dëgjoni

Panairi i mallrave të eksportit i Kinës që organizohet çdo vit në pranverë dhe vjeshtë në qytetin e Kinës jugore Guangzhou, është dritarja më e njohur me botën e jashtme në Kinë.

Ky panair i pranverës është panair i 101-të. Në krahasim me panairet e mëparshme, ky panair ka 2 ndryshime të dukshme. Në radhë të parë, emri i "panairit të mallrave të eksportit të Kinës" u ndryshua në "panairi i mallrave i import-eksportit i Kinës". Në këtë panair janë ngritur për herë të parë pavijone të mallrave të importit. Personalitetet përkatëse thanë se shtimi i pavijoneve të mallrave të importit është një veprim real që ka ndërmarrë Kina për zvogëlimin e sufiçitit tregtar.

Në pavijonet e mallrave të importit të panairit të 101-të të mallrave të import-eksportit të Kinës, zonja Jan Vilson që ka ardhur nga shteti "Uashington" i SHBA-së, po i njoh blerësit kinezë me ilaçet shëndetësore oqeanike të prodhuara nga Shoqata e saj. Brenda disa orësh të hapjes së këtij panairi, mbi 10 blerës kinezë nënshkruan me të kontrata të mallrave të importit. Zonja Vilson tha se tregu i madh kinez ka tërhequr pjesëmarrjen e tyre në këtë panair.

"Ky është një panair i madh tregtar botëror. Përmasat e tij po zgjerohen vazhdimisht. Ne dëshirojmë të gjejmë blerësit me potencial të fortë në këtë panair, të cilët mund të krijojnë me ne shoqeritë e përbashkëta për të importuar produktet tona".

Ajo i tha gazetarit se ndërmarrjet amerikane, sidomos ndërmarrjet e mesme dhe të vogla dëshirojnë të hyjnë në tregun kinez. Pa dyshim krijimi i pavijoneve të mallrave të importit ka hapur një portë të rëndësishme për hyrjen e ndërmarrjeve amerikane në Kinë. Kjo do të ketë ndihmë të madhe për zvogëlimin e sufiçitit tregtar të Kinës ndaj SHBA-së.

Sivjet emri i "panairit të mallrave të eksportit të Kinës" u ndryshua zyrtarisht në "panairi i mallrave të import-eksportit i Kinës". Në këtë panair janë ngritur posaçërisht pavijone të mallrave të importit. Ashtu si zonja Vilson, shumë tregtarë të huaj marrin pjesë në këtë panair për të gjetur raste në hyrjen e tyre në tregun kinez.

Duke folur për gjendjen e pavijoneve të mallrave të importit të këtij panairi, zëdhënësi i shtypit i këtij panairi, z. Sy Bin tha:

"Në pavijonet e mallrave të importit ndahet në dy lloje, produktet industriale dhe të konsumit. Në këtë panair marrin pjesë 314 ndërmarrje të 36 vendeve ose rajoneve të botës, duke përfshirë 7 ndërmarrje të 6 vendeve me zhvillim të ulët."

Sipas njoftimeve, në mbi 300 ndërmarrje që marrin pjesë në pavijonet e mallrave të importit të këtij panairi, 5 vende ose rajone që radhiten të parat, janë Hong-Kongu, Tajvani, Koreja e Jugut, Malejzi dhe SHBA-ja.

8 ndërmarrje të shtetit "Uashington" të SHBA-së marrin pjesë në këtë panair. Përgjegjësi i Zyrës së tregtisë të administratës së shtetit "Uashington" në Kinë, z. Cheng Yandong tha se ndërmarrjet e këtij shtetit që marrin pjesë në këtë panair, janë në përgjithësi ndërmarrje të mesme dhe të vogla. Në panairin e ardhshëm, shteti "Uashington" do të organizojë më shumë ndërmarrje të marrin pjesë në të. Produktet e tyre do të jetë më të përparuara.

"Në këtë panair, ndërmarrjet e mesme dhe të vogla amerikane kanë marrë pjesë më shumë, ndërsa ndërmarrjet e mëdha të shtetit "Uashington" janë duke parë. Në qoftë se ndërmarrjet e mesme dhe të vogla që kanë marrë pjesë në këtë panair, kanë interes, ndërmarrjet e mëdha do të vendosin të marrin pjesë në panairin e ardhshëm".

Personalitetet përkatëse janë të mendimit se shtimi i pavijoneve të mallrave të importit në këtë panair do të ndihmojë më shumë ndërmarrjet e huaja ta njohin tregun kinez, do të nxitë rritjen e importit të Kinës dhe do të favorizojë zvogëlimin e sufiçitit tregtar të Kinës. Në vitin 2006, sufiçiti tregtar i Kinës arriti në 177 miliardë e 500 milionë dollarë amerikanë. Kina po përballon presionin e madh të partnerëve tregtarë evropianë dhe amerikanë, sidomos të SHBA-së.

Për të pakësuar sufiçitin tregtar, qeveria kineze ka marrë një sërë masash, duke përfshirë koordinimin e strukturës së eksportit dhe zgjerimin e importit të pajisjeve dhe të teknologjive të përparuara. Ministria e Tregtisë e Kinës hartoi objektivin që deri në vitin 2010, import-eksporti i Kinës do të realizojë në përgjithësi balancën.

Zv/ministri i Tregtisë i Kinës Gao Hucheng tha se shtimi i pavijoneve të mallrave të importit është edhe një masë e Kinës për zvogëlimin e sufiçitit tregtar, duke shfaqur sinqeritetin e Kinës.

"Qeveria kineze do të ndryshojë platformën e njëanshme të nxitjes së eksportit në të dyanshme për të shpejtuar zhvillimin pjesëtimor të tregtisë së import-eksportit, duke traguar sinqeritetin dhe përpjekjet e qeverisë kineze për përmirësimin e balancës tregtare." (Sihai)