Dëgjoni

Korrespondentja e Radios së Jashtme të Kinës njoftoi se ditët e fundit, drejtori i Qendrës së Trashëgimive Botërore të UNESKO-s Francesko Bandarin u shpreh në Pekin se qeveria kineze ka pasur rezultate të dukshme në fushën e mbrojtjes së trashëgimive natyrore e kulturore.

Bandarini tha se Kina ka trashëgimi të pasura natyrore e kulturore. Qeveria kineze ka marrë një sërë masash efektive për të shmangur shkatërrimin e trashëgimive natyrore e kulturore gjatë zhvillimit ekonomik. Njëkohësisht UNESKO-ja ka zhvilluar bashkëpunim të ngushtë dhe të mirë me qeverinë kineze për mbrojtjen e trashëgimive.

Tani 33 vendndodhje historike e trashëgimi natyrore të Kinës janë përcaktuar si trashëgimi botërore.

U krijua biblioteka e parë ndërkombëtare e letërsisë për fëmijë e Kinës

Agjencia kineze e lajmeve Hsinhua njoftoi se ditët e fundit, u krijua në Universitetin Pedagogjik të Zhejiangut në Kinën lindore biblioteka e parë ndërkombëtare e letërsisë për fëmijë e Kinës.

Në vitin 2003, Universiteti Pedagogjik i Zhejiangut krijoi fakultetin e parë të letërsisë për fëmijë në Kinë. Në vitin 2006, ky universitet krijoi institutin e parë studimor të letërsisë për fëmijë në Kinë.

U diplomua doktori i parë nga universiteti më i lashtë i Kinës

Agjencia kineze e lajmeve Hsinhua njoftoi se ditët e fundit, 44-vjeçari Lan Jiayun i Universitetit Yuelu të Kinës kaloi me sukses mbrojtjen e temës së doktoraturës duke marrë gradën e doktorit. Kështu Lan Jiayun u bë doktori i parë që mbaron studimet në këtë universitet më i lashti i Kinës.

Universiteti Yuelu ndodhet në provincën Hunan të Kinës qendrore dhe u krijua në vitin 976. Në vitin 2004, Universiteti Yuelu pranoi për herë të parë 13 studentë për gradën e doktorit. Lan Jiayun është studenti i parë që mori gradën e doktorit, edhe 12 studentë të tjerë do të zhvillojnë së shpejti mbrojtjen e temës së doktoraturës.

Do të zhvillohet Festivali Ndërkombëtar i Poemave i Qinghait

Agjencia kineze e lajmeve Hsinhua njoftoi se nga 7 deri më 10 gusht, do të zhvillohet afër liqenit Qinghai në provincën Qinghai të Kinës veriperëndimore Festivali i parë Ndërkombëtar i Poemave i Qinghait.

Deri tani më se 160 poetë të ardhur nga 27 vende e rajone të botës janë regjistruar për të marrë pjesë në këtë festival.

Festivali Ndërkombëtar i Poemave i Qinghait organizohet bashkërisht nga Instituti i Poemave i Kinës dhe qeveria e provincës Qinghai. Ky festival zhvillohet çdo dy vjet. (Fani)