Dëgjoni

Në vitin 2005, Ministria e Tregtisë e Kinës filloi veprën që inkurajoi firmat e supermarketeve të hyjnë në fshatra për t'u krijuar lehtësi fshatarëve. Me përpjekjet 2-vjeçare, këto firma kanë hyrë në shumë fshatra.

Në zonën malore të distriktit Xianyou të provincës Fujian të Kinës Juglindore ka një fshat të quajtur Yunfeng. Në të kaluarën, fshatarët i blinin sendet e përditshme në qytezën e distriktit 60 kilometra larg fshatit. Por sot, fshatarët mund t'i blejnë këto sende të përditshme në supermarketin e fshatit.

Gazetari pa nga afër se sipërfaqja e këtij supermarketi është 150 metra katrorë. Në raftet e supermarketit ishin vendosur mallra të ndryshme, si raki, frute, pajisje elektro-shtëpiake etj. Fshatari Yang Shicai që po blinte mallra, tha: Çmimi i mallrave të këtushme është relativisht i ulët dhe cilësia e tyre është e mirë. Këtu mund të blejmë në përgjithësi sendet e përditshme".

Supermarketet gjenden kudo në qytete të ndryshme të mëdha të Kinës, ndërsa në fshatra këto supermarkete janë krijuar vetëm gjatë 2 vjetëve të fundit. Sipas kërkesave të fshatarëve, supermarketi u ka dhënë atyre shërbime shumë të mira.

Kjo vepër ka për qëllim t'u krijojë fshatarëve më shumë lehtësi në blerjen e mallrave nga ata. Qeveria kineze e emërtoi këtë vepër si "Tregun e dhjetëra mijë fshatrave". Duke folur për këtë, ministri i Tregtisë i Kinës Bo Xilai tha: "Kjo vepër sjell lehtësi për blerjen e mallrave nga fshatarët. Njëkohësisht mund të zgjerohet konsumi. Në mbarë vendin tonë janë krijuar 160 mijë supermarkete të tilla, sivjet numri i supermarketeve do të arrijë në 250 mijë, duke mbuluar 75% të distrikteve të mbarë vendit. Vitin e kaluar, nëpërmjet kësaj vepre u zgjerua me 60 miliardë juanë konsumi i fshatarëve. Sivjet ky konsum do të zgjerohet me 85 miliardë juanë.

Sipas të dhënave statistikore, fshatarët zënë 70% të popullsisë së përgjithshme të Kinës, por vëllimi i konsumit të fshatarëve zë vetëm një të tretat e gjithë shoqërisë. Zgjerimi i kërkesës së konsumit, sidomos zgjerimi i kërkesës së konsumit të fshatrave dhe ndryshimi i gjendjes së rritjes ekonomike të mbështetur nga investimet dhe eksporti janë detyra më e rëndësishme për ndryshimin e strukturës ekonomike të Kinës.

Për një periudhë të gjatë, niveli i ulët i të ardhurave të fshatarëve është arsyeja kryesore që ndikon në mosngritjen e konsumit të fshatit. Për të përmirësuar jetesën e banorëve të fshatit, qeveria kineze anuloi taksat bujqësore, duke shpejtuar ndërtimin e rrugëve, të veprave të ujit të pijshëm, telekomunikacionit, rrjetit elektrik dhe duke shtuar investimet në fushat arsimore, kulturore, shëndetësore të fshatit dhe në çështje të tjera shoqërore. Si rezultati i tyre, aftësia blerëse e fshatarëve kinezë është ngritur gradualisht.

Në fund të vitit të kaluar, fshatari Lei Jinqing që banon në periferi të kryeqendrës së Rajonit Autonom të Guangsi ?Zhuanit Nanning, mori pjesë në sistemin e filialeve të supermarketeve të "dhjetëra mijë fshatrave". Tani supermarketi i tij është i njohur, duke tërhequr shumë blerës. Fshatari Lei Jinqing tha se qeveria i dha atij 50 mijë juanë subvencione për të zgjeruar biznesin e tij.

"Çdo ditë fitimet e biznesit tim shtohen 2 herë në krahasim me të kaluarën. Vëllimi i mëparshëm i biznesit ishte vetëm mbi një mijë juanë, por tani është 2 mijë juanë."

Tani infrastruktura tregtare në fshat është relativisht e dobët. Kostoja e biznesit është shumë e lartë. Prandaj zhvillimi i firmave të supermarketeve në fshat ndodhet në një gjendje të vështirë.

Duke folur për vështirësinë e zhvillimit të supermarketeve në fshat, ndihmësi i ministrit të Tregtisë të Kinës Huang Hai tha:

"Vështirësia më e madhe është mosbalanca e zhvillimit. Në fshatrat e zonave të Kinës Lindore, filialet e supermarketeve janë zhvilluar shumë shpejt, ndërsa në fshatrat e krahinave perëndimore janë zhvilluar shumë ngadalë. Çmimi i energjisë elektrike është relativisht i lartë në krahasim me përdorimin e energjisë elektrike në bujqësi."

Për të zbutur këto probleme të sipërpërmendura, qeveria kineze ka shtuar investimet në krijimin e supermarketeve në fshat. (Sihai)