dëgjoni

Ditët e fundit, Galeria e Arteve e Kinës koleksionoi 100 vepra fotografike të fotografit të famshëm kinez Deng Wei. Kjo është hera e parë që Galeria e Arteve e Kinës koleksionon vepra të një fotografi. Deng Wei është i famshëm në qarqet ndërkombëtare të fotografisë për shkak të fotografivee të personaliteteve botërore. Veprat e tij vlerësohen si risi në historinë fotografike botërore.

Këtë herë 100 veprat fotografike të Deng Weit të koleksionuara nga Galeria e Arteve e Kinës janë kryesisht portrete të personaliteteve kulturore kineze dhe të personaliteteve botërore duke përfshirë fituesin e çmimit "Nobel" të paqes, ipeshkvin e Afrikës së Jugut Desmond Tutu, ish-presidentin amerikan Ronald Regan, shkrimtaren angleze Doris Lesing, ish-kryeministrin e Singaporit Le Kuan Yew etj.

Deng Wei lindi në vitin 1959 në Pekin. I ati ishte një punonjës kulture e arsimi dhe shumë personalitete kulturore ishin fqinjë të shtëpisë së tij. Deng Weit i pëlqente vizatimi qysh në moshë të re. Kur ishte në moshën 16-vjeçare, ai filloi të ndjekë mjeshtrin e pikturave kineze Li Keran për të mësuar vizatimin. Pas dy vjetëve, ai mësoi edhe estetikën e filozofinë perëndimore nga esteti i famshëm kinez Zhu Guangqian.

Në vitin 1978, Deng Wei u pranua nga fakulteti i fotografisë i Universitetit të Filmit të Pekinit për studime. Në fillim të studimeve, Deng Wei bëri fotografi të shumta të dy pedagogëve, Li Keran e Zhu Guangqian. Këto fotografi fituan përshëndetjen e gjerë të njerëzve dhe Deng Weit i lindi mendimi për të fotografuar personalitete kulturore kineze:

"Atë kohë, mendimet e veprat e personaliteteve kulturore kineze u pranuan gjerësisht nga njerëzit, njëkohësisht shumë njerëz shpresonin shumë të shihnin pamjen e tyre. Prandaj vendosa të shfaq këto personalitete nëpërmjet fotografisë."

Në pushimet, Deng Wei fotografoi mbi 100 personalitete kulturore kineze duke ngjallur jehonë të madhe në mbarë vendin. Në vitin 1986, shtëpia botuese "Sanlian" e Hong-Kongut botoi vëllimin e parë të veprave fotografike të Deng Weit ? "Personalitetet kulturore kineze".

Në vitin 1989, Deng Weit i vdiq babai. Pikërisht atë vit, Deng Wei vendosi të zbatojë planin e fotografimit të personaliteteve botërore të propozuar nga babai. Ai hoqi dorë nga puna e pedagogut në universitet dhe shkoi në Angli për fotografim. Për të grumbulluar fondet për fotografim, Deng Wei bëri shumë punë dhe jetonte me vështirësi. Deng Wei u dërgoi letër personaliteteve të vendeve të ndryshme për të kërkuar lejen e tyre për t'i fotografuar, por në fillim, nuk kishte asnjë përgjigje. Në vitin 1991, Deng Wei shkoi në Singapor për të fotografuar kryeministrin Le Kuan Yew. Në Bibliotekën Kombëtare të Singaportit u koleksionua vepra e tij "Personalitetet kulturore kineze" dhe nëpërmjet përpjekjeve të palodhshme, Deng Wei siguroi më në fund rastin e fotografimit. Pas kësaj, politikanë, shkencëtarë, artistë, sportistë etj. të famshëm të botës kanë pranuar gradualisht ftesën e Deng Weit për t'i fotografuar.

Veprat e Deng Weit shfaqin plotësisht temperamentin e veçantë dhe botën shpirtërore të personaliteteve të ndryshme. Deng Wei u shpreh se para fotografimit, ai bën përgatitje të plota për të studiuar karakterin e çdo personaliteti. Deng Wei tha:

"Për shembull para se të fotografoja kryeministrin izraelit Yitzhak Rabin, lexova shumë libra e shikova shumë ditarë të lajmeve lidhur me të. Njëkohësisht gjatë fotografimit, bëra shkëmbime të plota me të. Kështu fotografitë shfaqën temperamentin e veçantë të tij."

Tani Deng Wei është kthyer në atdhe duke përfunduar punën e fotografimit të personaliteteve botërore, por ai vazhdon të fotografojë personalitete kineze. Deng Wei tha se ai gjeti gëzimin e pafund në fotografi:

"Gjatë shumë vjetëve kam fotografuar shumë njerëz duke përfshirë personalitete dhe banorë të thjeshtë. Çdo njeri ka tregime interesante. Ata më kanë ndihmuar të dua jetën dhe të jap kontribut për shoqërinë." (Fani)