Në fillim të vitit 2007, këngëtari nga Malajzia A Niu nxori albumin e ri "Të them të dua çdo ditë", i cili ka karakteristikat popullore. A Niu shfrytëzoi tonet më të thjeshta për të shënuar gëzimet dhe shqetësimet e jetës. I kënduari i tij nuk ka teknika të komplikuara, por është shumë prekës.

Po dëgjoni tani këngën kryesore të këtij albumi "Të them të dua çdo ditë". Në këtë këngë A Niu këndon "Të dua" në gjuhën malajziane. Me melodi të gëzuar, kjo këngë na jep ndjenjat e ëmbla dhe romantike. A Niu tha se ai shpreson të inkurajojë njerëzit të shprehin dashurinë e tyre dhe të mos e fshehin këtë dashuri në zemrat.  dëgjoni

Këngët e A Niu-s kanë jo vetëm ndjenja modeste, por edhe melodi të thjeshta, të cilat janë mirëpritur shumë nga adhuruesit. Do të admironi tani këngën me titull "Hëna e Pekinit", e cila pasqyron mallin e thellë për vendlindjen. Instrumentet muzikore të thjeshta me stilin kombëtar përshkruajnë ndjenjat e bukura. I kënduari i A Niu-s është i ngrohtë dhe i thjeshtë.

Në këtë këngë thuhet "Hëna e Pekinit është e rrumbullakët, ngjitet në qiell jashtë dritares. Duke parë hënën, më kujtohet fytyra jote. Do të kthehem tek ti pasi të kem kaluar disa kthesa. Rruga është e gjatë, vetmia është e pamatë. Malet ngjajnë si krahët e tu."  dëgjoni

Në vitin 2005, këngëtarja hong-kongase Kelly Chen nxori albumin në gjuhën kineze me titull "Jam me gjallëri". Pastaj në verën e vitit 2006 ajo publikoi albumin e ri në dialektin kanton me titull "Happy Girl". Ky album ka melodi të shpejta dhe karakteristika vallëzimi. Kënga kryesore "Nuk kam rezervuar asgjë" është një këngë vallëzimi, për të cilën Kelly Chen ka krijuar hapa të vallëzimit tërheqëse. Zëri i përkryer i saj kontrollon mirë melodinë e kësaj kënge. Le ta dëgjojmë atë.  dëgjoni

Në këtë këngë thuhet "Kam shfaqur të gjithë kungfu-në. Jeleku i vogël pasqyron vetëbesimin tim të plotë. Nuk duhet ta rezervosh dashurinë, nëse pret, dashuria ka mundësi të largohet." Kelly Chen shpreson të inkurajojë vajzat beqare të heqin dorë nga ndjenjat e rezervuara dhe të kërkojnë aktivisht lumturinë.

Grupi muzikor tajvanez "Fei Lunhai" përbëhet nga katër djem simpatikë. Në vitin 2006, ata u bënë të njohur për shkak të shfaqjes në operën televizive "Klasa e fundit". Pastaj nxorën kasetën me këngë të kësaj opere, që u shit mirë në Tajvan. Në të njëjtën kohë, ata punojnë si folës dhe modele reklamash. Në shtator të vitit 2006, grupi muzikor "Fei Lunhai" nxori albumin me titull "Fei Lunhai", i cili ka këngë të stileve të ndryshme, si këngë lirike, R&B dhe me karakteristika vallëzimi.

Po dëgjoni tani këngën me titull "E kam rininë time", e cila ka melodi me karakteristika vallëzimi dhe tekst të thjeshtë.  dëgjoni

Në këtë këngë thuhet "Kur pashë sytë e tu, tregova karakterin tim. E kam rininë time. Rinia duhet të jetë e ndryshme."

Ky grup nuk ka fuqi të kënduarit të shkëlqyer, por ata na japin ndjenja të freskëta. Çdo këngë rrëfen një tregim lidhur me rininë. Në këto këngë mund të gjesh kujtimet e tua. Në fund të programit të sotëm, do të admironi këngën me titull "Dëbora në verë". dëgjoni (U Sen)