Në korrik të këtij viti, këngëtari i ri kinez Peng Tan do të nxjerrë albumin e ri "Tregimet e rinisë", i cili është albumi i parë pas largimit të të tij nga grupi i muzikës rok "Da da". Tani dy këngë kryesore të këtij albumi, "Era na çon të fluturojmë" dhe "Tregimet e rinisë", janë në fazën e publikimit. Sot do t'ju paraqes këto këngë të reja.

Po dëgjoni tani këngën e stilit rok "Era na çon të fluturojmë". Peng Tan kthehet përsëri në qarqet muzikore me këngët e stilit rok.  dëgjoni

Në këtë këngë thuhet "Çdo ditë më vjen keq për diçka. Pse nuk i hedhim jashtë dritares? Nëse bota na paraqitet kështu. Pse u shqetësove? Më the që të gjitha gjërat do të humbin me erën."

Në vitin 2000, grupi muzikor "Da da", i përbërë nga katër djem të gjallë, me këngët e stilit rok u mirëprit shumë në qarqet muzikore të Kinës kontinentale. Në vitin 2005 grupi muzikor "Da da" u shpërnda. Peng Tan, si këngëtar kryesor i këtij grupi u bë fokusi i mediave. Në atë kohë, ai mbajti heshtje dhe u dha pas të kënduarit dhe jetës.

Po dëgjoni tani këngën "Tregimet e rinisë". Peng Tan, me ndjenja të qeta, përshkruan kohën e rinisë së tij. Në këtë këngë thuhet "Ëndrrat dhe qetësia kanë fluturuar jashtë dritares. Rinia është kaq e gjatë, ndoshta ka ankesa. Zëri i këngës s'mund të përfundojë deri kur gryka të jetë ngjirur. Pamjet paraqiten në qiell. Ky është filmi ynë."  dëgjoni

Sapo dëgjuat dy këngë të reja të Peng Tanit. Më pas do t'ju paraqes këngëtarin e ri të qarqeve muzikore të Kinës kontinentale An Tao dhe dy këngë të reja të tij "Bora po fluturon në qiell" dhe "Viti i lindjes së një njeriu sipas 12 kafshëve të zodiakut kinez". Në vitin 2006 An Tao nxori këngën "Bora po fluturon në qiell", e cila ka melodi lirike dhe tekst të thjeshtë, kështu që ajo ka ndjenja të dëshpëruara. An Tao, me zërin tërheqës, na paraqet një tregim të ndodhur në dimër.

Në këtë këngë thuhet "Vetëm unë kam parë pamjet e dëborës jashtë dritares. Ndjenjat e dëshpëruara në letër prekin zemrën time. Zemër e ftohtë, kur mund të ndiesh?"  dëgjoni

An Tao ka lindur në vitet '80 të shekullit të kaluar. Ai e konsideron muzikën si jetë, jeton duke kënduar dhe kërkuar ide muzikore. Për shkak të muzikës së lirshme, të melodisë së gëzuar, ai është mirëpritur shumë nga adhuruesit.

Po dëgjoni tani këngën me titull "Viti i lindjes së një njeriu sipas 12 kafshëve të zodiakut kinez". Në Kinë zakonisht njerëzit e shënojnë vitin e lindjes me 12 kafshë. Çdo 12 vjet cikli përsëritet. Në këtë vit, njerëzit vishen me rroba dhe çorape të kuqe për të uruar mbarësi në jetë. Në këtë këngë thuhet "Këpucët, çorapet dhe rrobat e kuqe. Sivjet është viti i lindjes sime sipas 12 kafshëve të zodiakut kinez. Sivjet kam shumë gjëra për të bërë dhe shumë vende për të vizituar."  dëgjoni

Në fund të programit të sotëm, do të dëgjoni këngë me titull "Fantazia", të nxjerrë nga albumi i dytë "Kërkimi" i vitit 2003, e cila ndërthur elemente muzikore ndërkombëtare me ato të kombësisë mongole.  dëgjoni (U Sen)