dëgjoni

Agjencia kineze e lajmeve Hsinhua njoftoi se ditët e fundit, përgjegjësit e Shtëpisë Botuese "Pinguin" të Anglisë dhe të Shtëpisë Botuese të Congqingut të Kinës u shprehën se ata do të zhvillojnë bashkëpunimin për të botuar së bashku veprat klasike letrare të versionit të gjuhës kineze. Sipas planit, brenda 5 vjetëve, të dy shtëpitë e botimit do të botojnë 150 vepra klasike letrare botërore në gjuhën kineze.

Në gusht të vitit 2006, Shtëpia Botuese "Pinguin" dhe Shtëpia Botuese e Congqingut nënshkruan marrëveshjen e bashkëpunimit. Sipas marrëveshjes, Shtëpia Botuese e Congqingut jo vetëm do të tërheqë libra të Shtëpisë Botuese "Pinguin" në Kinë, por edhe do të shesë libra të saj në mbarë botën nëpërmjet Shtëpisë Botuese "Pinguin".

Shtëpia Botuese "Pinguin" e Anglisë u krijua në vitin 1935 dhe në vitin 2005 hyri në tregun kinez. Vitet e fundit, shitja vjetore e librave të saj në Kinë është shtuar mbi 100%.

Zhvillohet në Shangai ekspozita "Artet 300-vjeçare të SHBA-së"

Agjencia kineze e lajmeve Hsinhua njoftoi se ditët e fundit, filloi të zhvillohet në Muzeun e Shangait ekspozita "Artet 300-vjeçare të SHBA-së". Ekspozita do të zgjasë për dy muaj.

Kjo ekspozitë organizohet bashkërisht nga Fondacioni "Gugenheim" i Nju Jorkut dhe Fondacioni Artistik "Trafalgar" i Çikagos. Në këtë ekspozitë vendosen afro 160 vepra artistike të SHBA-së.

Shangai është vetëm një stacion i ekspozitës "Artet 300-vjeçare të SHBA-së" në mbarë botën. Pas kësaj, ekspozita do të zhvillohet edhe në Rusi, Spanjë etj.

Do të fillojë Gara e 4-të e Pianos e Hong-Kongut

Agjencia kineze e lajmeve Hsinhua njoftoi se me rastin e 10-vjetorit të kthimit të Hong-Kongut në atdhe, në maj do të fillojnë të zhvillohen në mbi 20 qytete të mbarë vendit ndeshjet përgatitore të Garës së 4-të të Pianos të Hong-Kongut. Finalet do të zhvillohen në janar të vitit 2008 në Hong-Kong.

Gara e parë e Pianos e Hong-Kongut u krijua në vitin 1997 kur u kthye Hong-Kongu në atdhe. Pianisti i ri kinez Li Yundi fitoi çmimin e parë të kësaj gare.

U hap Festivali i 18-të Artistik i Makaos

Agjencia kineze e lajmeve Zhongxin njoftoi se më 5 maj në mbrëmje u hap në Makao Festivali i 18-të Artistik i Makaos. Tema kryesore e këtij festivali është "Gëzimet e artit".

Gjatë festivalit njëmujor, artistët e ardhur nga Kina, Gjermania, Indonezia, Vietnami etj. do të shfaqin drama, valle, opera etj.

Festivali Artistik i Makaos organizohet nga Drejtoria e Kulturës e Rajonit të Posaçëm Administrativ të Makaos dhe zhvillohet një herë në vit. (Fani)