dëgjoni

Në minirubrikën "Sporti i Kinës", do të ndiqni korrespondencën "Kryetari i Komitetit Paralimpik Ndërkombëtar u shpreh i kënaqur për punët përgatitore të Lojërave Paralimpike të Pekinit".

Në një atmosferë të punës aktive për përgatitjen e Lojërat Olimpike të Pekinit të vitit 2008. po afrohen edhe Lojërat Paralimpike të Pekinit po në këtë vit, që do të jenë një takim tjetër i rëndësishëm sportiv. Ditët e fundit, kryetari i Komitetit Paralimpik Ndërkombëtar, zoti Filip Kraven bëri një vizitë në Pekin dhe inspektoi punët përgatitore të Lojërave Paralimpike të Pekinit. Pas inspektimit, ai vlerësoi lart këto punë përgatitore.

Zoti Kraven lindi në vitin 1950 dhe, Kur ishte 16 vjeç, u gjymtua në një aksident të papritur alpinizmi. Pastaj, ai filloi sportin e basketbollit me karrige rrotulluese. Nga viti 1972 deri në vitin 1988, ai mori pjesë 5 herë në ndeshjet e basketbollit me karrige rrotulluese në lojërat paralimpike. Duke u nisur nga përvoja e vet, zoti Pilip Kraven shprehu mendimin se kriteri i punës së suksesshme përgatitore të lojërave paralimpike qëndron nëse komiteti organizativ do t'u shërbejë me të vërtetë sportistëve apo jo.

"kyçi i çështjes është që sportistët të vihen në pozitën e parë. Domethënë, sportistët të kenë kushte për të treguar nivelin e tyre optimal. Duhet të dimë se për përgatitjen e pjesëmarrjes në një edicioni të lojërave paralimpike, ata bëjnë një punë të lodhshme për 4 vjet. Prandaj, duhet të ofrojmë instalimet më të mira për ta dhe objektet sportive duhet të arrijnë në nivelin më të lartë. Edhe fshati olimpik është shumë i rëndësishëm për sportistët. Prandaj duhet të bëjmë që ata të ndihen si në shtëpi. Larmia dhe cilësia e ushqimeve duhet të plotësojnë kërkesat e tyre."

Zoti Kraven shprehu mendimin se transporti është arteria e një takimi të madh sportiv. Komiteti Organizativ i Lojërave Olimpike të Pekinit ka hapur një linjë të posaçme transporti prej 235 kilometrash për lojërat paralimpike të vitit ardhshëm. Gjë që kënaq zotin Kraven veçanërisht.

Zoti Kraven është i mendimit se edhe ndërtimi i instalimeve pa pengesa ka të bëjë me kurorëzimin me sukses të lojërave olimpike të njerëzve me të meta fizike.

"Për sa u përket instalimeve pa asnjë pengesë, puna për të bërë gjithçkanë gati është vetëm një problem që kërkon kohë. Komiteti Organizativ i Lojërave Olimpike të Pekinit e organizon këtë punë më mirë se komitete olimpike të shumë vendeve të tjera dhe ka bërë shumë mirë projektin e përmirësimin e këtyre instalimeve. Jam i bindur se organizimi i këtyre lojërave në Pekin do ta nxitë administratën e Pekinit të vendosë më shumë pajisje të tilla të përparuara."

Zoti Kraven përmendi veçanërisht instalimet e tualeteve në fshatin olimpik. Njëri prej tri tualeteve në një apartament duhet të jetë i lehtë për hyrjen dhe daljen e karrigeve rrotulluese dhe dy të tjerat duhet të jenë të thjeshta dhe racionale. Ai i vlerësoi këto instalime si ato më të mira në botë. Ai bëri të ditur se gjatë lojërave paralimpike, me ndihmën e pajisjeve lehtësuese, ai do të ngjitet në Murin e Madh Kinez, së bashku me 4000 sportistët pjesëmarrës.

Zoti Kraven u shpreh se gjatë kësaj vizite 6-ditore në Pekin, ai mbeti i kënaqur për punët përgatitore të gjithanshme të Lojërave Paralimpike të Pekinit, si instalimet në objektet sportive, në rrugë dhe në aeroporte. Ai është i bindur se në sfondin e përpjekjeve për ndërtimin e një shoqërie harmonike në Kinë, Pekini do të organizojë lojëra paralimpike plot me frymë harmonie, me atmosferë harmonike dhe me suksese të shkëlqyera.

"Ashtu si strategjia dhe taktika e qeverisë së Kinës, edhe Lojërat Paralimpike me frymë humanitare kanë për qëllim për ndërtimin e një shoqërie. Kjo është teza që e parashtroi kryetari i shtetit i Kinës Hu Jintao. Në vitin 2005, u takova me kryeministrin e Kinës Wen Jiabao në Pallatin e Madh të Popullit në Pekin. Ai foli plot me emocion për lojërat paralimpike. Besoj se ashtu siç thanë udhëheqësit tuaj, lojërat paralimpike të Pekinit do të jenë të ndritshme, njësoj si lojërat olimpike të Pekinit."

Pas intervistës, zoti Kraven shprehu dëshirën e sinqertë që mediat kineze të luajnë rolin e duhur transmetues gjatë ndeshjeve, për t'i treguar botës pamjen e sporteve të njerëzve me të meta fizike dhe të ndeshjeve të tyre. (Shy Guan)