dëgjoni

Korrespondentja e Radios së Jashtme të Kinës njoftoi se më 14 maj, u hap në Pekin Mitingu i 36-të Botëror i Revistave. Gjatë mitingut dyditor, më se 1000 persona të qarqeve të botimit të revistave të ardhur nga 45 vende e rajone të botës diskutuan për sfidat e rastet e zhvillimit të revistave. Tema kryesore e këtij mitingu është "Revistat pasurojnë botën".

Mitingu Botëror i Revistave zhvillohet një herë në dy vjet dhe organizohet nga Lidhja Ndërkombëtare e Revistave. Kjo lidhje u krijua në vitin 1925 dhe ka 255 anëtarë.

Sipas statistikave, vitin e kaluar, Kina botoi 2.85 miliardë revista. Sektori i revistave është bërë një sektor kulturor një vëllim të prodhimit vjetor 17 miliardë juanë.

U hap në Pekin libraria e parë fetare në Kinë

Agjencia kineze e lajmeve Hsinhua njoftoi se ditët e fundit, u hap në Pekin libraria e parë fetare në Kinë, libraria "Zongwen" e Pekinit.

Në ceremoninë e hapjes së librarisë, drejtori i Drejtorisë Shtetërore të Çështjeve Fetare të Kinës Ye Xiaowen tha se kultura fetare kineze është një thesar që po luan rol aktiv në ndërtimin e shoqërisë harmonike.

Kina zbaton politikën e lirisë së besimit fetar. Sipas statistikave, tani në Kinë ka 100 milionë besimtarë të feve të ndryshme.

Universiteti "Nankai" i Kinës pajtoi fizikantin austriak 

Agjencia kineze e lajmeve Hsinhua njoftoi se ditët e fundit, fizikanti austriak Romano Rup pranoi pajtimin e Universitetit "Nankai" të Kinës dhe u bë drejtori i Institutit të Fizikës të këtij universiteti.

Në pranverën e këtij viti, Universiteti "Nankai" filloi të pajtojë në mbarë botën drejtorë të instituteve. Romano Rupi është një nga drejtorët e rinj të instituteve. 55-vjeçari Rupi është fizikant i famshëm ndërkombëtar dhe ka pasur rezultate të mëdha në fushën optike. Mandati i tij nis nga 1 qershori i vitit 2007 deri më 31 maj të vitit 2010.

Universiteti "Nankai" u krijua në vitin 1919 dhe ndodhet në qytetin Tianjin të Kinës veriore.

Filloi emisionet kanali i parë i dialektit "Minnan" në pjesën kontinentale të Kinës 

Agjencia kineze e lajmeve Hsinhua njoftoi se ditët e fundit, filloi emisionet kanali i dialektit "Minnan" të televizionit të Quanzhout të provincës Fujian. Ky është kanali i parë i dialektit "Minnan" në pjesën kontinentale të Kinës.

Një funksionar i televizionit të Quanzhout tha se të gjitha programet e kanalit të dialektit "Minnan" do të transmetohen në dialektin "Minnan" dhe do të shfaqin plotësisht kulturën e zakonet e provincës Fujian duke nxitur shkëmbimet midis të dy brigjeve të ngushticës së Tajvanit.

Afro 15% e nxënësve tajvanezë dëshirojnë të studiojnë në shkollat e larta të pjesës kontinentale

Agjencia kineze e lajmeve Zhongxin njoftoi se sipas një sondazhi të një reviste tajvaneze, afro 15% e nxënësve tajvanezë dëshirojnë të studiojnë në shkollat e larta të pjesës kontinentale të Kinës.

Sipas njoftimeve, vitin e kaluar, 749 nxënës tajvanezë u regjistruan për të marre pjesë në provimet e pranimit në shkollat e larta të pjesës kontinentale ose 218 më shumë në krahasim me vitin 2005. Tani në shkollat e larta të pjesës kontinentale po studiojnë afro 5000 studentë tajvanezë.

Më se 70 bashkatdhetarë tajvanezë arritën në qytetin Chengdu për të bërë "turneun e kulturës së Sichuanit"

Agjencia kineze e lajmeve Hsinhua njoftoi se ditët e fundit, më se 70 bashkatdhetarë tajvanezë arritën në qytetin Chengdu të provincës Sichuan të Kinës jugperëndimore për të bërë "turneun e kulturës së Sichuanit".

Këta bashkatdhetarë tajvanezë erdhën në Sichuan për vizitë me ftesën e Zyrës së Çështjeve Tajvaneze të Qytetit Chengdu. Gjatë turneut, ata do të vizitojnë pika turistike dhe do të zhvillojnë shkëmbime kulturore.

Qysh nga viti 2002, Zyra e Çështjeve Tajvaneze e Qytetit Chengdu ka organizuar çdo vit "turneun e kulturës së Sichuanit" për bashkatdhetarët tajvanezë duke shtuar njohjen dhe forcuar miqësinë midis banorëve të të dy brigjeve. (Fani)