dëgjoni

Të dashur dëgjues, pjesa që po dëgjoni është zgjedhur nga opera Huangmei "Martesa me hyjninë". Opera Huangmei është opera kryesore në provincën Anhui të Kinës qendrore dhe "Martesa me hyjninë" që përshkruan një tregim dashurie është vepra përfaqësuese e operës Huangmei dhe është e përhapur gjerësisht në Kinë. Autori i kësaj vepre është kompozitori i operës Huangmei Shi Bailin. Gjatë dhjetëra vjetëve, Shi Bailini dhe artistë të tjerë të operës Huangmei kanë bërë përpjekje të palodhshme dhe e kanë shndërruar operën Huangmei në një operë të rëndësishme kineze.

Pak kohë më parë, u zhvillua në provincën Anhui veprimtaria përkujtimore me rastin e 60-vjetorit të marrjes me krijimtari artistike të Shi Bailinit. Gjatë veprimtarisë u zhvilluan simpoziumi dhe koncerti i veprave të Shi Bailinit dhe Instituti i Muzikantëve të Operës i Kinës i dha Shi Bailinit "Çmimin e arritjeve të përjetshme të muzikës operistike". Shi Bailini është kompozitori i parë i operës në Kinë që fiton këtë çmim. Ai u shpreh se ky çmim është nderim për të gjithë punonjësit e operës:

"Opera kineze është një nga tre operat kryesore të botës. Me përpjekjet e të gjithë artistëve të operës, opera kineze ka lulëzuar nga dita në ditë."

Shi Bailini lindi në vitin 1927 në një familje fshatare në provincën Anhui. Kur ishte i vogël, ai bënte kontakte çdo ditë me muzikën popullore duke shfaqur talentin e lartë në këtë fushë. Shi Bailini kujton:

"Në vendlindjen time Mengcheng opera është popullarizuar gjerësisht. Kur isha në shkollën fillore, dëgjoja shumë opera. Jam i mendimit se kam mësuar shumë nga opera dhe muzika popullore e vendlindjes."

Megjithëse i pëlqente shumë opera, në fillim, Shi Binlin nuk dëshironte të merrej me të, sepse atë kohë para krijimit të Republikës Popullore të Kinës, jetesa e artistëve të operës ishte shumë e vështirë. Kjo gjendje ndryshoi pas krijimit të Kinës së re. Në vitin 1951, Shi Bailini shkoi në Universitetin e Muzikës të Shangait për të studiuar kompozim. Shi Bailini tha:

"Kur sapo hyra në universitet, studiova kryesisht teorinë perëndimore muzikore. Rektori i universitetit He Luting i kushtonte shumë rëndësi muzikës e operës kombëtare kineze dhe u kërkonte studentëve të studionin muzikën kombëtare. Nën drejtimin e tij, studiova sistematikisht muzikën kombëtare kineze."

Gjatë studimeve në Universitetin e Muzikës të Shangait, Shi Bailini shikoi shfaqjen e Trupës së Operës Huangmei të Provincës Anhui dhe i pëlqeu menjëherë kjo operë magjike. Pas kësaj, Shi Bailini vendosi të merret me krijimin e muzikës së operës Huangmei.

Në vitet '50 e '60 të shekullit të kaluar, Shi Bailini kompozoi shumë shfaqje të operës Huangmei. Në kompozimet, ai përthithi shumë karakteristika të arteve të tjera muzikore duke krijuar stilin e veçantë artistik. Në vitin 1955, Shi Bailini bashkëpunoi me artistë të tjerë dhe xhiroi filmin e operës Huangmei "Martesa me hyjninë". Ky film ngjalli jehonë të madhe duke nxitur përhapjen e operës Huangmei në mbarë vendin.

Në fillim të viteve '80 të shekullit të kaluar, Shi Bailin hyri në periudhën tjetër të artë të krijimtarisë artistike. Ai botoi mbi 10 vepra teorike të operës Huangmei si "Teoria e muzikës së operës Huangmei", "Muzika e operës kineze" etj. dhe kompozoi disa filma të operës Huangmei si "Nusja Mengjiang" etj.

Sot 80-vjeçari Shi Bailin është ende i shëndetshëm dhe vazhdon të merret me krijimtari artistike. Në mars të këtij viti, opera Huangmei e tij "Nusja Mengjiang" u shfaq në Singapor duke fituar përshëndetjen e shikuesve. Në artikullin e tij "Rruga ime muzikore", Shi Bailini tha se opera Huangmei dhe muzika popullore kineze e kanë ndihmuar të realizojë ëndrrën për zhvillimin e operës kombëtare kineze. (Fani)