Kjo këngë e bukur dhe e dashur shpreh dashurinë e fëmijëve për të afërmit e tyre. Në këngë thuhet: "I uroj gjyshit dhe gjyshes shëndet dhe mos të plaken, uroj miqtë e mi të vegjël të rriten të gëzuar e pa telashe, i uroj babait dhe mamasë ta duan njeri tjetrin dhe të arrijnë përparime në punë, uroj që të gjithë ata që më duan dhe i dua të kenë mbarësi."

Peng Ye, një muzikant që ka krijuar disa vepra muzikore, para disa vjetëve u bë baba dhe dashuria e tij për të bijen Niuniu i ka sjellë shumë frymëzim. Një herë për të vënë në gjumë vajzën, ai këndoi pa dashur ninullën "Niuniu është e mirë", duke krijuar kështu këngën e tij të parë për fëmijë.

Me rritjen e vajzës, Peng Ye dëshironte të gjente sa më shumë këngë për të, por të gjitha ishin të vjetra. Kështu që ai filloi të krijojë vetë. Gjatë 5 vjetëve ai ka kompozuar mbi 30 këngë të reja fëmijësh si "Më dëgjoni mua, baba dhe mama", "Mama, dua të të puth" etj., të cilat janë mirëpritur ngrohtësisht nga fëmijët.

Në këtoe të kohës sonë. Ato kanë melodi të thjeshtë dhe ritme të qarta e të shpejta dhe janë të lehta për t'u mësuar dhe kënduar.

Të dashur dëgjues sapo ndoqët këngën "Më dëgjoni mua baba dhe mama", kënduar nga Duan Liyang. Kjo këngë shpreh zërin e zemrës së fëmijëve: "Unë e kuptoj mirë se më doni, por jam shumë i zënë duke mësuar herë këtë e herë atë, nuk jam në gjendje t'i tret ato. Më dëgjoni, baba dhe mama, dua të luaj bashkë me fëmijët e tjerë."

Kjo këngë pasqyron problemin e sotëm shoqëror të ngarkimit të fëmijëve kinezë me barrën e rëndë të mësimeve, prandaj kjo tërheq vëmendjen e gjerë. Këngëtarja e vogël Duan Li Yang, që e këndon këtë këngë me ndjenja të përshtatshme, tërhoqi vëmendjen e të gjithëve. Duan Li Yang mësoi të këndonte në moshën 3 vjeçe e gjysmë. Në vitin 2001, Duan Liyang 8 vjeçare fitoi çmimin e parë në Konkursin e 4-t Televiziv Kinez të Këngëve të Fëmijëve. Ajo ka luajtur edhe në telenovelën "Bijtë dhe bijat e familjes". Tani le të shijojmë këngën "Vjersha të dinastisë Tang".

Dinastia Tang (vitet 618 ? 907 të erës sonë ) ishte periudha e lulëzimit të plotë të poezive dhe vjershave të lashta kineze, të cilat janë një nga trashëgimitë letrare të shkëlqyera të Kinës dhe margaritar i thesarit letrar të mbarë botës. Kompozitori Peng Ye ka krijuar muzikë për disa vjersha, duke i bërë ato këngë të bukura për fëmijë, të cilat ata i mbajnë mend lehtë fëmijët.

Nëpërmjet interpretimit të këtyre këngëve të reja, këngëtarja e vogël Duan Liyang dëshiron të pasqyrojë mendimet dhe jetën e fëmijëve kinezë të kohës sonë, duke treguar konceptin për jetën e shëndetshme, të lumtur dhe të gëzuar. Mund të themi se ajo në emër të qindra e mijëra fëmijëve u tregon prindërve shqetësimet e kërkesat, si dhe gëzimet dhe dashurinë e tyre. Në fund të programit do të dëgjojmë këngën e re "I këndoj mamasë". Në këngë thuhet: "Mama, ke sy të kuptueshëm, je e bukur dhe e modës, fëmijët e tjerë më admirojnë. Mama, në zemrën tënde është vetëm familja, je e zgjuar dhe zemërmirë, je më e madhe në zemrën time."(Pina)