Dëgjoni

Zhongguancuni që ndodhet në pjesën veriperëndimore të Pekinit, quhet lugina e silikonit në Kinë. Para mbi 10 vjetësh, një grup njerëzish u grumbulluan këtu për krijimin e teknologjive të reja, duke filluar jetën e tyre të krijimit të ndërmarrjeve. Sot Zhongguancuni është bërë zona më e madhe e shkencës dhe teknologjisë së lartë në Kinë. Këtu, ndërmarrjet e mesme dhe të vogla të shkencës dhe teknologjisë kanë fituar gjithnjë e më shumë ndihmën e qeverisë. Si sektor i administrimit i kësaj zone, Komisioni i administrimit i zonës së shkencës dhe teknologjisë të Zhongguancunit po merr masa të ndryshme për të ndihmuar ndërmarrjet që u mungojnë fondet. Kjo ka inkurajuar gjithnjë e më shumë institucionet të bëjnë investimet e tyre në këtë zonë për krijimin e ndërmarrjeve.

Në fund të vitit të kaluar, Liu Qiang u kthye pas diplomimit nga SHBA-ja në zonën e shkencës dhe të teknologjisë të Zhongguancunit, që quhet "lugina e silikonit", duke krijuar një ndërmarrje. Ai shprehu besimin e plotë për perspektivën e zhvillimit të ndërmarrjes së tij. Por tani qarkullimi i fondeve të ndërmarrjes së tij ka hasur vështirësi, prandaj ai shpreson se qeveria do t'i japë atij ndihmë me fonde.

"Ne kemi nevojë të fitojmë përkrahjen e qeverisë. Politika e inkurajimit e qeverisë është shumë e rëndësishme për zhvillimin e ndërmarrjeve tona." Fjalët e tij përfaqësojnë zërin e ndërmarrjeve të mesme dhe të vogla të Zhongguancunit. Nga 18 mijë ndërmarrjet e Zhongguancunit, shumica e tyre janë ndërmarrje të mesme dhe të vogla. Ndër to shumë ndërmarrjeve ashtu si ndërmarrja e Liu Qing-it u mungojnë fondet.

Për të siguruar zhvillimin e ndërmarrjeve të mesme dhe të vogla, gjatë disa vjetëve të fundit, Komisioni i administrimit i Zhongguancunit ka ndërmarrë një sërë politikash për tërheqjen e investimeve të huaja në ndërmarrjet e kësaj zone.

Kryetari i Komisionit të administrimit të zonës së shkencës dhe teknologjisë të Zhongguancunit, z. Dai Wei tha se luajtja e plotë e rolit nxitës të investimeve për krijimin e ndërmarrjeve të shkencës dhe teknologjisë së lartë, nxitja e mëtejshme e grumbullimit të institucioneve kineze dhe të huaja për krijimin e ndërmarrjeve në Zhongguancun dhe ngritja e potencialit konkurrues të Zhongguancunit janë një nga punët kryesore të të kësaj zone këtë vit.

"Për të nxitur zhvillimin e ndërmarrjeve të shkencës dhe teknologjisë së lartë me krijimin autonom si thelb, ne duhet të zhvillojmë me të gjitha forcat investimet për krijimin e ndërmarrjeve, dhe duhet t'u japim krijuesve fondet e duhura, përvojën e suksesshme të administrimit dhe sistemin e biznesit. Edhe ndërmarrjet e suksesshme të shkencës dhe teknologjisë së lartë mund t'u japin fonde të reja sektorëve të investimeve për krijimin e ndërmarrjeve."

Ai tha, gjithashtu, se tani ndërmarrjet e krijimit të kësaj zone me vlerë të investimeve nuk kanë gjetur përkrahjen e plotë të institucioneve të huaja të investimeve, ndërsa institucionet kineze të investimeve për krijimin e ndërmarrjeve nuk janë pjekur ende. Kjo ka frenuar zhvillimin e shpejtë të ndërmarrjeve të shkencës dhe teknologjisë së lartë të kësaj zone.

Në janar të këtij viti, qyteti Pekin ka zbatuar metodën eksperimentale për inkurajimin e zhvillimit të investimeve për krijimin e ndërmarrjeve, domethënë qeveria mund të marrë pjesë me aksione në investime për krijimin e ndërmarrjeve. Por përqindja e investimeve nuk mund të kalojë 30%. Ndërmarrjet e kësaj zone që kanë siguruar investimet për krijimin e ndërmarrjeve, mund të fitojnë në radhë të parë përkrahjen me fonde të qeverisë. Pak kohë më parë, Komisioni i administrimit i Zhongguancunit zhvilloi me formën e pjesëmarrjes me aksione bashkëpunimin me 4 ndërmarrje të njohura të huaja të investimeve. Vëllimi i përgjithshëm i këtyre fondeve arriti në 5 milionë juanë. Këto fonde do të përkrahin ndërmarrjet e sapokrijuara.

Kryetari i këtij komisioni Dai Wei tha se zgjedhja me aksione është përdorimi më i mirë i kapitaleve shoqërore.

"Ne duhet të shfrytëzojmë kushtet e favorshme të Zhongguancunit, për të zhvilluar investimet për krijimin e ndërmarrjeve. Krijuesit dhe sektorët e investimeve me rrezik dëshirojnë të investojnë në fazën e krijimit të ndërmarrjeve të shkencës dhe teknologjisë së lartë. Por këto ndërmarrje kanë nevojë të fitojnë përkrahjen e fondeve në këtë fazë."

Shoqëria e investimeve me rrezik "Lianxiang" është një nga 4 institucionet e investimeve të përbashkëta me Komisionin e administrimit të Zhongguancunit. Gjatë disa vjetëve të fundit, kjo shoqëri ka grumbulluar përvojën e pasur në fushën e investimeve me rrezik, duke arritur fitime të mëdha. Kryetari i Këshillit të kësaj shoqërie, z. Liu Chuanzhi është i mendimit se në zonën e shkencës dhe të teknologjisë të Zhongguancunit ka pajisje të përsosura tekniko-shkencore, platformë të krijimit dhe janë grumbulluar shumë talente për krijimin e shkencës dhe teknologjisë. Ai shprehu besimin e plotë për bashkëpunimin dypalësh.

"Komisioni i administrimit i Zhongguancunit do të luajë një rol më të mirë, sepse qeveria ka marrë shumë masa të favorshme për krijimin e ndërmarrjeve. Kështu ndërmarrjet do të bëjnë punë sipas gjendjes së tregut. Kjo është një mënyrë shumë e mirë e biznesit."

Me forcimin e vazhdueshëm të aftësisë së krijimit autonom të zonës së shkencës dhe teknologjisë të Zhongguancunit, ajo është bërë zona më e gjallëruar e investimeve për krijimin e ndërmarrjeve në Kinë. (Sihai)