dëgjoni 

Opera e Pekinit është opera kombëtare e Kinës dhe Trupa e Operës së Pekinit e Kinës përfaqëson nivelin më të lartë të artit të operës së Pekinit në Kinë. Drejtori i Trupës së Operës së Pekinit të Kinës Wu Jiang ka bërë përpjekje të palodhshme për të ringjalluar këtë art tradicional.

Opera e Pekinit ka një histori mbi 200-vjeçare. Gjatë procesit të zhvillimit, opera e Pekinit përthithi pandërprerë esenca të arteve të tjera duke krijuar stilin e veçantë artistik. Nga vitet '20 deri në vitet '50 të shekullit të kaluar, mjeshtri i operës së Pekinit i Kinës Mei Lanfang dha shumë herë shfaqje në Evropë, SHBA, Japoni etj. duke përhapur këtë art kinez në mbarë botën. Arti i operës i Kinës me Mei Lanfang në krye, arti i dramës i Stanislavskisë së Rusisë dhe arti i dramës i Breshtit të Gjermanisë janë përcaktuar si "3 sistemet kryesore botërore të shfaqjes së dramës".

Wu Jiang lindi në vitin 1949. Kur ishte në moshën 8-vjeçare, ai hyri në një shkollë të operës së Pekinit për të mësuar operë. Wu Jiang kujtoi:

"Xhaxhai im ishte një studiues i operës kineze, ai më këshilloi të mësoj operën e Pekinit. Më pëlqente shumë opera e Pekinit qysh në moshë të re, kështu që hyra në Shkollën e Operës të Pekinit për mësime të mëtejshme."

Wu Jiang mësoi për 9 vjet operën e Pekinit në shkollë. Pas mbarimit të mësimeve ai filloi të japë shfaqje. Por pas disa vjetëve, ai u plagos rëndë dhe u detyrua të largohet nga skena. Pas kësaj, Wu Jiang u pranua nga fakulteti i letërsisë kineze i Universitetit të Pekinit. Në universitet, ai studioi sistematikisht teorinë letrare duke i hedhur bazë të fortë krijimit të teksteve të operës së Pekinit. Pas diplomimit, Wu Jiang u bë me radhë zv-drejtori i Shkollës së Operës të Pekinit, zv-drejtori i Drejtorisë së Kulturës të Pekinit dhe në vitin 2000 u bë drejtori i Trupës së Operës së Pekinit të Kinës.

Me zhvillimin e kohës, llojet e argëtimeve janë shtuar pandërprerë, por opera e Pekinit është futur në gjendjen e vështirë të zhvillimit, shikuesit janë pakësuar shumë. Për të ringjallur këtë art të lashtë, sapo u bë drejtori i Trupës së Operës së Pekinit të Kinës, Wu Jiang mori një sërë masash të reformës:

"Trupa e Operës së Pekinit e Kinës duhet të krijojë më shumë programe të reja dhe të japë shfaqjet sipas kërkesave të shikuesve."

Me drejtimin e Wu Jiangut, Trupa e Operës së Pekinit e Kinës ka krijuar shumë programe të reja dhe ka shtuar shfaqje. Njëkohësisht Wu Jiang ka forcuar përhapjen e operës së Pekinit në mbarë vendin. Ai nxit aktivisht shfaqjen e operës së Pekinit në shkolla të larta dhe ka organizuar shumë kurse të kulturës së operës së Pekinit. Këto masa kanë pasur rezultate pozitive. Më shumë të rinj fillojnë t'i kushtojnë vëmendje operës së Pekinit, tregu i shfaqjes së operës së Pekinit është lulëzuar nga dita në ditë dhe janë lindur shumë yje të operës së Pekinit. Pak kohë më parë, Trupa e Operës së Pekinit e Kinës hapi vebsajtin e vet për t'i ndihmuar njerëzit ta njohin operën e Pekinit.

Operën që po dëgjoni është "Princesha kineze Turandot" e krijuar nga Wu Jiangu. Në këtë operë të rishikuar nga opera italiane "Turandot", Wu Jiang lidh operën e Pekinit me operën perëndimore duke u sjellë shikuesve eksperiencën e re. Pas shfaqjes së parë në vitin 2003, kjo operë u shfaq me radhë në Poloni, Hungari, Bullgari, Izrael, Austri etj. duke ngjallur jehonë të madhe. Shumë shikues të huaj e kanë ftuar Trupën e Operës së Pekinit të Kinës të shkojë në vende të tyre për shfaqje. Sipas planit, këtë vit, Trupa e Operës së Pekinit e Kinës do të bëjë turne në mbarë botën për të shfaqur operën "Princesha kineze Turando".

Tani Wu Jiang po bën përpjekje për të lidhur operën e Pekinit me arte të huaja me qëllim që opera e Pekinit të njihet më gjerësisht nga shikuesit e huaj. (Fani)