dëgjoni

Korrespondenti i Radios së Jashtme të Kinës njoftoi se 23 prilli ishte "Dita Botërore e Leximit" e përcaktuar nga UNESKO-ja. Libraritë e krahinave të ndryshme kineze zhvilluan aktivitete të ndryshme për të tërhequr lexues të të gjitha moshave të blejnë libra.

Sipas një shqyrtimi, qysh nga viti 1999, përqindja e leximit të librave të shtetasve kinezë është ulur nga viti në vit. Përkundrazi përqindja e leximit në internet është ngritur me shpejtësi të madhe.

Shumë specialistë janë të mendimit se me zhvillimin e shpejtë të internetit, duhet t'i kushtohet më shumë rëndësi edhe leximit të librave.

Këtë vit, Drejtoria e Përgjithshme e Shtypit e Kinës dhe 16 organe të tjera kineze do të zhvillojnë në mbarë vendin veprimtarinë e leximit për të ngritur nivelin moral e kulturor të shtetasve.

Do të zhvillohet në qytetin Chengdu Forumi Botëror i Mediave në Gjuhën Kineze 

Agjencia kineze e lajmeve Hsinhua njoftoi se nga 2 deri më 4 shtator të këtij viti, do të zhvillohet në qytetin Chengdu të Kinës jugperëndimore Forumi i 4-të Botëror i Mediave në Gjuhën Kineze.

Siç bëhet e ditur, në këtë forum do të marrin pjesë përfaqësuesit e mbi 200 mediave në gjuhën kineze të ardhur nga më se 30 vende e rajone të botës. Gjatë forumit, përfaqësuesit pjesëmarrës do të zhvillojnë konsultime e shkëmbime për zhvillimin e mediave në gjuhën kineze.

Galeria e Arteve e Kinës koleksionon vepra të fotografit kinez Deng Wei 

Korrespondentja e Radios së Jashtme të Kinës njoftoi se ditët e fundit, Galeria e Arteve e Kinës ekspozoi 100 fotografi të fotografit të famshëm kinez Deng Wei të koleksionuara nga kjo galeri. Kjo është hera e parë që Galeria e Arteve e Kinës koleksionon vepra të një fotografi.

Këto 100 fotografi janë kryesisht portrete të politikanëve, të artistëve, të shkencëtarëve etj. figura të famshëm botëror si ish-presidenti amerikan Ronald Reagen, ish-kryeministri i Izraelit Yitzhak Rabin etj.

Deng Wei është fotografi i famshëm kinez i portreteve. Në vitin 1990, ai filloi të nxjerrë në fotografi personalitetet botërore. Veprat e tij konsiderohen nga qarqet fotografike si "Krijimtaria në historinë fotografike botërore".

Delegacioni i shkëmbimeve kulturore i pakicave kombëtare të Tajvanit bëri vizitë në Guangxi

Agjencia kineze e lajmeve Hsinhua njoftoi se ditët e fundit, delegacioni i shkëmbimeve kulturore i pakicave kombëtare të Tajvanit bëri vizitë në qytetin Nanning të Rajonit Autonom të Guangxi Zhuanit duke marrë pjesë në veprimtarinë e "Javës së 7-të të shkëmbimeve të pakicave kombëtare midis Guangxisë dhe Tajvanit".

Pas vitit 2000, Guangxi organizon çdo vit veprimtarinë e "Javës së shkëmbimeve të pakicave kombëtare midis Guangxisë dhe Tajvanit" për të nxitur shkëmbimet e bashkëpunimin midis dy rajoneve. (Fani)