Njerëzit e dinë se pyjet duhet të ndodhen në zona malore larg qytetit. Gjatë disa vjetëve të fundit, duke u nisur nga kërkesa për përmirësimin e mjedisit të banimit njerëzor, në shumë qytete të Kinës pati një hov për zhvillimin e bimëve pyjore. Personalitetet përkatëse vunë në dukje se kjo prirje do të favorizojë zhvillimin e vazhdueshëm të qyteteve të Kinës.

Javën e kaluar, u zhvillua në kryeqendrën e provincës Sichuan të Kinës Jugperëndimore, Chengdu, Forumi i 4-t i pyjeve të qyteteve të Kinës. Në këtë forum 4 qytete, duke përfshirë Chengdunë, fituan titujt: "Qytete kombëtare të pyjeve". Deri tani, në Kinë ka 7 qytete që e kanë fituar këtë titull. Këto qytete janë bërë shembuj për ndërtimin e pyjeve në qytetet e Kinës. Në këtë forum, funksionari i sekretariatit të Forumit të pyjeve të OKB-së, z. Mahendra Joshi vlerësoi lart punën e Kinës për ndërtimin e pyjeve.

"Përpjekjet që kanë bërë administratat vendore dhe qeveria qendrore kineze për pyllëzimin urban dhe kombëtar, më lanë një përshtypje shumë të thellë."

Sipas treguesit të vlerësimit të "qytetit pyjor kombëtar" të Kinës, që të bëhen "qytete kombëtare të pyjeve", përqindja e sipërfaqes së mbuluar me pyje e qyteteve të Kinës Jugore duhet të arrijë në mbi 35%, ndërsa ajo e qyteteve të Kinës Veriore duhet të jetë mbi 25%.

Siç mësohet, qyteti Chengdu punon gjithmonë për përmirësimin dhe mbrojtjen e sistemit ekologjik pyjor. Gjatë 20 vjetëve të fundit, përqindja e sipërfaqes së mbuluar me pyje e këtij qyteti u ngrit në 36% nga 23% që ishte më parë. Sipas përllogaritjeve, ndërtimi pyjor i qytetit Chengdu u ka sjellë qytetarëve të tij shumë përfitime. Prodhimi i drithërave dhe zarzavateve u shtua 15% dhe konsumi i energjisë u pakësua 10-15%.

Në Forumin e pyjeve morën pjesë kryetarët e bashkive të 124 qyteteve ose përfaqësuesit e tyre. Ata kanë shfaqur vëmendje të madhe për ndërtimin e pyjeve të qyteteve. Kryetari i bashkisë së qytetit Lhasa, kryeqendrës së Rajonit Autonom të Tibetit të Kinës, z. Duojecizhu i tha gazetarit se pjesëmarrja e tyre në këtë forum ka për qëllim mësimin nga përvoja e ndërtimit të qytetit Chengdu, për të shpejtuar pyllëzimin e qytetit Lhasa dhe përmirësimin e mjedisit të banimit njerëzor.

"Lahsa si mbrojtësja e rëndësishme e sigurisë ekologjike, po përpiqet të ndërtojë qytetin turistike të rrafshnaltës me karakteristika kombëtare, në mënyrë që mjedisi i Lhasës të bëhet më i mrekullueshëm".

Zoti Li Qingjian që punon në Drejtorinë e Pylltarisë të qytetit Siamen të Kinës Lindore tha se në rrethanat e zhvillimit të shpejtë të qyteteve të Kinës dhe të mungesës nga dita në ditë të burimeve tokësore, qyteti Chengdu ka shfrytëzuar shumë toka për ndërtimin e pyjeve, duke përbërë një shembull për ne.

Zoti Li i tha gazetarit gjithashtu, se gjatë disa vjetëve të fundit, shumë shoqëri të njohura ndërkombëtare i shpërngulën selitë e tyre në Siamen, duke i sjellë zhvillimit ekonomik të këtij qyteti shumë raste. Ai tha se mjedisi i mirë i banimit njerëzor i Siamenit ka luajtur një rol shumë të madh për ardhjen e tyre këtu.

"Siameni ka epërsi gjeografike. Disa shoqëri të njohura ndërkombëtare, si shoqëria amerikane Kodak etj, kanë ardhur në Siamen për zhvillim. Vëllimi i prodhimit industrial të tyre ka luajtur një rol shumë të madh nxitës për rritjen e GDP-së së këtij qyteti."

Specialisti përkatës është i mendimit se përveç efektivitetit ekologjik, ndërtimi i pyjeve të qyteteve u ka krijuar qyteteve efektivitetet ekonomike, duke përmirësuar shumë mjedisin e banimit njerëzor dhe duke nxitur zhvillimin e vazhdueshëm të qyteteve. Kryetari i bashkisë së qytetit Chengdu, z. Gë Honglin është i mendimit se ndërtimi i pyjeve ka nxitur zhvillimin ekonomik të këtij qyteti.

"Chengdu është një qytet i krahinave perëndimore. Shumë investues të huaj dhe disa shoqëri të mëdha ndërkombëtare ishin të mendimit se ekonomia e këtij qyteti me siguri ishte relativisht e prapambetuar dhe ai ndodhet në krahinat perëndimore. Mjedisi ekologjik i tij me siguri është i keq. Në fakt, për nga mjedisi ekologjik, Chengdu-ja është një nga qytetet më të mira në Kinë."

Funksionarja e pylltarisë e degës për mbrojtjen e pyjeve pranë FAO-s, zj. Michelle Gauthier është e mendimit se orientimi i zhvillimit për ndërtimin e pyjeve të qyteteve të Kinës është i drejtë, por duhet të zhvillohet sistemi i pyjeve të qyteteve me karakteristika të ndryshme. (Sihai)