dëgjoni

Gjatë procesit të përgatitjes dhe organizimit të Lojërave Olimpike të Pekinit, që tërheqin vëmendje të veçantë, del si një detyrë shumë e rëndësishme që të garantohet sigurimi i fushave dhe pallateve të garave dhe ndeshjeve. Drejtuesi i Komisionit Organizativ të Lojërave Olimpike të Pekinit tha para disa ditësh se ka qenë e shkëlqyer puna e garantimit të sigurimit të kantiereve të ndërtimit të veprave të Lojërave Olimpike dhe kjo punë do të kryhet në mënyrë aktive edhe pas përfundimit të punimeve të ndërtimit të këtyre veprave.

Para disa ditësh, në Qendrën e Shtypit të Lojërave Olimpike të Pekinit, u organizua një konferencë shtypi mbi garantimin e sigurimit të kantiereve të ndërtimit të veprave të Ljërave Oimpike, në të cilën foli zv-drejtori i përhershëm i zyrës së grupit bashkërendues të punës së sigurimit dhe shefi i seksionit të garantimit të sigurimit të Lojërave Olimpike të Pekinit, zoti Liu Shaowu. Ai tha se grupi i tij bashkërendues me punën e vet garantoi zhvillimin e mbarë të punimeve të ndërtimit të një numër veprash që tërheqin vëmendje në botë, si Stadiumi Kombëtar "Foleja e Zogjve", Pallati Kombëtar i Notit "Kubi Ujor" etj. Ai tha se u plotësua me sukses detyra e fazës së parë të garantimit të sigurimit të ndërtimit e veprave të Lojërave Olimpike të Pekinit.

"Qysh nga koha kur Pekini fitoi me sukses të drejtën për organizimin e Lojërave Olimpike të 29-ta, ndërtimi i fushave dhe pallateve të garave dhe ndeshjeve ka qenë detyra jonë e dorës së parë në këtë drejtim. Po kështu, garantimi i sigurimit të kantiereve të ndërtimit ka qenë detyra kryesore të seksionit të punës së sigurimit të Lojërave Olimpike."

Në punën e sigurimit të kantiereve të ndërtimit të veprave të Lojërave Olimpike të Pekinit, u asimiluan mjaft elemente të shkencës dhe teknikës. Pajisjet përkatëse bëjnë kontroll në të 24 orët mbi zonat kryesore dhe pjesët e rëndësishme të kantiereve. Sistemet e kontrollit me video-frekuencë të të gjitha kantiereve të ndërtimit të veprave të Lojërave Olimpike të Pekinit janë të lidhura në një rrjet, nëpërmjet të cilit Qendra Komanduese e sigurimit mund të njohin në me pëllëmbë të dorës gjendjen e sigurimit të këtyre kantiereve të mbarë qytetit.

"Duke shfrytëzuar si duhet pajisjet teknike, kemi krijuar një rrjet të përsosur mbrojtës për garantimin e sigurimit të veprave të Lojërave Olimpike. Deri tani, sistemet e kontrollit të pikave të rëndësishme të këtyre veprave të mbarë qytetit janë të lidhura me Qendrën Komanduese të sigurimit të Lojërave Olimpike, në mënyrë që të forcohet mbrojtja me teknikë."

Zoti Liu Shaowu tha se në bazë të normave ndërkombëtare dhe të rregullave përkatëse të Komitetit Olimpik Ndërkombëtar, gjatë kohës së Lojërave Olimpike të Pekinit dhe gjatë garave të ndryshme të provës para fillimit të tyre, është i domosdoshëm kontrolli i sigurimit ndaj spektatorëve sportdashës që hyjnë për të parë garat ose ndeshjet. Një kontroll i tillë nuk ka asnjë dallim me kontrollin e sigurimit ndaj pasagjerëve para ngritjes së tyre në aeroplan. Liu Shaowu tha gjithashtu se seksionet e garantimit të sigurimit do të marrin masa të rrepta për mbrojtjen nga veprimtaria e terroristëve dhe nga veprimet e disa njerëzve keqbërës që orvaten të krijojnë me paramendime incident dhe rrëmujë. Ne do të parandalojmë vendosmërisht hyrjen e njerëzve që marrin me vete lëndë të rrezikshme.

Zoti Liu Shaowu tha se për të garantuaur si duhet sigurimin e fushave dhe pallateve të Lojërave Olimpike, në radhët e punonjësive të sigurimit publik të Pekinit është formuar edhe një repart i vençantë policor.

"Drejtoria e Sigurimit Publik të Pekinit ka formuar prej kohësh repartin e vet të veçantë policor, i cili ka bërë vazhdimisht stërvitje të veçantë ashtu siç bëhet në arenën ndërkombëtare. Si një repart sulmues në luftën antiterroriste dhe antidhune, ky repart i veçantë do të luajë një rol të forcave me bajonetë në raste incidentesh terroriste."

Të dashur dëgjues, dhamë reportazhin me titull "Përpjekjet aktive të Pekinit për garantimin e sigurimit të fushave dhe pallateve të Lojërave Olimpike". (Zheng)