Dielli është burimi më i rëndësishëm i energjisë, mbi të cilën mbështetet ekzistenca e njerëzimit. Kërkimet e shumta shkencore kanë vërtetuar tashmë se energjia kolosale e ngrohtësisë, që Dielli lëshon vazhdimisht, buron nga reaksioni i bashkimit të bërthamave të atomeve të deuteronit dhe tritiumit. Shkencëtarët e vendeve të ndryshme kanë sugjeruar gjithmonë se do të vinte koha kur mund të imitohej mënyra e Diellit për prodhimin e energjisë, gjë që do t'i ofronte njerëzimit sa më shumë energji që mund të përdoret në veprimtarinë prodhuese dhe në jetën e përditshme të popujve, duke kapërcyer kështu pamjaftueshmërinë e energjisë. Shkencëtarët bënë kërkime dhe prova të shumta për ta bërë realitet ëndrrën e vet dhe e quajtën provën e tyre "Imitimin e Diellit".

Ka ardhur sihariqi se impianti i brezit të ri për provën e reaksionit të bashkimit bërthamor, që kinezët e ndërtuan me forcat e veta, kaloi kontrollin shtetëror. Ky impiant, që është i pari impiant i këtij lloji në gjjithë botën, do të ofrojë ndihmë të dobishme për zhvillimin teknikës bërthamore të përdorimit civil në botë dhe do t'i japë shkas realizimit të ëndrrës së njerëzimit për "imitimin e Diellit".

Energjia bërthamore, që është pjesëtare e re e energjisë, mund të prodhohet me shpërbashkimin bërthamor dhe ose me bashkimin bërthamor. Të gjitha centralet elektrike bërthamore të ndërtuara deri tani në botë janë ato të prodhimit të energjisë bërthamore me shpërbashkimim bërthamor.

Vitet e fundit, Kina, SHBA, Japonia, Franca, Rusia dhe vende të tjera janë përpjekur për ndërtimin e impianteve për provën e bashkimit bërthamor. Impianti kinez i brezit të ri për provën e bashkimit bërthamor filloi të ndërtohet qysh në vitin 1998. Për ndërtimin e tij u desh një investim prej 200 milionë juanësh. Profesor Van Yuanxi i Akademisë së Shkencave të Kinës, që ka qenë përgjegjësi kryesor për ndërtimin e këtij impianti, thotë se mënyra e prodhimit të energjisë me anë të bashkimit bërthamor ka epërsi të padiskutueshme në krahasim me teknikën e shpërbashkimit bërthamor, sepse rezerva e uraniumit, si lëndë djegëse në shpërbashkimin bërthamor, qëndron shumë e kufizuar në Lëmshin Tokësor, ndërsa puna është ndryshe në teknikën e bashkimit bërthamor.

"Ekziston një problem i madh për centralet elektrike me shpërbashkimin bërthamor, se rezerva e uraniumit në Lëmshin Tokësor mjafton vetëm për 60 vjet. Por puna është ndryshe në burimin e energjisë me bashkimin bërthamor, sepse lënda djegëse e bashkimit bërthamor merret nga uji i detit, që ka një rezervë jashtëzakonisht të pasur."

Në ujin e detit rezervohet një sasi shumë e madhe elementesh të deuteronit, që është lënda e parë kryesore e bashkimit bërthamor. Gjatë reaksionit të plotë të bashkimit bërthamor, një sasi deuteroni të nxjerrë nga 1 litër ujë deti mund të lëshojë aq shumë energji sa ajo e lëshuar nga djegia e 300 litra benzinë. Pas llogaritjes, shkencëtarët kanë arritur përfundimin se vetëm uji i detit në Lëmshin Tokësor përmban 4500 trilionë tonë deuteron, sasi që i mjafton njerëzimit të shfrytëzojë për 1 trilion vjet.

Lënda djegëse për bashkimin bërthamor mund të fillojë reaksionin dhe të lëshojë vazhdimisht energji vetëm në kohën kur temperatura arrin në 400-500 milionë gradë celsius. Ndërsa enët prej tullash zjarrduruese ose prej çeliku të pandryshkshëm dhe lëndeve të tjera, që përdorim në jetën e përditshme, nuk mund të durojnë temperaturën aq të lartë. Profesor Van Yuanxi thotë se Kina ka bërë disa kërkime në këtë drejtim.

"Deri tani nuk ka ndonjë lëndë të zakonshme për të mbajtur lëndën djegëse të bashkimit bërthamor në temperaturë aq të lartë, prandaj provojmë që, duke shfrytëzuar fushën magnetike, do të bëjmë një hapësirë magnetike që mund të nxërë dhe të frenojë këtë lëndë djegëse."

Shkencëtarët kinezë shpresojnë se, gjatë disa vjetëve të ardhshëm, ata do të arrijnë objektivin që reaksioni bërthamor të vazhdojë shkarkimin elektrik për 1000 sekonda. Në vitin 2006, Kina, India, Rusia, Japonia, Koreja e Jugut, SHBA dhe Bashkimi Evropian vendosën që të fillojnë zbatimin e planit të Reaktorit Ndërkombëtar Eksperimental Termobërthamor, që u parashtrua në vitin 1985.

Drejtuesi i një sektori përkatës, Vu Songtao parashikon se brenda dhjetëra vjetëve të ardhshëm, banorët do të përdorin energji elektrike të prodhuar me anë të bashkimit bërthamor.

Unë nuk dyshoj se brenda 50-100 vjetësh centralet ekzistuese elektrike bërthamore në botë do të mbyllen dhe të gjitha centralet e reja elektrike bërthamore do të jenë ato të bashkimit bërthamor." (Zheng)