dëgjoni

Për 10500 sportistët më të mirë të botës, rëndësia e Lojërave Olimpike të Pekinit është se do t'u jepet rasti për të fituar medalje ari. Kurse për 13 milionë qytetarët e Pekinit, më e rëndësishmja është pjesëmarrja në Lojërat Olimpike të Pekinit. Tani jo vetëm qytetarët e zakonshëm të Pekinit po u kushtojnë vëmendje Lojërave Olimpike të Pekinit të Vitit 2008, por edhe shumë miq të huaj kanë interes të madh për to. Do të shkojmë në familjen e zotit Janusz Tatera nga Polonia, që po jeton në Pekin, dhe do të shohim si lidhet dashuria e tyre me Lojërat Olimpike të Pekinit.

Më 9 prill, Komisioni Organizativ i Lojërave Olimpike të Pekinit filloi të mblidhte kërkesa për familje olimpike në botë dhe vendosi që nga familjet e regjistruara të zgjedhë 10 familje dhe t'i ftojë të vizitojnë Pekinin më 8 gusht të këtij viti, vit para fillimit të Lojërave Olimpike të Pekinit. Familja e zotit Tatera u bë familja e parë e regjistruar për të marrë pjesë në këto aktivitete.

Zoti Tatera na tregoi krenarisht se ai kishte një lidhje miqësore të çuditshme me kërkesën e Pekinit për organizimin e lojërave olimpike. Ai është i pari që e uroi Pekinin për fitimin e së drejtës së organizimit të lojërave olimpike.

Zoti Tatera punoi për 9 vjet si sekretari i përgjithshëm i Komitetit Olimpik të Polonisë. Në korrik të vitit 2001, ai mori pjesë në mbledhjen plenare të Komitetit Olimpik Ndërkombëtar në Moskë, në të cilën do të vendosej se kujt do t'i jepej e drejta e organizimit të lojërave olimpike të vitit 2008. Në natën e 13 korrikut të vitit 2001, pikërisht në çastin kur kryetari i Komitetit Olimpik Ndërkombëtar Samaranch deklaroi se cili qytet do ta gëzonte këtë të drejtë, zoti Tareta ishte i ulur së bashku me disa kinezë që ishin funksionarë të delegacionit kinez pjesëmarrës në mbledhje. Ai e mban mend shumë qartë atë moment kur 1.3 miliardë kinezë u gëzuan në kulm. Ai tha:

"Nuk e dija se Pekini do të fitonte, por parashtrimi i fundit i Pekinit më la një përshtypje shumë të thellë. Më dukej se ata kishin shpresë të madhe në fitimin e së drejtës së organizimit. Kur kryetari Samaranch deklaroi solemnisht që Pekini është qyteti që do të organizinte Lojërat Olimpike të vitit 2008, unë u dhashë dorën përfaqësuesve kinezë, duke uruar Pekinin dhe kinezët."

Për arsye se merret me çështjen sportive prej një kohe të gjatë, zoti Tatera u dërgua të punojë në Kinë. Duke folur për pjesëmarrjen në aktivitetin e mbledhjes së familjeve olimpike, ai tha se Lojërat Olimpike të Pekinit kanë një forcë të madhe tërheqëse. Tani, më shumë njerëz ëndërrojnë të vizitojnë Kinën. Familja e tij, që po jeton në Pekin, dëshiron që të afrohet koha e lojërave olimpike të Pekinit.

Familja e Tateras ka marrë pjesë në 6 lojëra olimpike, pra është një familje e vërtetë olimpike. Zoti Tatera u shpreh se në lojërat olimpike të vitit 1960 në Romë, ai ishte vetëm një djalë 12 vjeçar. Në lojërat olimpike të Atlantës në vitin 1996, të gjithë anëtarët e familjes së tij morën pjesë për herë të parë në lojërat olimpike. Kjo përvojë është kujtimi më i paharrueshëm i tyre. Gruaja e Tateras kujton:

"Çdo edicion i lojërave olimpike është i ndryshëm njëri nga tjetri. Por Atlanta më la një përshtypje më të thellë. Kjo ishte hera e parë që të gjithë anëtarët e familjes sonë morën pjesë në lojërat olimpike. Vajza ime ishte vetëm 11 vjeçe. Në Atlanta, ajo bëri shumë aktivitete propaganduese për delegacionin e Polonisë. E ndiemë nga afër atë atmosferë të veçantë të lojërave olimpike".

Vajza e tyre 22 vjeçare, Beata Tatera, që po studion në Universitetin e Kulturës dhe të Gjuhëve të Pekinit, mund të flasë tani shumë mirë në gjuhën kineze dhe po përpiqet për t'u bërë vullnetare e Lojërave Olimpike të Pekinit. Beata tha:

"Shumë nga miqtë e mi më pyesin çdo ditës, si është pamja e vërtetë e Pekinit? Ata dëshirojnë të vizitojnë Kinën. Dua t'u ofroj ndihmë të gjithë miqve të botës gjatë lojërave olimpike të Pekinit."

Zoti Tatera u shpreh se banorët e qyteteve Athina, Barcelona, Atlanta dhe Los Anxhelesi, që kanë organizuar lojërat olimpike, kanë ndier lumturinë e hyrjes në familjen e madhe botërore. Ata janë krenarë për qytetet e tyre që kanë organizuar lojërat olimpike. (Shy Guan)