Në programin e sotëm do t'ju njoh me dy këngëtarë të shkëlqyer në Kinën kontinentale dhe me këngët e tyre.

Po dëgjoni tani këngën "Shqetësimi i burrit" të kënduar nga këngëtari i ri A Lang. Kjo këngë përshkruan vështirësitë dhe shqetësimin e burrave në faza të ndryshme. Në këtë këngë thuhet "Një burrë në moshën 30 vjeçare, si do të ecë më tej? Ai është shumë i lodhur. Një burrë në moshën 40 vjeçare është i pjekur dhe i dehur nga dashuria. Një burrë në moshën 50 vjeçare nuk mund të kundërshtojë mendimin e gruas së tij. Për kë është i lodhur?"  dëgjoni

Kur ishte i vogël A Lang pëlqente operën e Pekinit. Në vitin 1990, ai u bë një aktor i grupit të operës së Pekinit të provincës Ji Lin. Në vitin 1998, A Lang erdhi në Pekin dhe u bë një këngëtar i muzikës moderne. Shpesh herë ai këndonte në bare. Për shkak të zërit të bukur, ai është bërë i njohur nga adhuruesit. Në korrik të vitit 2006, A Lang u regjistrua në kompaninë e disqeve "Beijing Shengshi" dhe në janar të këtij viti nxori albumin e parë me titull "Në fakt edhe burrat janë të dobët". Në këtë album ka tre këngë si "Dashuria e paqëndrueshme", "Në fakt edhe burrat janë të dobët" dhe "Shqetësimi i burrit".

Po dëgjoni tani këngën me titull "Në fakt edhe burrat janë të dobët". Në këtë këngë thuhet "Më në fund më jep pak dashuri, nuk mund të them asgjë për këtë. Kam dhënë shumë kontribut. A ka humbur dashuria jonë? Në fakt edhe burrat janë të dobët, por ende shtiren të lirshëm. Kanë një heshtje në fytyrë që nuk mund të fshehë shqetësimin."  dëgjoni

S'mund ta themi se cili ka të drejtë në dashuri. Gratë mund të qajnë dhe të shprehin shqetësimin. Por burrat kurrë nuk derdhin lot dhe nuk dëshirojnë të shprehin ndjenjat e tyre. Ata shpesh herë e fshehin dobësinë me paraqitje mospërfillëse.

Qytetarët e respektojnë gjithmonë dashurinë perfekte, por ekziston hendek midis realizimit dhe idealit, sepse dashuria është e paqëndrueshme. Do të dëgjoni tani këngën me titull "Dashuria e paqëndrueshme". Zëri tërheqës i A Langut tregon dashurinë e thellë të burrit.

Në këtë këngë thuhet "Ndoshta në fillim mendoja që dashuria është perfekte dhe desha të të ndjek për njëqind vjet. Ndoshta kemi pasur lumturi, jam i dehur nga dashuria. Më the që dashuria jonë ngjan si një trëndafil në stuhi. Dashuria e paqëndrueshme do të na lëndojë."  dëgjoni

Vitet e fundit, interneti ka luajtur rolin e propagandimit të këngëtarëve, të transmetimit të muzikës dhe të tërheqjes së adhuruesve. Disa këngë të thjeshta moderne janë mirëpritur shumë nga përdoruesit e internetit. Kënga "Parfumi helmues", kënduar nga këngëtarja e re Hu Yanglin, u mirëprit në internet në vitin 2006.

Kur ishte e re, Hu Yanglin filloi të shfaqë talentin artistik. Në vitin 1999, ajo u pranua nga instituti i artit i provincës Hu Bei. Gjatë studimeve, ajo krijoi një grup muzikor dhe u bë këngëtarja kryesore. Shpesh herë ajo ka dhënë shfaqje në aktivitete të ndryshme artistike. Me paraqitjen e ëmbël dhe me këngën popullore "Çimka", Hu Yanglin u bë idhulli i studentëve.

Pas diplomimit, Hu Yanglin erdhi në Pekin për punë artistike. Në vitin 2005, kur këndoi këngën "Miu e do orizin", Hu Yanglin u zbulua nga Wang Hu, drejtori i kompanisë kulturore "Tai Ge". Pastaj Hu Yanglin nxori këngën me titull "Parfumi helmues", e cila u mirëprit shumë nga përdoruesit e internetit.

Po dëgjoni tani këngën me titull "Parfumi helmues". Në këtë këngë thuhet "Në kurmin tënd gjendet aroma e parfumit të saj. Fajin e ka hunda. Harroj këtë dhe dua të fle gjumë me të. Dashuria që dëshiron është perfekte dhe s'mund ta jap."  dëgjoni

Me këtë këngë, në qershor të vitit 2006 Hu Yanglin nxori albumin e parë me titull "Parfumi helmues". Në fund të programit të sotëm do të dëgjoni këngën me titull "Hëna afër tendës".

Kjo këngë ka melodi të bukur dhe një tekst si poezi dhe pikturë. Në këtë këngë thuhet "Hëna afër tendës fsheh aromën e panoramës. Dëshiroj të ndaj së bashku me të panoramat e bukura dhe të kërkojmë ëndrrat e largshme. Le të kërkojmë hënën afër tendës."  dëgjoni (U Sen)