Dëgjoni

"Përshëndes shumë të gjithë dëgjuesit e Radios së Jashtme Të Kinës."

Sapo ju përshëndeti këngëtari i njohur shqiptar Alban Skenderaj që tani jeton në Itali. Kohët e fundit, Redaksia e gjuhës shqipe e Radios së Jashtme të Kinës ftoi për një intervistë në Tiranë këngëtarin shqiptar Alban Skenderaj.

Tani po dëgjoni këngën "Vetem ty". Me këtë këngë Albani fitoi çmimin e parë në festivalin e madh të muzikës moderne shqiptare "Top Fest" në vitin 2004. Në vitin 2005, ai fitoi për të dytën herë. Tani ai u bë një nga këngëtarët më të mirëpritur në Shqipëri. Ai kujton ende festivalin duke na thënë:

"Ishte një emocion shumë i madh, sidomos një ndjenje e madhe dhe shumë e fortë ishte kur u ktheva këtu nga Italia.U gëzova shumë që i dëgjonin këngët e mia. Deri natën e fundit nuk mendoja asnjë herë se mund të fitoj çmimin e parë dhe se mund të ndodhte e gjithë kjo. Ajo ishte një ndjenje shumë e fortë. Unë atje kam kënduar dhe duket se si jam i emocionuar."

Si Albani u bë një këngëtar i shkëlqyer që shkruan vetë muzikë edhe tekste? Cilat janë hapat tuaj të parë në rrugën e muzikës? Ai përgjigjet se jeton prej disa kohësh në Itali dhe hapat e para filluan atje. Kur ishte i vogël, filloi të mësojë kitarën dhe të studiojë kompozim me kitarë. Kur isha 17 vjeç, fillova të organizoj një grup të vogël muzikor. Në vitin 2004, u ktheva në Shqipëri për të marrë pjesë në një festival të madh muzikor modern duke fituar çmimin e parë dhe kështu filloi zyrtarisht karrierën e tij muzikore.

Alban Skenderaj pohoi se muzika perëndiomore ka ndikuar në muzikën e tij. Ai tha:

"Deri diku zakonisht kam dëgjuar shumë muzikë angleze,amerikane, me frymë shumë perëndimore edhe italiane."

Albani merr shumë elemente muzikore në muzikën e tij dhe zhvillon shumë bashkëpunim me artistë të tjerë. P.sh. kënga e tij "Diçka" është rezultati i bashkëpunimit midis Albanit dhe një grup muzikor nga Prishtina e Kosovës. Me këtë këngë, ata fituan çmimin e parë në festivalin e këngëve të vitit 2006. Tani le të dëgjojmë një pjesë të kësaj kënge.

Tani muzika pop shqiptare po zhvillohet shumë shpejtë, Albani i tregoi gazetares së Redaksisë së gjuhës shqipe të Radios së jashtme të Kinës mendimet e tij për perspektivën e muzikës pop shqiptare. Ai tha:

"Ç'do gjë është eksperimentale dhe është në një fazë të paqëndrueshme. Ç'do gjë shkon e vjen për 6 muaj, shkon për 2 muaj vjen një tjetër, shkon dhe një tjetër 3 muaj, ndryshojnë rrymat dhe akoma nuk ka gjetur identitet dhe megjithatë puna që bëj unë pak a shumë është diçka që pranohet në kuptimin që është muzikë e njohur nga kultura dhe tradita. Sidoqoftë pëlqehet dhe kjo është në kërkim të identitetit nga pala shqiptare."

Kur bisedoi lidhur me Kinë, Albani shprehu shumë interes për Kinën. Ai tha se mëgjithëse nuk ka qenë në Kinë, e tërheq shumë populli, tradita, kultura kineze. Kultura e Kinës është shumë e bukur, e vjetër dhe origjinale. Në vitin 2008, Kina do të organizojë Lojërat Olimpike të 29-të. Albani tha se ai dëshiron të shkojë në Kinë dhe ai e quan këtë udhëtim "një rrugë dy punë" do të thotë një udhëtim në Kinë për dy detyra: do të shikojë lojërat olimpike dhe do të vizitojë Kinën.

Në fundin e intervistës, Redaksia e gjuhës shqipe e CRI-së i dha Albanit një dhurat të vogël---gazetën e botuar nga redaksia jonë "Dritare". Alban është shumë i gëzuar dhe i pëlqen shumë gazeta "Dritare"dhe vlerësoi lartë këtë gazetë. Ai tha:

"Më duket shumë profesionale. Kualiteti shumë i mirë. Në foto, shkrim, letër, ngjyra shumë serioz shumë të bukura dhe ju jeni një radio shumë serioze."

Me këngën "Hapësira me një endërr" e këngëtarit të dalluar shqiptar Alban Skenderaj, ne do të përfundojmë programin e sotëm. Urojmë Albanin të fitojë suksese më të mëdha në rrugën e ardhshme muzikore. Mirudëgjofshim! (Zhangzhuo)