dëgjoni

Mungesa e fondeve ka penguar gjithmonë zhvillimin ekonomik të fshatrave të Kinës, ndërsa në qytetin Ruian të provincës Zhëjiang të Kinës Lindore, nuk ekziston kjo gjendje e tillë, sepse fshatarët mund të marrin kredi me sasi të vogla dhe me interesa të ulëta nga Shoqata e bashkëpunimit e fshatarëve, për të marrë pjesë në aktivitetet e prodhimit dhe biznesit.

Në fshatin Zhuaodi të qytetit Ruian të provincës Zhëjiang, zoti Zhu Yingdi 40-vjeçar po prodhon me dorë fshesa në oborrin e shtëpisë. Në katër anët e oborrit ka shumë fshesa. Duke folur për shërbimin e kredisë, në fytyrën e tij u shfaq buzëqeshja.

"Tani kam para dhe mund të blej më shumë materiale prodhimi. Kështu që kostoja mund të ulet dhe të ardhurat mujore të shtohen 60%."

Zhu Yingdi i tha gazetarit se fshati që jeton ai, është fshat i njohur vendor për prodhimin e fshesave. Në këtë fshat ka mbi 200 familje, gjysma prej tyre jetojnë, duke u mbështetur te prodhimi i fshesave. Përpunimi i fshesave është një punë e vërtetë dore. Në qoftë se ti dëshiron të fitosh më shumë para, me siguri duhet të zgjerosh prodhimin. Fshatarëve që u mungojnë fondet, duhet të kërkojnë kredi bankare. Tani të gjithë njerëzit kanë marrë kredi në Shoqatën e bashkëpunimit të fshatarëve, që është një organizatë e posaçme për dhënie fshatarëve të shërbimeve komplekse. Nënkryetari i bashkisë së qytetit Ruian, z. Chen Lin është i mendimit se Shoqata e bashkëpunimit e fshatarëve u ka hapur fshatarëve një kanal të lirë për kërkesën e kredisë.

"Shoqata e bashkëpunimit e fshatit nuk është bankë, ajo është një sistem organizativ. Për sa u përket fshatarëve, hyrja në këtë rrjet do të thotë se ata kanë hyrë në një kanal të shpejtë me shërbime më të lira monetare. Shoqata e bashkëpunimit e fshatit është e njëllojtë me Bankën e Fshatit të Bangladeshit. Qëllimi ynë është shërbim për fshatarët, sidomos për familljet e mesme dhe të ulëta fshatare.

Banka e Fshatit e Bangladeshit e sipërpërmendur e krijuar nga fituesi i çmimit "Nobel" të paqes Muhamed Junus, është një institucion që merret me kredi në sasi të vogla. Ky institucion u jep posaçërisht të varfërve kredi, për t'i ndihmuar ata në shkëputje nga varfëria.

Vitin e kaluar, pas krijimit të Shoqatës së fshatarëve, fshatari Zhu Yingdi që shqetësohej gjithmonë për fonde, ka krijuar një grup me disa familje për prodhimin e fshesave. Kur një anëtar i grupit ka nevojë për fonde, anëtarë të tjerë bashkohen për të siguruar këto fonde. Zhu Yingdi tha se Shoqata e bashkëpunimit e fshatit u ka sjellë me të vërtetë fshatarëve shumë përfitime.

"Përfitimet e kredisë janë shumë të mëdha. Duke llogaritur interesat nga kjo kredi, fshatarët e fshatit tonë që kanë marrë kredi, me të vertetë kanë patur përfitime."

Një fshatar tjetër vendor që ka marrë pjesë në këtë shoqatë, tha se Shoqata e fshatarëve i ka dhënë atij ndihmë shumë të madhe.

Të gjithë njerëzit e dinë se Banka e Fshatit në Bangladesh e krijuar nga Junusi, ka për qëllim të ndihmojë të varfrit. Njëkohësisht Shoqata e bashkëpunimit e fshatit Ruian ka realizuar përfitime të dyfishta nga banka dhe nga fshatarët nëpërmjet dhënies fshatarëve të kredive në sasi të vogla.

Duke iu përgjigjur pyetjeve të gazetarëve, drejtori i Zyrës së Shoqatës së bashkëpunimit të fshatarëve Ruian, z. Lin Zhiyin tha: "Sasia e kredive të marra nga fshati Zhuaodi është relativisht e madhe, sepse ai u ka dhënë fshatarëve kredi nëpërmjet sigurimit të fondeve nga grupi. Prandaj kthimi i kredive është i sigurt."

Shumë specialistë kanë shprehur mendimet e tyre lidhur me këtë. Specialisti i Universitetit të Popullit Kinez për studimin e problemit të fshatit, z. Wen Tiejun tha se krijimi i Shoqatës së bashkëpunimit të fshatit është një provë e rëndësishme. (Sihai)