Kënga që ndoqët titullohet "Jemi të fuqishëm ne, punëtorët", kënduar nga Kori i Bashkuar i Punonjësve Kinezë. Kjo këngë e përhapur prej 50 vjetësh shpreh krenarinë dhe forcën e punëtorëve kinezë. Në këngë thuhet: "Ne, punëtorët e fuqishëm punojmë për ditë me zell. Kemi ngritur pallate dhe ndërtesa të shumta, kemi shtruar hekurudha dhe kemi hapur miniera, duke ndryshuar pamjen e mbarë Kinës."

1 Maji është dita ndërkombëtare e punonjësve. Në Kinë, me zhvillimin ekonomik, kanë lindur shumë profesione të reja, si administratorë të ndërmarrjeve private, punonjës të degës së tenologjisë së informacionit, punonjës të lirë etj. Por megjithatë, punëtorët e industrisë mbeten përsëri forcë kryesore e reformës dhe hapjes së Kinës dhe kanë dhënë e japin kontribut të madh në zhvillimin ekonomik të Kinës. Tani le të shijojmë së bashku këngën "Drita e stepës" që u këndon elektricistëve.

Kjo këngë u këndon elektricistëve, të cilët e kanë bërë stepën më të bukur me djersën e vet. Në këngë thuhet: "Drita e stepës ndriçon, nën rrezet e dritës pamja e kullotave ka ndryshuar. Stepa e lashtë ka veshur petkun e ri, elektricistët i kanë sjellë stepës mbarësi. Drita ka sjellë shpresën e bukur, drita simbolizon të nesërmen më të shkëlqyeshme."

Sipas të dhënave statistikore, në Kinë numërohen mbi 100 milionë punëtorë të industrisë, si elektricistë, minatorë, naftëtarë, punëtorët e hekurudhës, të ndërtimit etj., që punojnë në ndërmarrje të mëdha shtetërore, në fusha naftëmbajtëse, në miniera etj. Në ditët e festës së tyre punëtorët organizojnë aktivitete të ndryshme kremtues e dhe shprehin me këngë dhe me entuziazëm dashurinë e tyre për punën. Tani le të dëgjojmë këngën "Punëtorët e ndërtimit të qytetit", kënduar nga punëtorët e grupit të ndërtimit të qytetit të Pekinit.

Në këngë thuhet: "Kur dielli mëngjesor skuq retë e bardha, në qytetet me shumë lëvizje fillon një mëngjes i ri. Ndërtesat e panumërta po lartësohen nga dita në ditë, rrugët e gjera po shtrihen përpara. Ky është kristali i djersëve tona, unë të tregoj me krenari se jam një punëtor i ndërtimit të qytetit."

Këngët që sapo ndoqët i kanë interpretuar punëtorët me mjeshtëri të madhe artistike. Më poshtë do të shijojmë këngën "Pushoni pak ju makinist i trenit", kënduar nga një trio vajzash. Kjo këngë e stilit të theksuar të pakicave kombëtare të Kinës jugperëndimore pasqyron ndryshimet në jetën e fshatarëve pasi treni ka hyrë në një fshat malor.

Në fund të programit të sotëm do të shijojmë së bashku këngën e një kuarteti djemsh "Telat e veglës muzikore".

Në këtë këngë të lehtë dhe të gjallë konsiderohen tubacionet e naftës si tela të veglës muzikore dhe naftëtarët krijojnë melodinë e bukur në këto tela muzikore. Në këngë thuhet: "Tubacionet e naftës janë telat e veglës sonë muzikore, kënga e punës dëgjohet në kantierin tonë. Pishtarët e ndezin shpresën e vajzave, që ndritin fytyrën e djemve. Ne interpretojmë këngën e pranverës së gjelbër në telat melodikë."