Dëgjoni

Të dashur dëgjues, në nënrubrikën e sotme "Shkëmbime kulturore" do t'ju njohim me violinistin e njohur kinez Lian Jianfeng dhe disa pjesë muzikore të huaja të luajtura prej tij.

Pjesa që po dëgjoni, është nga melodia e interpretuar me violinë nga Lian Jianfeng "Zgjimi nga ëndrra". Kjo melodi është përpunuar mbi bazën e këngës së kompozitorit francez Gabriel Faure. Ajo është një pjesë muzikore me melodi të bukur e tingëlluese plot motive franceze.

Liang Jianfeng lindi në qytetin Guanzhou të Kinës jugore dhe filloi të mësonte violinë nga babai që në moshën 5-vjeçare. Ai nisi të jepte shfaqje në skenë qysh kur ishte 8 vjeç dhe ka fituar shumë herë çmime në konkurse ndërkombëtare të violinës. Në vitin l979, Lian Jianfeng u transferua për të banuar në Hong-Kong dhe tani është zv.violinisti i parë i Orkestrës frymore dhe me tela të Hong-Kongut dhe njëkohësisht jep mësim në Institutin shtetëror të arteve të Tajvanit të Kinës dhe në fakultetin e muzikës të Universitetit Fuzhen. .... Pjesa që po dëgjoni është "Melodia e valleve Sisili" e kompozitorit francez Gabriel Faure. Kjo melodi ka qenë një melodi për violonçel dhe pasi u përpunua në melodi për violinë, duket më e gjallë dhe interpretimi i Lian Jianfengnit u la dëgjuesve mbresa të paharrueshme.

Stili i interpretimit të Lian Jianfengut është plot entuziazëm dhe patos, si poezi. Vitet e fundit, ai aktivizohet gjallërisht në skenat muzikore ndërkombëtare, duke dhënë shfaqje në SHBA, Japoni, Korenë e Jugut dhe në shumë vende e rajone të tjera të botës. Mjeshtëria e tij e lartë në interpretimin e violinës është vlerësuar gjerësisht nga dashamirësit e muzikës të vendeve të ndryshme të botës.

Pjesa që po dëgjoni, është muzika "Serenada", interpretuar në violinë nga Lian Jianfeng, e përpunuar mbështetur në veprën e kompozitorit italian Enrico Toselli. Kjo melodi e bukur përshkruan ndjenjat e dashurisë së një të riu për vajzën e tij të dashur. Nga ky interpretim i Lian Jianfenit, dëgjuesit mund të ndiejnë këtë dashuri të dalë nga thellësia e personazhit.

Pjesa e fundit që po dëgjoni, është "Serenada spanjolle" e interpretuar nga violinisti i njohur kinez Lian Jianfeng dhe e kompozuar nga kompozitori rus Aleksander Glazunov. Muzika e lehtë lirike është e mbushur me stil spanjoll. Interpretimi ritmik i violinistit Jian Jenfeng mishëron më së miri bukurinë e kësaj muzike. ( Zhai)