Në kohën e dinastisë Song, nga shekulli i 10-të deri në shekullin e 13-të të erës sonë, zhvillimi i shkencës dhe teknikës kineze të lashtësisë arriti kulmin e saj. Në atë periudhë jetoi edhe shkencëtari i shquar kinez Shen Kuo, i cili lindi në vitin 1031 të erës sonë në provincën Zhegjang të Kinës Lindore dhe hyri në rrugën zyrtare qysh në moshën 20 vjeçare.

Në fillim, Shen Kuo u ngarkua me detyrë në bibliotekën perandorake, ku ai lexoi libra të shumtë, duke përvetësuar njohuri të gjera. Më vonë ai punoi për një kohë të gjatë në observatorin astronomik shtetëror, ku drejtoi vrojtimet astronomike dhe hartimin e kalendarit astronomik. Gjatë asaj periudhe, ai modifikoi disa aparate astronomike të trashëguara nga e kaluara, duke rritur më tej saktësinë e tyre.

Asokohe, për shkak se regjimet e pakicave kombëtare përreth sulmonin herë pas here dinastinë Song, ndodhën shumë herë konflikte kufitare. Shen Kuo u autorizua të merrte pjesë në bisedimet për çështjet kufitare. Mbi bazën e studimit të lëndëve të arkivit, ai kishte vizatuar harta të sakta dhe i tregonte gjatë bisedimeve. Si rezultat, pala kundërshtare u habit dhe u bind përballë fakteve shkencore të dinastisë song dhe hoqi dorë nga pretendimet tokësore.

Përmbajtja e studimeve të tij shkencore preku shumë sfera. Duke studiuar artin ushtarak e politikën financiaro-ekonomike të periudhave të ndryshme, ai kishte qëllim që të kontribuonte në fuqizimin e vendit të vet. Duke studiuar hidraulikën, ai kishte qëllim që të zgjidhte problemet e prodhimit bujqësor. Kurse, duke studiuar gjeografinë dhe marrëdhëniet nacionale, ai kishte qëllim për zbutjen e konflikteve midis kombeve.

Në pleqëri, Shen Kuo ia kushtoi gjithë energjinë shkrimit të veprës së tij "Shënime pranë përroit Mengsi", ku u përfshinë të gjitha ato që i kishte parë ose i kishte dëgjuar gjatë gjithë jetës së tij, si dhe arritjet e tij në studimet shkencore. Në këtë libër me 30 kapituj, përmbahen shkenca, tregime, komente artistike, bukurshkrime, piktura, mite dhe legjenda. Ndër to, tema shkencore prek fushat matematike, astronomike, fizike, kimike, metalurgjike, mekanike, biologjike, agronomike dhe farmaceutike. Arritjet shkencore, që ai shënoi në librin e tij, kishin arritur nivelin më të lartë asokohe në botë.

Të dhënat më të hershme mbi shtypin me shkronja të lëvizshme dhe mbi shpikjen e busullës, që janë dy prej 4 shpikjeve kineze në kohën e lashtë, gjenden në këtë libër të Shen Kuos. Ai shkroi se, pas shumë provave, ai bëri një korigjim të rëdësishëm dhe vuri në dukje se akrepi magnetik i busullës nuk i drejtohej tamam polit jugor, por priret pak drejt lindjes. Ai zbuloi këtë gjë 400 vjet më herët se zbulimi i këndit të prirë të gjeomagnetizmit nga Kristofor Kolombo. Shen Kuo parashtroi edhe tezën se Hëna rrotullohet rreth Tokës dhe Toka rrotullohet rreth Diellit. Teza e tij u parashtrua mbi 400 vjet më herët se teza e Nikola Kopernik Gebainit mbi " Diellin si qendër ". Historiani i famshën anglez i historisë së shkencës Doktor Josef Niham e quajti librin e Shen Kuos "Koordinatën në historinë e shkencës kineze". Për kujtimin e meritave të Shen Kuos, organizata përkatëse ndërkombëtare e emërtoi planetin e vogël numër 2027 "Planetin e vogël Shen Kuo".

(Zheng)