur shoqërisë kineze vende të shumta pune. Ndërmarrjet private janë bërë burim kryesor për shtimin e punësimit.

Pas daljes në vitin 1994 nga puna, zonja Li Lanyun që banon në zonën Hëping të qytetit Tienjing të Kinës Veriore, është bërë kujdestare në një familje tjetër. Më vonë ajo ka krijuar një shoqëri shërbyese për punë shtëpiake. Tani kjo shoqëri ka kapitale të paluajtshme prej një milion juanësh, ndërsa vëllimi i biznesit vjetor ka arritur në 4 milionë juanë. Zonja Li është bërë një sipërmarrëse e njohur e ndërmarrjeve private të qytetit Tienjing. Ajo tha: "Tani unë kam hapur mbi 600 vende të reja pune për personat e papunë. Edh unë kam qenë një e papunë."

Suksesi i zonjës Li varet nga politika krijuese e qeverisë kineze. Vitet e fundit, Kina ka marrë një sërë masash për të inkurajuar punonjësit të krijojnë ndërmarrje autonome, njëkohësisht ka ndërmarrë një sërë politikash të privilegjuara për zhvillimin ekonomik të ndërmarrjeve private. Kështu niveli i jetesës së njerëzve që punojnë në ndërmarrjet private është ngritur shumë.

Përveç këtyre, Kina ka zhvilluar aktivitete të ndryshme për të ndihmuar ndërmarrjet private në zgjerimin e punësimit. Ditët e fundit, sektorët e qeverisë kineze dhe organizatat shoqërore organizuan bashkërisht aktivitetet e ndryshme në krahinat e mbarë vendit "Java e 3-të e ndërmarrjeve private për pranimin e punonjësve". Zonja Liu e një shoqërie të qytetit Tienjing i tha gazetarit se kjo formë ka nxitur rritjen e punësimit.

"Ndërmarrjet mirëpresin këtë formë për zgjerimin e punësimit, sepse kjo formë mund të pakësojë sasinë e punës sonë dhe ka luajtur një rol nxitës për zgjerimin e punësimit."

Zhvillimi i shpejtë i ndërmarrjeve private u ka krijuar studentëve të diplomuar nga shkollat e larta të Kinës shumë raste të punësimit dhe ka ushtruar ndikim të madh mbi talentet e larta të kthyer nga jashtë vendit. Në "Javën e 3-të të ndërmarrjeve private për pranimin e punonjësve", shumë studentë të diplomuar nga shkollat e larta, kanë ardhur këtë, për të gjetur punë. Zoti Zhu Chenglin që ka ardhur nga qyteti Guangzhou tha: "Zhvillimit të ndërmarrjeve private i duhet një kohë e shkurtër, por rasti i zhvillimit të tyre do të jetë shumë i madh."

Për talentet që kërkojnë punë, ndërmarrjet private kanë parashtruar kërkesat e tyre. Në një pallat sporti që organizoi aktivitetin e "Javës së 3-të të ndërmarrjeve private për pranimin e punonjësve", fjala e zonjës Quan që punon në një shoqëri me përgjegjësi të kufizuar të qytetit Tienjing ka përfaqësuar kërkesat e shumë ndërmarrjeve private.

"Ndërmarrjet private i kushtojnë rëndësi aftësisë së punonjësve. Edhe punonjësit e pranuar duhet të kenë interes të madh për vendin e tyre të punës. Kështu ata mund të punojnë si duhet."

Siç mësohet, në Kinë ka mbi 1 milion e 200 mijë studentë të diplomuar në vitin 2006 nga shkollat e larta. Së bashku me studentët e diplomuar këtë vit, ky numër shkon në 6 milionë. Në rrethanat e tilla, zhvillimi i ndërmarrjeve private do të zbutë problemin e punësimit të studentëve të diplomuar kinezë. Duke folur për këtë, nënkryetari i Federatës Pankineze të Industrisë dhe Tregtisë, z. Chu Ping është i mendimit se pranimi i studentëve të diplomuar në ndërmarrjet private do të ngrejë cilësinë dhe nivelin kulturor të tyre. Njëkohësisht mund të zgjidhet problemi i punësimit të studentëve të diplomuar.

"Studentët e diplomuar kanë ardhur në ndërmarrjet private, gjë që mund të shpejtojë zhvillimin e cilësisë kulturore të ndërmarrjeve private. Njëkohësisht do t'u krijohet studentëve të diplomuar një rast i mirë për ngritjen e vlerës jetike të tyre".(Sihai)