Dëgjoni

Në mbledhjen vjetore të Forumit Aziatike të Boaos që u mbyll kohët e fundit, siguria e energjisë e Azisë Lindore u bë një fokus i interesit të pjesëmarrësve. Shumë funksionarë dhe biznesmenë të vendeve të Azisë Lindore janë të mendimit se tani rezerva e energjisë në Azinë Lindore është e pamjaftueshme, ndërsa kërkesa për energji është shumë e madhe. Në rrethana të tilla, vendet e Azisë Lindore duhet të forcojnë bashkëpunimin në sektorin energjetik për të garantuar bashkërisht energjinë e këtij rajoni.

Tani, Azia Lindore është një nga rajonet me sasinë më të madhe të konsumit të naftës, gazit natyror dhe energjive të tjera në botë.

Azia Lindore me zhvillimin e vazhdueshëm ekonomik po ndodhet nën kërcënimin e mungesës së energjisë. Garantimi i energjisë është bërë një problem i rëndësishëm para vendeve të ndryshme të Azisë Lindore.

Në Forumin e Boaos, nënkryetari i Komisionit kombëtar të zhvillimit dhe reformës të Kinës Chen Dëming u bëri thirrje vendeve të Azisë Lindore të krijojnë sistemin më efikas të sigurisë së energjisë për të përballuar problemin e sigurisë së energjisë.

"Ne duhet të krijojmë një sistem të ri të sigurisë së energjisë me leverdi reciproke. Kina duhet të marrë pjesë gjithashtu në këtë sistem. Në bashkëpunimin ndërkombëtar, përveç bashkëpunimit të shfrytëzimit të përbashkët të energjive, përfshihen edhe zbatimi i energjisë së pastër, ngritja e efektivitetit të energjisë etj."

Siç mësohet, Kina është vendi i 2-të më i madh konsumues i naftës në botë pas SHBA-së, dhe vendi i 3-të importues i naftës. Qysh nga viti 2001, në sfondin e ngritjes së vazhdueshme të çmimit ndërkombëtar të naftës dhe të rritjes së shpejtë të ekonomisë kombëtare të Kinës, furnizimi i Kinës me naftë ndodhet në një gjendje të vështirë për një periudhë të gjatë. Shmangia e ndërprerjes së furnizimit me naftë dhe e dëmeve të shkaktuara nga lëvizja e madhe e çmimit të naftës është bërë objektiv i rëndësishëm i sigurisë së energjisë të Kinës.

Zoti Chen Dëming tha se ashtu si shumë vende të tjera, Kina do të forcojë rezervën e naftës strategjike për të përballuar gjendjen e vështirë të furnizimit me naftë.

Kina dëshiron të forcojë me vendet e ndryshe të Azisë Lindore bashkëpunimin në sektorin energjetik. Sipas planifikimit të zhvillimit të energjisë bërthamore të Kinës, deri në vitin 2020, kapaciteti i përgjithshëm i agregateve të energjisë bërthamore të Kinës do të arrijë në 40 milionë kilovatë. Tani në zhvillimin energjisë bërthamore ekzistojnë mungesa e lëndëve të para bërthamore, mungesa e përvojës së trajtimit të mbeturinave bërthamore dhe problemet e tjera, prandaj Kina kërkon në mënyrë urgjente të forcojë bashkëpunimin me vendet e ndryshme të Azisë Lindore në këtë fushë.

Siç mësohet, vitet e fundit, në tregun botëror të energjisë është shfaqur dukuria e konkurrencës së keqe midis vendeve të ndryshme të Azisë Lindore e shkaktuar nga gjendja e vështirë e furnizimit me energji.

Për këtë, profesori i Universitetit Kombëtar të Seulit të Koresë së Jugut Kim Tai Yoo tha se vendet e Azisë Lindore duhet të mbajnë qëndrim unik në politikën energjetike për të ruajtur stabilitetin e çmimit të energjisë.

"Tani ne nuk kemi një projekt më të mirë të zgjidhjes. Konkurrenca rajonale është sfida më e madhe për bashkëpunimin ndërkombëtar në fushën e sigurisë së energjisë. Në qoftë se do të krijohet një sistem për zhvillimin e dialogut dhe bashkëpunimit midis vendeve të konsumit, konkurrenca e keqe në tregun e energjisë do të frenohet."

Ai propozoi, gjithashtu, që në Azinë Lindore duhet të krijohet një aleancë, ashtu si "Fondi i stabilitetit të çmimit të naftës", për t'u dhënë objekteve të mëdha të energjive përkrahje me fonde dhe teknologji. Kjo do të favorizojë uljen e rrezikut të investimeve të mëdha të një vendi, duke garantuar sigurinë e energjive të gjithë Azisë.

Siguria e energjisë kërkon bashkëpunimin e përbashkët jo vetëm midis vendeve, por edhe midis ndërmarrjeve. Drejtori i përgjithshëm i Drejtorisë së përgjithshme të naftës oqeanike të Kinës Fu Chengyu është i mendimit se përveç shfrytëzimit të përbashkët të energjive, vendet e ndryshme të Azisë Lindore duhet të ngrenë efektivitetin e konsumit të energjisë, të ulin konsumin e energjisë dhe të forcojnë bashkëpunimin në fushën e studimit të energjive të reja.

"Ne duhet të zgjerojmë bashkëpunimin midis vendeve në studimin e teknologjive dhe energjive të reja në bashkëpunim midis ndërmarrjeve. Njëkohësisht ne duhet të shtojmë investimet reale në fushën e studimit të energjive të reja dhe të ripërdorshme."

Specialistët janë të mendimit se krijimi i platformës së bashkëpunimit është zgjedhja e domosdoshme e tyre. (Sihai)