dëgjoni

Ekonomistët e konsiderojnë industrinë e makinave si "degë kryesore të industrisë". Vitet e fundit, Kina po përpiqet të zhvillojë industrinë e vet të makinave, sidomos industrinë e makinave me të drejta të pronësisë intelektuale autonome. Në këtë fushë, provinca Anhui që ndodhet në pjesën qendrore të Kinës, ka ecur përpara. Shoqëria aksionare me përgjegjësi të kufizuar e automjeteve "Jianghuai" dhe Shoqëria aksionare me përgjegjësi të kufizuar "Qirui" janë vendosur në Anhui. Më poshtë ne do t'ju njohim me gjendjen e zhvillimit të industrisë së makinave me të drejta të pronësisë intelektuale autonome të provincës Anhui.

Këtu është reparti i montimit të përgjithshëm të kamionëve i Shoqërisë aksionare me përgjegjësi të kufizuar "Jianghuai". Në linjën e prodhimit me gjatësi rreth 50 metra, motorët dhe pjesë të këmbimit të kamionëve po montohen me radhë.

Shoqëria e automjeteve "Jianghuai" u krijua në vitin 1999. Ajo prodhonte kryesisht kamionë dhe mikrobuse tregtare. Sasia vjetore e automjeteve të prodhuara prej saj ka arritur në mbi 200 mijë. Qysh nga krijimi i saj, Shoqëria e automjeteve "Jianghuai" punon për prodhimin e automjeteve me të drejta të pronësisë intelektuale autonome. Tani, përveç shitjes së produkteve në tregun e Kinës, produktet e saj eksportohen edhe në vende të Azisë Juglindore, Amerikës Jugore dhe Afrikës. Njëkohësisht ajo ka krijuar jashtë vendit qendrën e saj studimore. Një përgjegjës i kësaj shoqërie Wang Dongsheng tha se Shoqëria e automjeteve "Jianghuai" ka planifikuar të prodhojë në gjashtëmujorin e dytë të këtij viti veturën e parë të projektuar nga Qendra studimore jashtë vendit.

"Qëllimi krijimit të qendrës studimore të vet të automjeteve jashtë vendit është marrje e teknologjive të përparuara ndërkombëtare dhe kërkim i bashkëpunimit vendor. Modeli i veturës është projektuar nga qendra e projektimit në Itali".

Në provincën Anhui ka edhe një ndërmarrje tjetër të prodhimit të automjeteve me të drejta të pronësisë intelektuale autonome, e cila është Shoqëria aksionare me përgjegjësi të kufizuar "Qirui". Sasia e prodhimit të veturave prej saj i kaloi të 300 mijët. Produktet e saj eksportohen në mbi 50 vende ose rajone të botës. Sasia e eksportit të veturave zë vendin e parë në Kinë. Kjo shoqëri ka pasur prirjen në studimin e motorëve. Një sërë motorësh kanë markat e para me të drejta të pronësisë intelektuale autonome në Kinë dhe janë shitur në tregun ndërkombëtar. Në tetor të vitit 2006, Shoqëria "Qirui" nënshkroi me Grupin Italian "FIAT" marrëveshjen e bashkëpunimit për prodhimin e 100 mijë motorëve në vit.

Zëdhënësi i shtypit i Shoqërisë me përgjegjësi të kufizuar të automjeteve "Qirui", z. Jin Gëbuo tha se "Qirui" ka pasur sukses të mirë, duke u mbështetur te strategjia e të drejtave të pronësisë intelektuale autonome."

"Krijimi autonom ka shtuar potencialin e Shoqërisë "Qirui" për zhvillimin e produkteve të veta. 8 modele veturash janë shitur në treg. Sivjet edhe 6 modele të reja veturash do të shiten në treg. Shoqëria "Qirui" është bërë shumë shpejt një nga ndërmarrjet me modelet më të shumta në Kinë."

Për të përkrahur zhvillimin e automjeteve me të drejta të pronësisë intelektuale autonome të ndërmarrjeve të ndryshme të automjeteve, administratat e niveleve të ndryshme të provincës Anhui kanë marrë shumë masa konkrete. Një prej tyre është nxitja e zhvillimit të sektorëve të prodhimit të pjesëve të automjeteve.

Zv/drejtori i degës tregtare të provincës Anhui, z. Zhang Jian i tha gazetarit se duke ngulur këmbë në zhvillimin e të drejtave të pronësisë intelektuale autonome, administrata e provincës Anhui inkurajon edhe ndërmarrjet e prodhimit të automjeteve të zhvillojnë bashkëpunimin teknologjik me botën e jashtme.

"Krijimi i markave autonome nuk tregon zhvillimin e mbyllur. Krijimit të markave autonome i duhen shkëmbimet me botën e jashtme. Ne mirëpresim investuesit të vijnë këtu për investime.

Disa blerës amerikanë dhe evropianë u shprehën që të forcojnë bashkëpunimin në studimin e prodhimin e disa modeleve të veturave." (Sihai)