dëgjoni

Filmat shqiptarë të xhiruar në vitet '60 dhe '70 të shekullit të kaluar u kanë lënë shikuesve kinezë të asaj kohe kujtime shumë të bukura e të paharrueshme dhe kanë ushtruar një ndikim të madh mbi ta, sidomos te fëmijët e asaj kohe.

Fëmijët e rritur në ato vite edhe tani e kujtojnë shpesh, ndër të tjera, edhe një nga këta filma të shquar shqiptarë, "Ngadhnjim mbi vdekjen", sidomos figurën e Mirës, që ishte personazhja kryesore e këtij filmi.

Regjisori i njohur kinez Zhao Baogang tha se: "E kam parë filmin shqiptar 'Ngadhnjim mbi vdekjen' në kohën kur isha nxënës i shkollës së mesme. Çasti i daljes së asaj vajze trime në vendin e ekzekutimit më është rrënjosur thellë në mendje dhe edhe tani ndiej një dhimbje të madhe kur e kujtoj atë fragment".

Prezantuesi i njohur i CCTV-së, z. Cui Yongyuan, tha: "Ngadhnjim mbi vdekjen' është një koncept e frymë shpirtërore e brezit të atëhershëm. Me besimin për një ideal të caktuar mund të luftosh duke sakrifikuar gjithçka. Ja, kjo ka qenë fryma me të cilën jam rritur dhe që mua më pëlqen".

Për këtë arsye, ai ka vendosur të transmetojë në rubrikën e drejtuar prej tij "Magjia e filmave artistikë" intervistat mbi episodet e bukura gjatë xhirimit të disa filmave të vjetër shqiptarë dhe ka ftuar për intervistë në Kinë edhe znj. Eglantina Kume, që ka luajtur rolin e Mirës në filmin "Ngadhnjim mbi vdekjen".

Në nënrubrikën e sotme "Shkëmbime kulturore" do t'ju njohim me disa episode gjatë xhirimit të këtij filmi të bukur të shtjelluara nga znj. Eglantina Kume.

Dëgjues të dashur, mendojmë se këto episode të bukura ju interesojnë jo vetëm dëgjuesve dhe teleshikuesve kinezë, por edhe juve.

Të gjithë shqiptarët e dinë mirë se filmi "Ngadhnjim mbi vdekjen" është shkruar duke u mbështetur në heroizmin e vërtetë të dy heroinave kombëtare shqiptare Bule Naipi dhe Persefoni Kokëdhima, dhe roli i Mirës është pikërisht figura e heroinës Bule Naipi.

Kur mori rolin e Mirës, Eglantina Kume ishte akoma nxënëse në një shkolle të mesme. A i njihte ajo këto dy heroina dhe si e ka krijuar këtë figurë kaq të bukur?

Znj. Eglantina Kume tha. Ato janë shumë të njohura, i njeh gjithë shqipëria sepse janë heroina kombëtare. Në sheshin e Gjirokastrës tek platia .d.m.th tek sheshi qëndror që ka çdo qytet si Pekini që ka Tianamen-in ndodhet një sklupturë e madhe e këtyre dy heroinave që janë të dyja të përqafuara në momentin e fundit të jetës së tyre ku pritet që ti varin në litar. Kjo sklupturë është shumë e madhe dhe vigane që ndodhet në sheshin qendror të qytetit të Gjirokastrës. .....

Ne vërtet e kishim mësuar në shkollë dhe dëgjuar historinë e kësaj vajze, por unë nuk kisha shumë njohuri ndoshta kjo për mundësitë e varfëra që ishin për të marrë informacion dhe mësuar gjëra më në imtësi. Po marr si shembull, për një hero mund të dija emrin dhe famën e tij por nuk kisha njohuri për historinë e këtij heroi. Një ditë u takova me vëllanë e heroinës sonë dhe fillova që ta pyes atë për karakterin e saj në mënyrë që kur ta interpretoja në filëm të kisha një lloj afërsie më të. I vëllai më tregoi disa gjëra si p.sh që ishte vajzë më karakter shumë të fortë, nuk ishte frikacake por një vajzë me guzim. Në të njëjtën kohë ajo ishte dhe një vajzë shumë e ndiejshme, shkruante poezi. Pra, ishte një vajzë sa e ndiejshme aq edhe e guzimshme. Dhe unë u mundova që këtë veti të asaj ti përqafoja vetë si person dhe të shfaqja diçka nga bota shpirtërore e asaj. Sigurisht kjo duke e ndërthurur edhe me botën time shpirtërore. U mundova që të nxirrja një personazh që të simbolizonte heroinën e vërtetë. ( Zhai)