Dëgjoni

Basketbolli për meshkuj konsiderohet gjithmonë si një nga disiplinat më interesante dhe më tërheqëse të lojërave olimpike. Meqenëse Lojërat Olimpike të vitit 2008 do të organizohen në Pekin, edhe skuadra kineze e basketbollit për meshkuj dëshiron të tregojë aftësinë e saj para portës së shtëpisë së vet. Para disa ditësh, filloi stërvitja e parë e kësaj skudre basketbolli, që hyri në radhën e 8 skuadrave më të forta në Lojërat Olimpike të Athinës të vitit 2004 ne në krye lojtarin e famshëm Jao Ming, i cili shërben tani në SHBA si sulmues qendror i një skudre amerikane.

5 prej 22 lojtarëve të skuadës së re kombëtare kineze mungojnë përkohësisht, por kryetrajneri i skuadrës kineze nga Lituania, Jonas Kazlauskas nuk shqetësohet.

"Tani Jao Ming dhe Yi Jianlian ndodhen në fazën e ndeshjeve ose të stërvitjes në Amerikë, prandaj gatishmëria e tyre është e sigurt. Për sa i përket Vang Zhizhiut, që ndodhet për mjekim të plagës në Amerikë, gjithashtu nuk është problem, sepse ai është një lojtar i denjë profesionist dhe e di qartë se çfarë duhet të bëjë."

Për të fituar titullin e kampiones në Lojërat Olimpike të Pekinit, në vitin 2005 skuadra kineze e pajtoi si kryetrajner Jonasin, që gëzon prestigj të lartë në qarqet ndërkombëtare të basketbollit. I prirë prej tij, skuadra lituane e basketbollit u bë kampione në Lojërat Olimpike të Atlandës të vitit 1996 dhe më vonë u zgjodh trajneri më i mirë i Evropës për vitin 2000. Shoqata Kineze e Basketbollit shpreson se dija dhe përvoja e Jonasit do t'i sjellin skudrës kineze fat të mirë.

"Dihet nga të gjithë se loja e basketbollit nuk do të thotë vetëm shënimin e koshit. Janë shumë të rëndësishme edhe shkalla e energjisë trupore, shpejtësia dhe aftësia kërcyese e lojtarëve. Për të forcuar këto, kemi novejë të forcojmë stërvitjen në fushën e atletikës dhe në qendrën e gjimnastikës. Sipas rregullave, këto ushtrime ata duhet t'i bëjnë vetë në kohën e lirë. Por meqenëse ata nuk kanë vepruar si duhej, ne nuk mund të bëjmë gjë tjetër veçse të shtojnë intensitetin e ushtrimeve gjatë stërvitjes së përqendruar."

Jonasi bëri të ditur se kjo stërvitje e përqendruar do të zgjatë deri në tetor të këtij viti. Gjatë këtyre muajve të stërvitjes, skuadra kineze e basketbollit për meshkuj do të marrë pjesë në ndeshjet e basketbollit të 4 vendeve dhe në ndeshjet e kupës së Stankoviçit, që do të organizohen në Kinë, dhe do të bëjë vizita në Evropë dhe në SHBA, ku do të zhvillojë ndeshje stërvitëse me disa skuadra të forta botërore. Po të ketë ndër mend të korrë suksese të mira në një sërë ndeshjesh të sipërpërmendura dhe, më tej, të marrë pjesë me besim të plotë në Lojërat Olimpike të Pekinit, skuadra kineze duhet medoemos të fillojë paraprakisht përgatitjet dhe t'u kërkojë lojtarëve me standarde të larta, që të bëjnë rezervimin e energjisë së mjaftueshme trupore. Jonasi ka besim të plotë për efektin e kësaj mënyre të stërvitjes.

"Gjatë rreth 7 vjetëve kur punov si trajner jashtë vendit tim, unë ngula këmbë në përdorimin e metodës sime të stërvitjes. Besoj se do të dal faqebardhë edhe kësaj here. Do të shihni efektin e stërvitjes gjatë ndeshjeve."

Trajneri tjetër i skudrës kineze nga Lituania, Arvidas Skrupski, që punon për shtimin e energjisë trupore, shprehu mendimin se lojtarët kinezë kanë talent të mirë, mirëpo pamjaftueshmëria e stërvitjes për një kohë të gjatë dhe baza relativisht e dobët mund të pengojnë ngritjen e mëtejshme të nivelit të lojtarëve. Ai tha se, përballë programit të ndeshjeve të shumta brenda këtij viti dhe Lojërave Olimpike të Pekinit të vitit 2008 që do të vijnë së shpejti, grupi i trajnerëve të skuadrës kineze të basketbollit duhet medoemos të vazhdojë intensitetin e stërvitjes. Ai shprehu bindjen se skuadra kineze e basketbollit për meshkuj është e aftë të shkurtojë sa më parë disnivelin me skuadrat e nivelit të lartë në botë. (Zheng)