dëgjoni

Vitet e fundit, Kina filloi krijimin e sistemit të sigurimit të nivelit më të ulët të jetesës në fshat, dhe ka zhvilluar ndihmën për njerëzit me të meta fizike dhe të varfërit, duke zgjidhur problemin e veshjes dhe ushqimit të tyre. Qysh nga ky vit, në fshatrat e mbarë vendit do të zbatohet sistemi i sigurimit të nivelit më të ulët të jetesës.

Wang Dianying 48-vjeçare është një fshatare e fshatit "Xiapu" të qytetit Benxi të provincës Liaoning. Për shkak se burri i saj ka vuajtur nga shumë sëmundje kronike, duke humbur në përgjithësi aftësinë e punës, jetesa e familjes së saj është shumë e vështirë. Qysh nga zbatimi i sistemit të sigurimit të nivelit më të ulët të jetesës në fshat, administrata vendore e pranoi familjen e Wang Dia nying-së në këtë sistem të sigurimit. Familja e saj mund të gëzojë çdo muaj subvencionet e jetesës prej 90 juanësh. Kjo ka zbutur shumë vështirësinë e jetesës së familjes së saj.

"Në të kaluarën, kushtet e jetesës së familjes kanë qenë shumë të vështira. Bile pa para fare që të blinte kripë, sojë dhe sende të tjera të përditshme. Fondet e sigurimit të nivelit më të ulët të jetesës kanë zgjidhur problemin e jetesës së përditshme të familjes së saj."

Siç mësohet, në distriktin Benxi ka edhe 3000 familje të tjera që gëzojnë sistemin e sigurimit të nivelit më të ulët të jetesës. Në vitin 2004, administrata e provincës Liaoning zhvilloi hetimin për gjendjen e jetesës së fshatarëve të mbarë provincës, duke krijuar sistemin e sistemit të sigurimit të nivelit më të ulët të jetesës. Deri në fund të qershorit të vitit të kaluar, numri i familjeve të kësaj province që gëzojnë këtë sistem, arriti në mbi 380 mijë. Shifër kjo që zë 3% të gjithë popullsisë fshatare të provincës.

Ashtu si gjendja e provincës Liaoning, provinca Jiangxi e Kinës është edhe një provincë eksperimentale për zbatimin e sistemit të sigurimit të nivelit më të ulët të jetesës.

Hë Donghua 35-vjeçar është një fshatar i fshatit Huashan të provincës Jianxi. Në vogëli, ai ka vuajtur sëmundjen muskulore, duke u bë një njeri me të meta fizike. Jetesa e tij është shumë e vështirë. Ai tha: "Ne si çift nuk mund të dalim jashtë për punë, sepse kam nevojë për kujdesin e bashkëshortes. Bile edhe për t'u veshur i duhet ndihma e bashkëshortes."

Administrata vendore mori vesh gjendjen e vështirë të jetesës së familjes së tij, duke e pranuar atë në sistemin e sigurimit të nivelit më të ulët të jetesës.

Ai i tha gazetarit se megjithëse subvencionet e jetesës janë vetëm 90 juanë, por kjo ka treguar kujdesin e qeverisë për fshatarët e varfër. Këto para jo vetëm kanë zbutur vështirësinë e jetesës familjare, por edhe kanë shtuar besimin e tij për jetën. Tani Hë Donghua ka hapur një dyqan, duke marrë para hua dhe rritë derra, duke marrë kredi në bankë.

"Në të kaluarën, unë mendoheja se bota nuk është e drejtë. Por tani kujdesi i qeverisë për mua ka shtuar shpresën sime për jetën."

Nga vitet 90 të shekullit të kaluar, Kina filloi krijimin e sistemit të sigurimit të nivelit më të ulët të jetesës në fshat, dhe në fund të vitit 1996 filloi punën eksperimentale. Tani në 25 provinca të Kinës është krijuar sistemi i sigurimit të nivelit më të ulët të jetesës dhe 15 milionë fshatarë e gëzojnë këtë sistem.

Në raportin mbi veprimtarinë e qeverisë të mbajtur nga kryeministri i Kinës Wen Jiabao në sesionin vjetor të Asamblesë Kombëtare Popullore të Kinës, u vu në dukje se sivjet në fshatrat e mbarë vendit do të zbatohet sistemi i sigurimit të nivelit më të ulët të jetesës.

"Sivjet në mbarë vendin tonë do të krijohet sistemi i sigurimit të nivelit më të ulët të jetesës në fshat. Kjo është e dhe një masë e rëndësishme për forcimin e punëve të bujqësisë, fshatrave dhe fshatarëve dhe për formimin e shoqërisë harmonike."

Duke iu përgjigjur pyetjeve të gazetarëve, ministri Kinez për çështjet civile Li Xueju parashtroi 3 probleme që do të zgjidhen në kohë."

"Qeveria qendrore dhe administratat vendore do të shtojnë më tej fondet, dhe do të rregullohet ky sistem, si dhe në mbarë vendin tonë do të arrihet një dokument për drejtimin e sistemit të sigurimit të nivelit më të ulët të jetesës".

Zbatimi i këtij sistemi në fshat është vendim i madh i Kinës për mbrojtjen e interesave të fshatarëve dhe të stabilitetit të fshatit. Kjo tregon se sistemi i sigurimeve shoqërore të Kinës ka hedhur një hap të ri. Ne jemi të bindur se me përmirësimin e reformës së sistemit të sigurimeve shoqërore, jeta e banorëve të thjeshtë kinezë do të jetë më e mirë. (Sihai)