Në vitin 2000, artisti tajvanez He Rundong filloi punën artistike si këngëtar dhe nxori albumin e parë me titull "Dëshiroj dashurinë tënde". Me paraqitjen simpatike dhe të kënduarin me gjallëri, ai është mirëpritur shumë nga adhurueset femra. Pastaj ai u shfaq në filmin "Fjalët nga zemra". Për shkak të paraqitjes dhe teknikës së dalluar të interpretimit, ai ka përfituar shumë raste shfaqjeje. Pastaj He Rundong luajti edhe në operat televizive "Era dhe Reja", "Mrekullia" dhe "Tigri i tulatur dhe Dragoi i fshehur" etj.

Me përpjekje shumëvjeçare, He Rundong është bërë ylli i filmit e televizionit kinez. Por në zemrën e tij kishte një dëshirë të bëhej këngëtar. He Rundong ka thënë shpesh herë se megjithëse ai pëlqen aktrimin, kënga është dëshira e vërtetë në zemrën e tij. Pra, në vitin 2005, kur nuk ishte i zënë me lojën në filma, ai përgatiti albumin e ri "Dua të them". Në fillim të këtij viti, ky album doli duke përmbushur shpresat e adhuruesve, He Rundong filloi përsëri të këndojë për të kërkuar ëndrrën fillestare.

Po dëgjoni tani këngën me titull "Krahu i zi". Në këtë këngë thuhet "Ke krahun tim të zi, por s'mund të fluturosh në parajsën time. Zanat me sytë e ftohta. Le të biem në këmbët e njëri-tjetrit."  dëgjoni

Tani le të shijojmë këngën kryesore të këtij albumi "Dua të them", e cila është një këngë dashurie si një dialog ndërmjet vajzës e djalit. Me melodi romantike dhe tekstin lirik, He Rundong dhe këngëtarja jugkoreane Zhang Nala na japin ndjenjat romantike.

Në këtë këngë thuhet: "Humbën lajmet nga ti. S'mund ta gjej lumturinë. Mos u largo deri në shekullin e ardhshëm."  dëgjoni

Sapo keni dëgjuar dy këngë kryesore të albumit të ri të He Rundongut. Tani do t'ju paraqes dy këngëtarë të tjerë, Huang Yida dhe Dai Peini.

Huang Yida ka karakter neutral dhe paraqitje femërore, por ai flet me karakter mashkullror, kështu që është mirëpritur shumë nga djemtë dhe vajzat. Tani le të shijojmë këngën në gjuhën kineze "Ajo vajzë", të nxjerrë nga albumi i ri i tij "Shfaqja komplete".

Kjo këngë përshkruan ndjenjat e dëshpëruara të njerëzve që kanë humbur dashurinë. Ata guxojnë vetë për të kërkuar dashurinë e re. Në këtë këngë thuhet "Pas disa vjetëve, qielli i shiut është këmbyer me qiellin blu. Nga vetmia deri në liri. Bota ka ndryshuar. I believe, ajo vajzë më do."  dëgjoni

Këngët e Huang Yida-s ka karakterin e muzikës së filmave. Shpesh herë ai ndryshon efektin muzikor, stilin e melodisë dhe mënyrën e kompozimit. Tani le të shijojmë këngën me titull "Për sa kohë?", melodia e së cilës është krijuar me instrumentet muzikore me tel dhe piano. Kjo këngë na paraqet një tragjedi dashurie me ndjenjat e dëshpëruara.  dëgjoni

Do të dëgjoni tani këngën në gjuhën kineze të kënduar nga këngëtarja malajziane Dai Peini me titull "Bagazhet e një njeriu", e cila shpreh dashurinë e lirshme të femrave moderne. Ritmet e gëzuara do t'ju japin ndjenja të natyrshme.  dëgjoni

Në këtë këngë thuhet "Do të shkoj në pagodën e Tokios për të parë panoramat e natës. Do të shkoj në Venecie për të parë filmin. Do të shkoj në Nju Jork për të parë pamjet me dëborë. Do të shkoj në Paris për të pirë kafe dhe për të shkruar letra. Do të shkoj vetë për udhëtim." (U Sen)